ರಾಜ್ಯ ಪೊಲೀಸರ ನೆಮ್ಮದಿಗೆ ಕಂಟಕಪ್ರಾಯವಾದ ಕೊರೊನಾ ಹೆಮ್ಮಾರಿ... ಇಲ್ಲಿದೆ ಪ್ರಕರಣಗಳ ಡೀಟೇಲ್ಸ್​​​!

ರಾಜ್ಯದಲ್ಲಿ ಕೊರೊನಾ ಸೋಂಕಿನ ವಿರುದ್ಧ ಎಷ್ಟೇ ಜಾಗೃತಿ ಕ್ರಮಗಳನ್ನು ಕೈಗೊಂಡರೂ ಈ ಮಹಾಮಾರಿ ಮಾತ್ರ ತನ್ನ ಅಟ್ಟಹಾಸವನ್ನು ಮುಂದುವರೆಸಿದೆ. ಇದೀಗ ರಾಜ್ಯದ ಪೊಲೀಸರ ನಿದ್ದೆಯನ್ನೂ ಸಹ ಕೆಡಿಸಿದೆ.

ಬೆಂಗಳೂರು: ಹಿರಿಯಾಧಿಕಾರಿಗಳ ಸೂಚನೆ ಮೇರೆಗೆ ಆದಷ್ಟು ಮುಂಜಾಗ್ರತಾ ಕ್ರಮ ಕೈಗೊಂಡು ಕೆಲಸ ನಿರ್ವಹಣೆ ಮಾಡ್ತಿದ್ರು ಕೂಡ ಕೊರೊನಾ ಮಹಾಮಾರಿ ಬಿಟ್ಟು ಬಿಡದೆ ಪೊಲೀಸ್​ ಸಿಬ್ಬಂದಿಯ ಬೆನ್ನೇರುತ್ತಲೇ ಇದೆ. ಮೊದ ಮೊದಲು ಆರೋಪಿಗಳಿಂದ ಸೋಂಕಿಗೆ ತುತ್ತಾದ ಪೊಲೀಸರು, ನಂತರ ಸಣ್ಣ ಪುಟ್ಟ ಅಪರಾಧಗಳ ತನಿಖೆಗೆ ಮುಂದಾಗಿದ್ದರು. ಆದರೂ ಕೂಡಾ ಸೋಂಕು ಹೆಚ್ಚಳವಾಗುತ್ತಲೇ ಸಾಗಿದ್ದು, ಇದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

1. ಪಶ್ಚಿಮ ವಿಭಾಗದಲ್ಲಿ ಇಂದು 3 ಪ್ರಕರಣ ಪತ್ತೆಯಾಗಿದ್ದು, ಒಟ್ಟು 73 ಪ್ರಕರಣ ದಾಖಲಾಗಿವೆ. ‌ಇದರಲ್ಲಿ‌ 36 ಜನ ಬಿಡುಗಡೆಯಾಗಿದ್ದರೆ, 37 ಪ್ರಕರಣಗಳು ಸಕ್ರಿಯವಾಗಿವೆ.

2. ಇಂದು ಉತ್ತರ ವಿಭಾಗದಲ್ಲಿ 3 ಪ್ರಕರಣ ‌ದಾಖಲಾಗಿದ್ದು, ಒಟ್ಟು 16 ಕೇಸ್ ದೃಢವಾಗಿವೆ. ಇಲ್ಲಿಯವರೆಗೆ 2 ಜನ ಬಿಡುಗಡೆಯಾಗಿದ್ದು, 14 ಪ್ರಕರಣ ಸಕ್ರಿಯವಾಗಿವೆ.

3. ದಕ್ಷಿಣ ವಿಭಾಗದಲ್ಲಿ ಇಂದು 1 ಪ್ರಕರಣ ಪತ್ತೆಯಾಗಿದ್ದು, ಒಟ್ಟು ‌24 ಕೇಸ್ ದಾಖಲಾಗಿವೆ. 2 ಜನ ಬಿಡುಗಡೆಯಾಗಿದ್ದು, ಒಟ್ಟು 22 ಆ್ಯಕ್ಟಿವ್​ ಪ್ರಕರಣಗಳಿವೆ.

4. ಕೇಂದ್ರ ವಿಭಾಗಲ್ಲಿಂದು 1 ಪ್ರಕರಣ ಪತ್ತೆಯಾಗಿದ್ದು, ಒಟ್ಟು 14 ಕೇಸ್ ದಾಖಲಾಗಿವೆ. 3 ಜನ ಬಿಡುಗಡೆಯಾಗಿದ್ದು 11 ಸಕ್ರಿಯ ಪ್ರಕರಣಗಳಿವೆ.

5. ಪೂರ್ವ ವಿಭಾಗದಲ್ಲಿ ಇಂದು 1 ಪ್ರಕರಣ ಪತ್ತೆಯಾಗಿದ್ದು, ಒಟ್ಟು 10 ಕೇಸ್​ಗಳಿವೆ, 4 ಜನ ಬಿಡುಗಡೆಯಾಗಿದ್ದರೆ 6 ಕೇಸ್​ ಸಕ್ರಿಯವಾಗಿವೆ.

6. ಆಗ್ನೇಯ ವಿಭಾಗದಲ್ಲಿ ಒಟ್ಟು 16 ಕೇಸ್ ಇದ್ದು, 5 ಜನ ಬಿಡುಗಡೆಯಾಗಿದ್ದಾರೆ. ಅಲ್ಲದೇ 11 ಸಕ್ರಿಯ ಪ್ರಕರಣಗಳಿವೆ.

