ಒಎಲ್​ಎಕ್ಸ್​ ಮೂಲಕ ಪಂಗನಾಮ... ಖಾಲಿ ಚೆಕ್​ ಕೊಟ್ಟು ಕಾರು ಕೊಂಡೊಯ್ದ ಖದೀಮ!

ಸಾಮಾಜಿಕ ಜಾಲತಾಣದಿಂದಾಗಿ ಅನೇಕ ಜನರು ಮೋಸ ಹೋಗಿರುವ ಘಟನೆಗಳು ದಿನೇ ದಿನೇ ಹೆಚ್ಚಾಗುತ್ತಿವೆ. ರಾಜೇಶ್ ಎಂಬುವರು​ ಒಎಲ್​ಎಕ್ಸ್​ನಲ್ಲಿ ತಮ್ಮ ಮಹಿಂದ್ರಾ ವೆರಿಟೋ ಕಾರನ್ನು ಮಾರಾಟ ಮಾಡಲು ಜಾಹೀರಾತು ಪ್ರಕಟಿಸಿದ್ದರು.

ಬೆಂಗಳೂರು: ಸಾಮಾಜಿಕ ಜಾಲತಾಣದಿಂದಾಗಿ ಅನೇಕ ಜನರು ಮೋಸ ಹೋಗಿರುವ ಘಟನೆಗಳು ದಿನೇ ದಿನೇ ಹೆಚ್ಚಾಗುತ್ತಿವೆ. ಇದೀಗ ಅಂತಹದ್ದೇ ಘಟನೆಯೊಂದು ನಗರದಲ್ಲಿ ಮತ್ತೆ ನಡೆದಿದೆ.

ರಾಜೇಶ್ ಎಂಬುವರು​ ಒಎಲ್​ಎಕ್ಸ್​ನಲ್ಲಿ ತಮ್ಮ ಮಹಿಂದ್ರಾ ವೆರಿಟೋ ಕಾರನ್ನು ಮಾರಾಟ ಮಾಡಲು ಜಾಹೀರಾತು ಪ್ರಕಟಿಸಿದ್ದರು. ಈ ವೇಳೆ ಸೋಮಶೇಖರ್ ಎಂಬಾತ ​ 5,10,000 ರೂ.ಗೆ ಖರೀದಿಸುವುದಾಗಿ ಮುಂದೆ ಬಂದಿದ್ದ. ಆತ 10,000 ರೂ. ನಗದು ನೀಡಿದ್ದು, ಬಾಕಿ ಉಳಿದ ಹಣವನ್ನು ಚೆಕ್​ ಮೂಲಕ ನೀಡಿರುವುದಾಗಿ ಹೇಳಿದ್ದಾನೆ. ಸೋಮಶೇಖರ್​ನ ಮಾತು ನಂಬಿ ರಾಜೇಶ್​ ಕಾರು ಮಾರಾಟ ಮಾಡಿದ್ದರು. ಆದರೆ ಚೆಕ್​ ಡ್ರಾ ಮಾಡಲು ಹೋದಾಗ ಆತನ ಅಕೌಂಟ್​ನಲ್ಲಿ ಹಣವಿಲ್ಲ ಎಂಬುದು ತಿಳಿದಿದೆ.

ಈ ಹಿನ್ನಲೆಯಲ್ಲಿ ರಾಜೇಶ್ ಅವರು ಸೋಮಶೇಖರ್​ಗೆ 3-4 ತಿಂಗಳಿನಿಂದ ಕರೆ ಮಾಡಿದ್ದರೂ ಪ್ರಯೋಜನವಾಗಿಲ್ಲ. ಇನ್ನು ಆಧಾರ್​ ಕಾರ್ಡ್​ ಇಲಾಖೆಯಲ್ಲಿ ತಾನು ಕೆಲಸ ಮಾಡುತ್ತಿರುವುದಾಗಿ ರಾಜೇಶ್​ಗೆ ಹೇಳಿದ್ದ ಸೋಮಶೇಖರ್​, ಇದೇ ರೀತಿ ಅನೇಕರಿಗೂ ಆತ ಮೋಸ ಮಾಡಿದ್ದಾನೆ ಎನ್ನಲಾಗುತ್ತಿದೆ. ಸದ್ಯ ತನಿಖೆಯಲ್ಲಿ ಸೋಮಶೇಖರ್​ ದಾವಣಗೆರೆಯ ಸುರನ್ಯಾ ಗ್ರಾಮದವನೆಂದು ತಿಳಿದುಬಂದಿದೆ.

ಈ ಸಂಬಂಧ ಯಶವಂತಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡು ಆರೋಪಿಗಾಗಿ ಶೋಧ ನಡೆಸುತ್ತಿದ್ದಾರೆ.