ಬೆಂಗಳೂರು: ಖಾಸಗಿ ಲ್ಯಾಬ್ನಿಂದ ಸಂಗ್ರಹಿಸಿದ ಸ್ವ್ಯಾಬ್ ಟೆಸ್ಟ್ ಅನ್ನು ಸರ್ಕಾರದ ಲೆಕ್ಕದಲ್ಲಿ ಅಕ್ರಮವಾಗಿ ಪರೀಕ್ಷೆ ಮಾಡಿ ವರದಿ ನೀಡಲು ಹಣ ಪಡೆಯುತ್ತಿದ್ದ ನಾಲ್ವರನ್ನು ಯಲಹಂಕ ಪೊಲೀಸರು ಬಂಧಿಸಿದ್ದಾರೆ.
ಯಲಹಂಕ ಸರ್ಕಾರಿ ಅಸ್ಪತ್ರೆಯ ಲ್ಯಾಬ್ ಟೆಕ್ನಿಷಿಯನ್ಗಳಾದ ಪದ್ಮನಾಭ, ಭಾವಿರೆಡ್ಡಿ, ಪುನೀತ್ ಹಾಗೂ ಖಾಸಗಿ ಲ್ಯಾಬ್ ನಡೆಸುತ್ತಿದ್ದ ಸತೀಶ್ ಬಂಧಿತರು.
ಸರ್ಕಾರಿ ಆಸ್ಪತ್ರೆಯಲ್ಲಿ ಹೊರಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡುತ್ತಿದ್ದ ಮೂವರು ಆರೋಪಿಗಳು ಖಾಸಗಿ ಲ್ಯಾಬ್ನಲ್ಲಿ ಸಂಗ್ರಹಿಸುತ್ತಿದ್ದ ಸ್ವ್ಯಾಬ್ ಅನ್ನು ಸರ್ಕಾರಿ ಅಸ್ಪತ್ರೆಯಲ್ಲಿ ಪರೀಕ್ಷೆ ಮಾಡಿಸುತ್ತಿದ್ದರು. ಪ್ರತಿ ಟೆಸ್ಟ್ಗೆ 100 ರೂ.ಪಡೆಯುತ್ತಿದ್ದು, ದಿನಕ್ಕೆ ಸುಮಾರು 30-40 ಸ್ವ್ಯಾಬ್ ಪರೀಕ್ಷೆ ಮಾಡಿ ಹಣ ಪಡೆಯುತ್ತಿದ್ದರು. ಕಳೆದ ಡಿಸೆಂಬರ್ನಿಂದ ಇದುವರೆಗೂ 500ಕ್ಕೂ ಹೆಚ್ಚು ಸ್ವ್ಯಾಬ್ಗಳನ್ನು ಅಕ್ರಮವಾಗಿ ಪರೀಕ್ಷೆ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ದುಬಾರಿ ಬೆಲೆಗೆ ರೆಮ್ಡಿಸಿವಿರ್ ಮಾರಾಟ: ಸಿಸಿಬಿಯಿಂದ ಮತ್ತಿಬ್ಬರ ಬಂಧನ
