ಬೆಂಗಳೂರು: ಹುಳಿಮಾವು ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಅಧಿಕೃತವಾಗಿ ಲಾಡ್ಜ್ ನಡೆಸಲು ಪರವಾನಗಿ ಪಡೆದರೂ, ಪರವಾನಗಿಯ ನಿಯಮಗಳನ್ನ ಗಾಳಿಗೆ ತೂರಿ ಕಾನೂನು ಬಾಹಿರವಾಗ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದರು. ಈ ಬಗ್ಗೆ ಮಾಹಿತಿ ಸಂಗ್ರಹಿಸಿದ ಕೇಂದ್ರ ಅಪರಾಧ ವಿಭಾಗದ ತಂಡ ದಾಳಿ ನಡೆಸಿ ಗೌರವ್ ರಾಜ್, ಹೀನಾ ಸಿಂಗ್, ಅಣ್ಣಪ್ಪ ಎಂಬ ಆರೋಪಿಗಳನ್ನ ಬಂಧಿಸಿದ್ದಾರೆ.
ಇನ್ನು ಆರೋಪಿ ಗೌರವ್ ರಾಜ್ ಹಾಗೂ ಹೀನಾ ಸಿಂಗ್ ದಂಪತಿಗಳಾಗಿದ್ದು, ಅಧಿಕ ಹಣಗಳಿಸುವ ಉದ್ದೇಶದಿಂದ ಆನ್ಲೈನ್ನಲ್ಲಿ ತಮ್ಮ ಮೊಬೈಲ್ ನಂಬರ್ ಅಳವಡಿಕೆ ಮಾಡಿಕೊಂಡು ಟೆಲಿಕಾಲರ್ ಮೂಲಕ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದರು. ಈ ದಂಧೆಗೆ ಅಮಾಯಕ ಹೊರ ರಾಜ್ಯದ ಬಡ ಹೆಣ್ಣು ಮಕ್ಕಳನ್ನ ಟಾರ್ಗೇಟ್ ಮಾಡಿ, ಉದ್ಯೋಗ ಕೊಡಿಸುವುದಾಗಿ ನಂಬಿಸಿ ಮೊದಲೇ ಹುಳಿಮಾವು ಬಳಿ ಇರುವ ಲಾಡ್ಜ್ ಅನ್ನು ಓಯೋ ಕಂಪನಿ ಮೂಲಕ ಬುಕ್ಮಾಡಿ ದಂಧೆ ಮಾಡುತ್ತಿದ್ದರು. ಈ ದಂಧೆಗೆ ಹೋಟೆಲ್ ಮ್ಯಾನೇಜರ್ ಸಾಥ್ ನೀಡಿದ್ದ ಎಂದು ತಿಳಿದು ಬಂದಿದೆ.
ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಸಿಸಿಬಿ ಪೊಲೀಸರು ದಾಳಿ ನಡೆಸಿ ಆರೋಪಿಗಳ ಬಳಿಯಿಂದ ಮೊಬೈಲ್ ಫೋನ್, ನಗದು ವಶಪಡಿಸಿ ಅಮಾಯಕ ಹೆಣ್ಣು ಮಕ್ಕಳನ್ನ ರಕ್ಷಿಸಿ ತನಿಖೆ ಮುಂದುವರೆಸಿದ್ದಾರೆ.
