ಬೆಂಗಳೂರು: ಐಎಂಎ ಜ್ಯುವೆಲ್ಲರಿ ಮಾಲೀಕ ಮನ್ಸೂರ್ ಸಾವಿರಾರು ಅಮಾಯಕರಿಗೆ ಉಂಡೆನಾಮ ಹಾಕಿದ್ದಾನೆ. ಈ ಮೋಸದ ಜಾಲಕ್ಕೆ ವಿಧವೆಯರು, ವಿಕಲಚೇತನರು ಸೇರಿದಂತೆ ಸಾವಿರಾರು ಜನರು ಸಿಲುಕಿದ್ದಾರೆ.
ಐಎಂಎ ದೋಖಾದಿಂದ ಕಣ್ಣೀರಿಡುತ್ತಿರುವ ವಿಕಲಚೇತನ
ಐಎಂಎ ಯಿಂದ ವಂಚನೆಗೊಳಗಾಗಿರುವ ವಿಕಲಚೇತನ ಏಸಾದ್ವುಲ್ಲಾ ಖಾನ್ ಎಂಬುವರ ತಮಗೆ ನಡೆಯೋಕ್ಕೆ ಆಗದೆ ಇದ್ರು ಊರುಗೋಲು ಹಿಡಿದು ಶಿವಾಜಿನಗರದ ಗಣೇಶ್ ಭಾಗ್ ಸಭಾಂಗಣಕ್ಕೆ ಬಂದು ದೂರು ನೀಡಿದ್ದಾರೆ. ಇನ್ನು ಈ ವೇಳೆ ಈಟಿವಿ ಭಾರತ್ ಜೊತೆ ಮಾತನಾಡಿರುವ ಅವರು, ನಾನು ಮೈಸೂರು ರಸ್ತೆಯಲ್ಲಿ ಪಾನ್ ಬೀಡಾ ಅಂಗಡಿ ನಡೆಸುತ್ತಿದೆ. ಈ ವೇಳೆ ಕೆಲವರು ಐಎಂಎ ನಲ್ಲಿ ಹಣ ಹೂಡಿಕೆ ಮಾಡಿದ್ರೆ ಲಾಭ ಬರುತ್ತೆ ಹೇಳಿದ್ರು. ಹಾಗಾಗಿ 2 ಲಕ್ಷ ಹಣ ಹೂಡಿಕೆ ಮಾಡಿದ್ದೆ ಬರೋ ಲಾಭದಲ್ಲಿ ಬಾಡಿಗೆಗೆ ಕಟ್ಟಲು ಸ್ವಲ್ಪ ಹಣ ಬರುತ್ತೆ ಎಂದು ಹೂಡಿಕೆ ಮಾಡಿದ್ದೆ. ಈಗ ಲಾಭವೂ ಇಲ್ಲ, ಹಾಕಿದ ಹಣವೂ ಇಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ. ಅಲ್ಲದೆ, ಈ ಬಗ್ಗೆ ಸಿಎಂ ಕುಮಾರಸ್ವಾಮಿಯವರು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಮನವಿ ಮಾಡಿದ್ದಾರೆ.
