ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಸರ ಅಪಹರಣ ಮಾಡಲು ಪಲ್ಸರ್ ಬೈಕ್ನಲ್ಲಿ ಬರುತ್ತಿದ್ದ ಖದೀಮರು ತಮ್ಮ ವರಸೆ ಬದಲಿಸಿದ್ದು, ಬೌನ್ಸ್ ಬೈಕ್ (ಬಾಡಿಗೆ ಬೈಕ್) ಬಳಸಿ ಚೈನ್ ಸ್ನಾಚಿಂಗ್ಗೆ ಮುಂದಾಗಿದ್ದಾರೆ.
ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್‌
ಕೆಆರ್ ಪುರಂನ ಮದರ್ ಥೆರೆಸಾ ಸ್ಕೂಲ್ ಬಳಿಯ ಆರನೇ ಕ್ರಾಸ್ ನಲ್ಲಿ ಮಂಗಳವಾರ ಮಂಕಿ ಕ್ಯಾಪ್ ಧರಿಸಿ ಬೌನ್ಸ್ ಬೈಕ್ನಲ್ಲಿ ಬಂದ ಕಳ್ಳರು ಮಹಿಳೆಯ ತಲೆಗೆ ದೊಣ್ಣೆಯಿಂದ ಬಾರಿಸಿ ಆಕೆಯ ಕುತ್ತಿಗೆಯಲ್ಲಿದ್ದ ಸರವನ್ನು ಕಿತ್ತುಕೊಳ್ಳಲು ಪ್ರಯತ್ನಿಸಿದರು. ಅವರು ಕಿರುಚಿದ್ದರಿಂದ ಸುತ್ತಮುತ್ತಲ ಜನ ಸೇರಿದ್ದು, ಇದರಿಂದ ಗಾಬರಿಯಾದ ಕಳ್ಳರು ಸರ ಕಿತ್ತುಕೊಂಡು ಕಾಲ್ಕಿತ್ತಿದ್ದಾರೆ.
ಕ್ಲೆವರ್ ಅಲ್ಲ ಮೂರ್ಖತನ: ಇನ್ನು ಈ ಕುರಿತು ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್‌ಮಾತಾಡಿ ಇದು ಬುದ್ಧಿವಂತಿಕೆ ಅಲ್ಲ ಶುದ್ಧ ದಡ್ಡತನ. ಬೌನ್ಸ್ ಬೈಕ್ ಸಬ್ಸ್ಕ್ರೈಬ್ ಮಾಡಲು ದಾಖಲೆಗಳನ್ನು ಕೊಡಬೇಕು. ಬೈಕ್ನಲ್ಲಿ ಜಿಪಿಎಸ್ ಟ್ರ್ಯಾಕರ್ ಇರುವ ಕಾರಣ ಕಳ್ಳರು ಎಲ್ಲಿದ್ದಾರೆ ಎಂದು ಸುಲಭವಾಗಿ ಪತ್ತೆ ಮಾಡಬಹುದು ಎಂದು ತಿಳಿಸಿದ್ದಾರೆ.
