ಬಿಎಂಟಿಸಿ ವೋಲ್ವೊ ಬಸ್ ಬ್ರೇಕ್ ಫೇಲ್: ಸರಣಿ ಅಪಘಾತದಿಂದ 8 ಕಾರು, 2 ಆಟೋ, 4 ಬೈಕ್ ಜಖಂ ​

ಬೆಂಗಳೂರಿನ ಜಯನಗರದಲ್ಲಿ ಬಿಎಂಟಿಸಿ ಬಸ್​ ಬ್ರೇಕ್​ ಫೇಲ್​ ಆಗಿ ಸರಣಿ ಅಪಘಾತ ಸಂಭವಿಸಿದೆ. ಕಾರು, ಬೈಕ್​ ಹಾಗೂ ಆಟೋ ಈ ಅಪಘಾತದಲ್ಲಿ ಜಖಂಗೊಂಡಿವೆ. ಬಿಎಂಟಿಸಿ ನಿರ್ಲಕ್ಷ್ಯದ ವಿರುದ್ಧ ವಾಹನಗಳ ಮಾಲೀಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬೆಂಗಳೂರು: ಇತ್ತೀಚೆಗಷ್ಟೇ ಸುಮ್ಮನಹಳ್ಳಿ ಬಿಎಂಟಿಸಿ ಬಸ್​ ದುರಂತ ಸಂಭವಿಸಿತ್ತು. ಈ ಘಟನೆ ಮಾಸುವ ಮುನ್ನವೇ ಮತ್ತೊಂದು ಅಪಘಾತ ನಗರದಲ್ಲಿ ನಡೆದಿದೆ. ಜಯನಗರದ 9ನೇ ಬ್ಲಾಕ್ ಪಂಪ್ ಹೌಸ್ ವೃತ್ತದಲ್ಲಿ ವೋಲ್ವೊ ಬಸ್ ಬ್ರೇಕ್​ ಫೇಲ್​ ಆಗಿ​ ಇಂದು ಸರಣಿ ಅಪಘಾತ ಸಂಭವಿಸಿದೆ.

ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಬಿಟಿಎಂ ಲೇಔಟ್​ಗೆ ಹೊರಟಿದ್ದ ವೋಲ್ವೊ ಬಸ್​ನ ಬ್ರೇಕ್ ಫೇಲ್ ಆಗಿದ್ದು, ಸರಣಿ ಅಪಘಾತಕ್ಕೆ ಕಾರಣವಾಗಿದೆ. ಈ ವೇಳೆ 8 ಕಾರು, 2 ಆಟೊ, ಮತ್ತು 4 ದ್ವಿಚಕ್ರ ವಾಹನಗಳು ಅಪಘಾತದಲ್ಲಿ ಜಖಂಗೊಂಡಿವೆ.

ಅದೃಷ್ಟವಶಾತ್​ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ವಾಹನಗಳ ಮಾಲೀಕರು ಬಿಎಂಟಿಸಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.