ಬೆಂಗಳೂರು : ಶಾಸಕರ ಭವನದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಎಎಸ್ಐಗೆ ಕೊರೊನಾ ಸೋಂಕು ತಗುಲಿದ್ದು, ಆಸ್ಪತ್ರೆಗೆ ಕರೆದೊಯ್ಯಲು ಕಳೆದ 4 ಗಂಟೆಗಳಿಂದ ಕಾಯ್ದರು ಆ್ಯಂಬುಲೆನ್ಸ್ ಬಂದಿಲ್ಲ.
50 ವರ್ಷದ ಎಎಸ್ಐಗೆ ಕೋವಿಡ್ ಸೋಂಕು ತಗುಲಿದ್ದು ದೃಢಪಟ್ಟಿದೆ. 3 ದಿನದ ಹಿಂದೆ ಶಾಸಕರ ಭವನದ ಪೊಲೀಸ್ ಸಿಬ್ಬಂದಿಗಳಿಗೆ ರ‍್ಯಾಂಡಮ್ ಟೆಸ್ಟ್ ಮಾಡಿಸಲಾಗಿತ್ತು. ಇ‌ಂದು ಬಂದ ಪರೀಕ್ಷಾ ವರದಿಯಲ್ಲಿ ಎಎಸ್ಐಗೆ ಕೊರೊನಾ ದೃಢಪಟ್ಟಿದೆ.
ಶಾಸಕರ ಭವನದ ಎಎಸ್ಐಗೆ ಕೊರೊನಾ
ಪಾಸಿಟಿವ್ ವರದಿ ಬಂದ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ದಾಖಲಾಗಲು ಸೋಂಕಿತ ಎಎಸ್ಐ 4 ಗಂಟೆಗಳಿಂದ ಕಾಯ್ದರು ಸ್ಥಳಕ್ಕೆ ಆ್ಯಂಬುಲೆನ್ಸ್ ಬಂದಿಲ್ಲ. ಶಾಸಕರ ಭವನದಲ್ಲೇ ಒಂದೆಡೆ ಕಾಯುತ್ತ ಕುಳಿತಿದ್ದಾರೆ. ಅಲ್ಲದೆ ಶಾಸಕರ ಭವನದಲ್ಲಿ ಮತ್ತೋರ್ವ ವ್ಯಕ್ತಿಗೂ ಪಾಸಿಟಿವ್ ಪತ್ತೆಯಾಗಿದೆ. ಅವರು ಸಹ ಆ್ಯಂಬುಲೆನ್ಸ್ಗಾಗಿ ಕಾಯುವಂತಾಗಿದೆ.
