ಕೌಟುಂಬಿಕ ಕಲಹ: ಹೆಡ್ ಕಾನ್ಸ್​ಟೇಬಲ್ ನೇಣಿಗೆ ಶರಣು

ಯಲಹಂಕ ನ್ಯೂಟನ್ ಪೊಲೀಸ್ ಠಾಣಾ ವ್ಯಾಪ್ತಿಯ ಪೊಲೀಸ್ ಕ್ವಾಟ್ರಸ್​ನಲ್ಲಿ‌ ಕುಟುಂಬ ಸಮೇತ ವಾಸವಿದ್ದ ಈ ಹೆಡ್​ಕಾನ್ಸ್​ಟೇಬಲ್,​ ಕೌಟುಂಬಿಕ ಕಲಹ ಹಿನ್ನೆಲೆ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಬೆಂಗಳೂರು: ಕೌಟುಂಬಿಕ ಕಲಹ ಹಿನ್ನೆಲೆ‌ ಹೆಡ್ ಕಾನ್ಸ್​ಟೇಬಲ್​ ಓರ್ವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಗುರುಪ್ರಸಾದ್ (38) ಆತ್ಮಹತ್ಯೆಗೆ ಶರಣಾದ ಹೆಡ್ ಕಾನ್ಸ್​ಟೇಬಲ್. ಮೂಲತಃ ಇವರು ಚನ್ನಪಟ್ಟಣದವರಾಗಿದ್ದು, ನಗರದ ಸಂಪಿಗೆಹಳ್ಳಿ ಪೊಲೀಸ್ ಠಾಣೆಯಲ್ಲಿ ಕಳೆದ ನಾಲ್ಕು ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದರು. ಯಲಹಂಕ ನ್ಯೂಟನ್ ಪೊಲೀಸ್ ಠಾಣಾ ವ್ಯಾಪ್ತಿಯ ಪೊಲೀಸ್ ಕ್ವಾಟ್ರಸ್​ನಲ್ಲಿ‌ ಕುಟುಂಬ ಸಮೇತ ವಾಸವಿದ್ದರು. ಒಂದು ವಾರದ ಹಿಂದೆ ಹೆಂಡತಿ‌ ಯಾವುದೋ ವಿಷಯಕ್ಕೆ ಜಗಳ‌ವಾಡಿದ್ದರು ಎನ್ನಲಾಗಿದೆ. ಇದಾದ ನಂತರ ಆಕೆ ಮನೆ ಬಿಟ್ಟು ಊರು ಸೇರಿದ್ದರು‌‌.

ಕೌಟುಂಬಿಕ ಸಮಸ್ಯೆಯಿಂದ ಬಳಲುತ್ತಿದ್ದ ಇವರು, ತೀವ್ರ ಮದ್ಯವ್ಯಸನಿಯಾಗಿದ್ದರು ಎಂದು ತಿಳಿದು ಬಂದಿದೆ. ಈ ನೋವಿನಲ್ಲಿದ್ದ ಇವರು, ಕ್ವಾಟ್ರಸ್​ನಲ್ಲೇ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.