ಬೆಂಗಳೂರು: ಮಾದಕ ವಸ್ತು ಜಾಲವನ್ನು ಮಟ್ಟಹಾಕಲು ಪೊಲೀಸರು ಎಷ್ಟೇ ಪ್ರಯತ್ನಪಟ್ಟರೂ, ಡ್ರಗ್ ಪೆಡ್ಲರ್ಗಳು ಮಾತ್ರ ಇನ್ನೊಂದು ಮಾರ್ಗವನ್ನು ಕಂಡುಕೊಂಡು ತಮ್ಮ ಕೆಲಸ ಮಾಡಿಕೊಳ್ಳುತ್ತಿದ್ದಾರೆ. ಇದೀಗ ಪೊಲೀಸರ ಕಣ್ತಪ್ಪಿಸಿ ಕೊರಿಯರ್ ಮೂಲಕ ಮಾದಕ ವಸ್ತುಗಳನ್ನು ಸಾಗಿಸುವ ಹೊಸ ಮಾರ್ಗ ಕಂಡುಕೊಂಡಿದ್ದಾರೆ.
ಆಂಧ್ರ ಪ್ರದೇಶದ ವಿಶಾಖಪಟ್ಟಣಂನಿಂದ ಬೆಂಗಳೂರಿಗೆ ಗಾಂಜಾ, ಡ್ರಗ್ ಸೇರಿದಂತೆ ಮಾದಕ ವಸ್ತುಗಳು ಬರುತ್ತಿದೆ ಎಂಬ ಮಾಹಿತಿ ಮೇರೆಗೆ ಖಾಕಿಪಡೆ ಕೊರಿಯರ್ ಕಚೇರಿಗಳ ಮೇಲೆ ಕಣ್ಣಿಟ್ಟಿದೆ. ಬೆಂಗಳೂರು ಕೇಂದ್ರ ವಿಭಾಗದ ಕೊರಿಯರ್ ಸೆಂಟರ್ಗಳ ಮೇಲೆ ಡಾಗ್ ಸ್ಕ್ವಾಡ್ ಮೂಲಕ ಪೊಲೀಸರು ದಾಳಿ ನಡೆಸಿದ್ದಾರೆ.
ಓದಿ : ತೋಟದ ಮನೆಗೆ ಕನ್ನ: 10 ಲಕ್ಷ ಮೌಲ್ಯದ ನಗನಾಣ್ಯ ದೋಚಿದ ಕಳ್ಳರು
ಕೇಂದ್ರ ವಿಭಾಗದ ವಿವೇಕನಗರ, ಅಶೋಕನಗರ, ಸಂಪಂಗಿ ರಾಮನಗರ, ಸದಾಶಿವನಗರ, ಶೇಷಾದ್ರಿಪುರಂ, ವೈಯಾಲಿಕಾವಲ್‌ ಭಾಗದಲ್ಲಿ ಹೆಚ್ಚಾಗಿ ಡ್ರಗ್ಸ್, ಗಾಂಜಾ ಸರಬರಾಜು ಆಗುತ್ತಿದೆ ಎಂಬ ಮಾಹಿತಿ ಮೇರೆಗೆ 12 ಡಾಗ್ ಸ್ಕ್ವಾಡ್ಗಳಿಂದ ಕೇಂದ್ರ ವಿಭಾಗದ ಎಲ್ಲಾ ಕೊರಿಯರ್ ಆಫೀಸ್‌ಗಳಲ್ಲಿ ತಲಾಶ್ ನಡೆಸಲಾಗಿದೆ.
ಜೊತೆಗೆ, ಸ್ಲಂ ಪ್ರದೇಶಗಳಲ್ಲಿ ಪೆಡ್ಲರ್‌ಗಳ ಮನೆಗಳನ್ನು ಕೂಡ ಪೋಲಿಸರು ಜಾಲಾಡಿದ್ದಾರೆ, ಈ ಮೂಲಕ ಡ್ರಗ್ಸ್ ಪೂರೈಕೆ ಮಾಡುವರ ಮೇಲೆ ಹದ್ದಿಣ ಕಣ್ಣಿಟ್ಟಿದ್ದಾರೆ. ಕೇಂದ್ರ ವಿಭಾಗದ ಡಿಸಿಪಿ ಅನುಚೇತ್‌ ನೇತೃತ್ವದಲ್ಲಿ ಸರ್ಚ್ ಆಪರೇಶನ್ ನಡೆದಿದ್ದು, ಕೇಂದ್ರ ವಿಭಾಗದ ಎಲ್ಲಾ ಪೊಲೀಸ್ ಠಾಣಾ ವ್ಯಾಪ್ತಿಗಳಲ್ಲಿ ಡ್ರಗ್ ಪೆಡ್ಲರ್ಸ್ ಮತ್ತು ಗ್ರಾಹಕರ ಮೇಲೆ ಪೊಲೀಸರು ಹದ್ದಿನ ಕಣ್ಣಿಟ್ಟಿದ್ದಾರೆ.
