ಬೆಂಗಳೂರು : ಲಾಕ್ಡೌನ್ ಸಡಿಲಿಕೆ ನಂತರ ಸಿಲಿಕಾನ್‌ ಸಿಟಿಯಲ್ಲಿ ದಾಖಲಾದ ಅಪರಾಧ ಪ್ರಕರಣಗಳ ಪೂರ್ಣ ಮಾಹಿತಿ ಈಟಿವಿ ಭಾರತ್ಗೆ ಲಭ್ಯವಾಗಿದೆ. ಒಂದೇ ತಿಂಗಳಲ್ಲಿ 3 ಸಾವಿರ ಅಪರಾಧ ಪ್ರಕರಣ ನಗರದಲ್ಲಿ ದಾಖಲಾಗಿವೆ. ಪೊಲೀಸರಿಗೆ ಇದು ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಅದರಲ್ಲೂ ಸೈಬರ್ ಅಪರಾಧ ಪ್ರಕರಣ ಸಂಖ್ಯೆಯೇ ಹೆಚ್ಚಿದೆ. ಲಾಕ್ಡೌನ್ ಇದ್ದ ಏಪ್ರಿಲ್ನಲ್ಲಿ ಹಾಗೂ ಕೊಂಚ ಸಡಿಲಿಕೆಯಾದ ಮೇನಲ್ಲಿ ದಾಖಲಾಗಿರುವ ಪ್ರಕರಣಗಳನ್ನ ನೋಡುವುದಾದ್ರೆ..
| ಪ್ರಕರಣಗಳು | ಏಪ್ರಿಲ್ | ಮೇ |
| ಕೊಲೆ | 6 | 28 |
| ದರೋಡೆ | 6 | 25 |
| ಚೀಟಿಂಗ್ ಕೇಸ್ | 15 | 69 |
| ರ‍್ಯಾಷ್ ಡ್ರೈವಿಂಗ್ | 57 | 179 |
| ಹಲ್ಲೆ ಕೇಸ್ | 55 | 270 |
| ವಾಹನ ಕಳ್ಳತನ | 70 | 232 |
| ಕಿಡ್ನ್ಯಾಪ್ | 2 | 31 |
| ಸೈಬರ್ ಕ್ರೈಂ | 400 | 855 |
ಈವರೆಗೆ 56 ಮನೆಗಳ್ಳತನವೂ ಸೇರಿ ಇನ್ನಿತರೆ ಕೇಸ್ಗಳನ್ನು ಒಟ್ಟಾಗಿಸಿದ್ರೆ 2 ಸಾವಿರದ 580 ಪ್ರಕರಣ ದಾಖಲಾಗಿವೆ. ಸದ್ಯ ನಗರ ಅಷ್ಟೇ ಅಲ್ಲ, ರಾಜ್ಯದಲ್ಲೂ ಅಪರಾಧ ಪ್ರಕರಣಗಳ ಸಂಖ್ಯೆ ಹೆಚ್ಚಳವಾಗಿರೋದು ದುರದೃಷ್ಟಕರ. ಲಾಕ್ಡೌನ್ ಸಡಿಲಿಕೆ ನಂತರ ನಗರದಲ್ಲಿ ಬಹಳಷ್ಟು ಮಂದಿ ಕೆಲಸ ಇಲ್ಲದ ಕಾರಣ, ಈ ರೀತಿಯ ಅಪರಾಧ ಕೃತ್ಯಗಳಲ್ಲಿ ತೊಡಗಿರುವ ಸಾಧ್ಯತೆ ಇದೆ ಅಂತಾ ಪೊಲೀಸ್ ಅಧಿಕಾರಿಗಳು ಹೇಳುತ್ತಿದ್ದಾರೆ.
