ಬೆಂಗಳೂರಲ್ಲಿ ಮಹಿಳಾ ಉದ್ಯೋಗಿಗೆ ಕೊರೊನಾ ಶಂಕೆ

ಬೆಂಗಳೂರಿನ ನಾಗಾವರದ ಪಿಜಿಯೊಂದರಲ್ಲಿ ಮಹಿಳೆಯೊಬ್ಬರಿಗೆ ಕೋವಿಡ್ 19 ವೈರಸ್ ಲಕ್ಷಣಗಳು ಕಾಣಿಸಿಗೊಂಡಿದೆ. ಹಾಗಾಗಿ ಅವರನ್ನು ತಪಾಸಣೆಗೆ ಕಳಿಸಲಾಗಿದೆ ಎಂದು ತಿಳಿದು ಬಂದಿದೆ.

ಬೆಂಗಳೂರು: ನಗರದ ನಾಗಾವರದ ಪಿಜಿಯೊಂದರಲ್ಲಿ ಮಹಿಳೆಯೊಬ್ಬರಿಗೆ ಕೋವಿಡ್ 19 ವೈರಸ್ ಲಕ್ಷಣಗಳು ಕಾಣಿಸಿಗೊಂಡಿದ್ದು, ಕೂಡಲೇ ಆ್ಯಂಬುಲೆನ್ಸ್​ ಮೂಲಕ ಐಸೋಲೇಷನ್​​ಗೆ ರವಾನಿಸಲಾಗಿದೆ ಎಂದು ತಿಳಿದು ಬಂದಿದೆ.

ಮಹಿಳೆ ಮಾನ್ಯತಾ ಟೆಕ್ ಪಾರ್ಕ್​ನ ಖಾಸಗಿ ಸಂಸ್ಥೆಯಾದ ಕಾಗ್ನಿಸೆಂಟ್​ನಲ್ಲಿ ಕೆಲಸ ಮಾಡುತ್ತಿದ್ದಳು ಎನ್ನಲಾಗಿದೆ. ಸಂಸ್ಥೆಯು ಪಿಜಿ ಸುತ್ತಮುತ್ತಲ ಮನೆಗಳು ಹಾಗೂ ಪಿಜಿಯವರಿಗೆ ಹೊರ ಬಾರದಂತೆ ಸಂಸ್ಥೆಯ ಇ-ಮೇಲ್​​ನಲ್ಲಿ ತಿಳಿಸಿದ್ದು, ಗಾಬರಿ ಪಡುವ ಅಗತ್ಯವಿಲ್ಲ ಎಂದು ತಿಳಿಸಿದೆ.

ಅಲ್ಲದೇ ಶಂಕಿತ ಕೊರೊನಾ ಮಹಿಳೆಯ ತಪಾಸಣೆ ನಡೆಸಲಾಗುತ್ತಿದ್ದು, ಫಲಿತಾಂಶ ಬರಲು 2 -3 ದಿನ ಆಗಲಿದೆ ಎಂದು ತಿಳಿಸಿದೆ.