ಕೊರೊನಾ ಚಿಕಿತ್ಸೆ ನೀಡುವ ಆಸ್ಪತ್ರೆಗಳ ಮೇಲೆ ಸೇನಾ ಹೆಲಿಕಾಪ್ಟರ್​ನಿಂದ ನಾಳೆ ಹೂಮಳೆ!

ಕೊರೊನಾ ವೈರಸ್​ ವಿರುದ್ಧ ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು ಹೋರಾಟ ಮಾಡುತ್ತಿರುವ ಕೊರೊನಾ ವಾರಿಯರ್ಸ್​ಗೆ ನಾಳೆ ಭಾರತೀಯ ಸೇನೆ ಹೆಲಿಕಾಪ್ಟರ್​​ ಮೂಲಕ ಹೂಮಳೆ ಸುರಿಸುವ ಮೂಲಕ ವಿಶೇಷವಾಗಿ ಗೌರವ ಅರ್ಪಿಸಲಿದೆ.

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ವೈರಸ್ ಹೆಚ್ಚಾಗುತ್ತಲೇ ಇದ್ದು, ತಮ್ಮ ಜೀವದ ಹಂಗು ತೊರೆದು ಕೊರೊನಾ ವಿರುದ್ಧ ಕಾರ್ಯನಿರ್ವಹಿಸುತ್ತಿರುವ ವೈದ್ಯರು- ದ್ಯಕೀಯ ಸಿಬ್ಬಂದಿಗೆ‌ ಭಾರತೀಯ ವಾಯುಪಡೆ ಯೋಧರಿಂದ ನಾಳೆ ಹೆಲಿಕಾಪ್ಟರ್​​ ಮೂಲಕ ಹೂಮಳೆ ಸುರಿಸುವ ಮೂಲಕ ವಿಶೇಷ ಗೌರವ ವಂದನೆ ಸಲ್ಲಿಸಲಾಗುತ್ತಿದೆ.

ಸೇನಾ ಹೆಲಿಕಾಪ್ಟರ್ ಮೊದಲಿಗೆ ವಿಕ್ಟೋರಿಯಾ ಆಸ್ಪತ್ರೆಯ ವೈದ್ಯರು, ನರ್ಸ್ ಹಾಗೂ ಸಿಬ್ಬಂದಿ, ನಂತರ ಕಮಾಂಡ್ ಆಸ್ಪತ್ರೆಯ ಕೊರೊನಾ ವಾರಿಯರ್ಸ್​ಗೆ ಹೂಮಳೆ ಸುರಿಸಿ ಸಲ್ಯೂಟ್ ಮಾಡಲಾಗುತ್ತದೆ. ನಾಳೆ ಬೆಳಗ್ಗೆ 10:30ರಿಂದ 10:45ರ ನಡುವೆ ವಾಯುಪಡೆ ಯೋಧರು ಹೂಮಳೆ ಸುರಿಸಲಿದ್ದಾರೆ.

ನಂತರ ಮಧ್ಯಾಹ್ನ 3-45ಕ್ಕೆ ವಿಧಾನಸೌಧದ ಮೇಲೂ ಹೂಮಳೆ ಸುರಿಸಲಿದ್ದಾರೆ.