ಬೆಂಗಳೂರು: ಶಿವಾಜಿನಗರ ಕ್ಷೇತ್ರದ ರಾಮಸ್ವಾಮಿಪಾಳ್ಯ ವಾರ್ಡ್ನಲ್ಲಿ ಇಂದು ಕಂಟೇನ್ಮೆಂಟ್ ಝೋನ್ ತೆರವುಗೊಳಿಸಿದ್ದು, ಈ ಸಂಭ್ರಮದಲ್ಲಿ ಸ್ಥಳೀಯರು, ಶಾಸಕ ರಿಜ್ವಾನ್ ಅರ್ಷದ್, ಪಾಲಿಕೆ ಅಧಿಕಾರಿಗಳು, ಪೊಲೀಸರು ಹಾಗೂ ಆಶಾ ಕಾರ್ಯಕರ್ತೆಯರಿಗೆ ಆರತಿ ಎತ್ತಿ ಸಂಭ್ರಮಿಸಿದ್ದಾರೆ.
ಕಂಟೇನ್ಮೆಂಟ್ ಝೋನ್ನಿಂದ ಮುಕ್ತಿ ಪಡೆದ ರಾಮಸ್ವಾಮಿಪಾಳ್ಯ ವಾರ್ಡ್
ರಾಮಸ್ವಾಮಿಪಾಳ್ಯದಲ್ಲಿ ಹದಿನಾಲ್ಕು ದಿನ ಸೀಲ್ ಡೌನ್ ಮಾಡಲಾಗಿತ್ತು. ಮೂರು ರಸ್ತೆಗಳನ್ನು ಬ್ಲಾಕ್ ಮಾಡಿ, ಔಟ್ ಪೋಸ್ಟ್ ಕ್ಲಿನಿಕ್ ಸ್ಥಾಪಿಸಿ ನಿತ್ಯ ಹಿರಿಯರ, ಸಣ್ಣ ಪುಟ್ಟ ಖಾಯಿಲೆಗೆ ಆರೋಗ್ಯ ತಪಾಸಣೆ ಮಾಡಲಾಗ್ತಿತ್ತು.
ಪೇಷಂಟ್ 195 ಮಣಿಪುರದ ವ್ಯಕ್ತಿಯಲ್ಲಿ ಕೊರೊನಾ ಪಾಸಿಟಿವ್ ಬಂದ ಹಿನ್ನೆಲೆಯಲ್ಲಿ ರಾಮಸ್ವಾಮಿ ಪಾಳ್ಯವನ್ನು ಕಂಟೇನ್ಮೆಂಟ್ ಝೋನ್ ಮಾಡಲಾಗಿತ್ತು. ಇಂದು ಕಂಟೇನ್ಮೆಂಟ್ ತೆರವಾಗಿದೆ.
ನಗರದಲ್ಲಿ ನಿನ್ನೆ ಮೂರು ವಾರ್ಡ್ ಸೇರಿ ಇಂದು ಪುಲಕೇಶಿನಗರ ವಾರ್ಡ್ನ ಕಂಟೇನ್ಮೆಂಟ್ ಅವಧಿ ಮುಗಿದಿದೆ. ಉಳಿದಂತೆ ನಗರದಲ್ಲಿ ಒಟ್ಟು 20 ಕಂಟೇನ್ಮೆಂಟ್ ವಾರ್ಡ್ಗಳು ಬಾಕಿ ಉಳಿದಿವೆ ಎಂದು ವಾರ್ ರೂಂ ರಿಪೋರ್ಟ್ ತಿಳಿಸಿದೆ.
