ಸರಕು ಸಾಗಣೆ ವಾಹನ ಪಲ್ಟಿ... ಪಾದಚಾರಿಗೆ ಗಂಭೀರ ಗಾಯ

ಚಾಲಕನ ನಿಯಂತ್ರಣ ತಪ್ಪಿ ಸರಕು ಸಾಗಣೆ ವಾಹನ ಪಲ್ಟಿಯಾಗಿ ಬಿದ್ದ ಪರಿಣಾಮ ಪಾದಚಾರಿ ಗಂಭೀರ ಗಾಯಗೊಂಡಿದ್ದಾರೆ. ಬೆಂಗಳೂರಲ್ಲಿ ಈ ಘಟನೆ ನಡೆದಿದೆ.

ಬೆಂಗಳೂರು: ಚಾಲಕನ ನಿಯಂತ್ರಣ ತಪ್ಪಿ ಸರಕು ಸಾಗಣೆ ವಾಹನ ಮಗುಚಿ ಬಿದ್ದಿರುವ ಘಟನೆ ಬನಶಂಕರಿ ದೇವಾಲಯದ ಬಳಿ ನಡೆದಿದೆ.

ಸರಕು ಸಾಗಣೆ ವಾಹನ ಪಲ್ಟಿ

ವಾಹನ ಪಲ್ಟಿ ಹೊಡೆದ ಕಾರಣ ರಸ್ತೆ ಬದಿ ತೆರಳುತ್ತಿದ್ದ ಪಾದಚಾರಿ ವಯೋವೃದ್ಧನ ಮೇಲೆ ವಾಹನ ಬಿದ್ದಿದ್ದು, ವೃದ್ಧನ ಸ್ಥಿತಿ ಗಂಭೀರವಾಗಿದೆ‌. ಹಾಗೆ ಸರಕು ಸಾಗಣೆ ವಾಹನದ ಚಾಲಕನಿಗೂ ಗಾಯಗಳಾಗಿವೆ.

ಈ ವಿಷಯ ತಿಳಿದು ಜಯನಗರ ಸಂಚಾರಿ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ಇಬ್ಬರನ್ನ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆಗೊಳಪಡಿಸಲಾಗಿದೆ.