7. ಈಶಾನ್ಯ ವಿಭಾಗದಲ್ಲಿ 3 ಕೇಸ್ ದಾಖಲಾಗಿದ್ದು, 3 ಸಕ್ರಿಯ ಪ್ರಕರಣಗಳಿವೆ.

8. ಟ್ರಾಫಿಕ್ ಆಗ್ನೆಯ ವಿಭಾಗದಲ್ಲಿಂದು 1 ಪ್ರಕರಣ ಪತ್ತೆಯಾಗಿ ಒಟ್ಟು 39 ಕೇಸ್ ದಾಖಲಾಗಿವೆ. 15 ಜನ ಬಿಡುಗಡೆಯಾಗಿದ್ದು, 24 ಆ್ಯಕ್ಟಿವ್​ ಇವೆ.

9. ಟ್ರಾಫಿಕ್ ಪಶ್ಚಿಮ ವಿಭಾಗದಲ್ಲಿಂದು 2 ಪ್ರಕರಣ ಪತ್ತೆಯಾಗಿ ಒಟ್ಟು 34 ಕೇಸ್​ ದಾಖಲಾಗಿವೆ. 17 ಬಿಡುಗಡೆಯಾಗಿದ್ದು 17 ಸಕ್ರಿಯ ಪ್ರಕರಣಗಳಿವೆ.

10. ಟ್ರಾಫಿಕ್ ಉತ್ತರ ವಿಭಾಗದಲ್ಲಿ 1 ಆ್ಯಕ್ಟಿವ್ ಕೇಸ್ ಇದೆ.

11. ಸಿ ಎ ಆರ್ ಹೆಡ್ ಕ್ವಾಟ್ರಸ್​ನಲ್ಲಿ ಇಂದು 3 ಪ್ರಕರಣ ಪತ್ತೆಯಾಗಿದ್ದು, ಒಟ್ಟು 21 ಕೇಸ್ ದಾಖಲಾಗಿವೆ. ಇಲ್ಲಿಯವರೆಗೆ 6 ಬಿಡುಗಡೆಯಾಗಿದ್ದರೆ, 15 ಸಕ್ರಿಯವಾಗಿವೆ.

12. ಕಮಿಷನರ್ ಕಚೇರಿಯಲ್ಲಿ 8 ಕೇಸ್ ಇದ್ದು, ಈ ಪೈಕಿ 3 ಜನ ಬಿಡುಗಡೆಯಾಗಿದ್ದರೆ 5 ಸಕ್ರಿಯ ಪ್ರಕರಣಗಳಿವೆ.

13. ಸಿಸಿಬಿಯಲ್ಲಿ ಒಟ್ಟು 12 ಕೇಸ್ ಇದ್ದು, 7 ಜನ ಬಿಡುಗಡೆಯಾಗಿದ್ದು, 5 ಸಕ್ರಿಯ ಪ್ರಕರಣಗಳಿವೆ.

14. ಡಿಜಿ ಕಚೇರಿಯಲ್ಲಿ ಒಟ್ಟು 1 ಕೇಸ್ ಸಕ್ರಿಯವಾಗಿದೆ.

15. ಎಸಿಬಿಯಲ್ಲಿ 1 ಕೇಸ್ ಬಿಡುಗಡೆಯಾಗಿದೆ.

16. ಸಿಐಡಿಯಲ್ಲಿ ಇಂದು 1 ಪ್ರಕರಣ ಪತ್ತೆಯಾಗಿ ಒಟ್ಟು 5 ಕೇಸ್ ದಾಖಲಾಗಿದೆ. ಅಲ್ಲದೇ ಒಬ್ಬರು ಬಿಡುಗಡೆಯಾಗಿದ್ದು, 4 ಸಕ್ರಿಯ ಪ್ರಕರಣಗಳಿವೆ.

17. ಕೆ.ಎಸ್ ಆರ್ ಪಿ ಯಲ್ಲಿ ಒಟ್ಟು 37 ಕೇಸ್ ಇದ್ದು, 12 ಜನ ಬಿಡುಗಡೆಯಾಗಿದ್ದು, ಒಟ್ಟು 25 ಸಕ್ರಿಯ ಪ್ರಕರಣಗಳಿವೆ.

18. ವೈರ್​ಲೆಸ್ ನಲ್ಲಿ ಒಂದು ಸಕ್ರಿಯ ಪ್ರಕರಣ ದಾಖಲಾಗಿದೆ. ಒಟ್ಟು 6 ಜನ ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ.

ಇಷ್ಟೊಂದು ಕೊರೊನಾ ಸೋಂಕು ಪತ್ತೆಯಾದ ಕಾರಣ ಒಟ್ಟು 65 ಪೊಲೀಸ್ ಠಾಣೆಗಳನ್ನ ಸೀಲ್ ಡೌನ್ ಮಾಡಲಾಗಿತ್ತು. ಸದ್ಯ 35 ಠಾಣೆಗಳನ್ನು ಇನ್ನೂ ಸೀಲ್​ಡೌನ್​​ ಮಾಡಲಾಗಿದೆ. ಅಲ್ಲದೇ ಈ ಕೊರೊನಾ ಮಾರಿಯನ್ನು ಹೇಗೆ ತಡೆಗಟ್ಟವುದು ಎಂಬುದು ಇಲಾಖೆಗೆ ದೊಡ್ಡ ತಲೆನೋವಾಗಿದೆ.