ಮಹಿಳಾ ಸಾಂತ್ವನ ಕೇಂದ್ರಕ್ಕೆ ಸಿಸಿಬಿ ಅಧಿಕಾರಿಗಳ ಆಗಮನ: ರಾಗಿಣಿ, ಸಂಜನಾ ವಿಚಾರಣೆ ಆರಂಭ

ಡ್ರಕ್ಸ್​ ಲಿಂಕ್ ಆರೋಪದಡಿ ತನಿಖೆ ಎದುರಿಸುತ್ತಿರುವ ನಟಿಯರಾದ ಸಂಜನಾ ಹಾಗೂ ರಾಗಿಣಿಗೆ ಇಂದೂ ಸಹ ವಿಚಾರಣೆ ಮುಂದುವರಿಯಲಿದ್ದು, ಮಹಿಳಾ ಸಾಂತ್ವನ ಕೇಂದ್ರಕ್ಕೆ ಸಿಸಿಬಿ ಪೊಲೀಸರು ಆಗಮಿಸಿದ್ದಾರೆ.

ಬೆಂಗಳೂರು: ರಾಗಿಣಿ ಹಾಗೂ ಸಂಜನಾ ವಿಚಾರಣೆ ನಡೆಸಲು ಸದ್ಯ ಮಹಿಳಾ ಸಾಂತ್ವನ ಕೇಂದ್ರಕ್ಕೆ ಸಿಸಿಬಿ ಇನ್ಸ್​​ಪೆಕ್ಟರ್​​ ಅಂಜುಮಾಲಾ ಆಗಮಿಸಿದ್ದು, ವಿಚಾರಣೆ ಸದ್ಯ ಚುರುಕುಗೊಂಡಿದೆ.

ಹಾಗೆ ತನಿಖೆಯ ದೃಷ್ಟಿಯಿಂದ ಮಡಿವಾಳದ ಎಫ್ಎಸ್​​​ಎಲ್​​​​ ಕಚೇರಿಗೆ ಯಾರನ್ನು ಶಿಫ್ಟ್ ಮಾಡಬೇಕು ಎನ್ನುವುದರ ಬಗ್ಗೆ ನಿರ್ಧಾರ ಮಾಡಲಿದ್ದಾರೆ.

ಹಾಗೆ ರಾಗಿಣಿಯನ್ನು ಮಡಿವಾಳಕ್ಕೆ ಕರೆದೊಯ್ದರೆ, ಸಂಜನಾ ಸಾಂತ್ವನ ಕೇಂದ್ರದಲ್ಲಿಯೇ ಇರಲಿದ್ದಾರೆ. ಒಂದು ವೇಳೆ ಸಂಜನಾ ಶಿಫ್ಟ್ ಆದ್ರೆ, ರಾಗಿಣಿ ಸಾಂತ್ವನ ಕೇಂದ್ರದಲ್ಲಿಯೇ ಇರುವ ಸಾಧ್ಯತೆಯಿದೆ.

ಪೇಪರ್ ವರ್ಕ್​​​ನಲ್ಲಿ ಬಿಸಿಯಾಗಿದ್ದ ತನಿಖಾಧಿಕಾರಿಗಳು ಸದ್ಯ ಲಕ್ಕಸಂದ್ರದ ‌ಮಹಿಳಾ ಸಾಂತ್ವನ ಕೇಂದ್ರದಲ್ಲಿ ವಿಚಾರಣೆ ನಡೆಸಲಿದ್ದಾರೆ. ಸದ್ಯ ರಾಗಿಣಿ, ರಾಹುಲ್, ರವಿಶಂಕರ್ ಮೊಬೈಲ್ ಡೇಟಾ ರಿಟ್ರೀವ್ ಆಗಿದೆ. ಸಿಸಿಬಿ ದಾಳಿ ಮುಂಚೆ ಈ ಆರೋಪಿಗಳು‌ ಮೊಬೈಲ್​​ನಲ್ಲಿದ್ದ ಮೆಸೇಜ್, ಫೋಟೋಸ್, ವಿಡಿಯೋಗಳೆಲ್ಲವನ್ನು ಡಿಲಿಟ್ ಮಾಡಿದ್ದರು ಎನ್ನಲಾಗ್ತಿದೆ.

ಹೀಗಾಗಿ ಮಡಿವಾಳ ಎಫ್ಎಸ್ಎಲ್​​​​ಗೆ ಮೊಬೈಲ್ ರವಾನೆ ಮಾಡಲಾಗಿತ್ತು‌. ಸದ್ಯ ಮೊಬೈಲ್​ ಡೇಟಾ ರಿಟ್ರೀವ್​​​ ಆಗಿದ್ದು, ಈ ದಾಖಲೆಗಳ ಮೇಲೆ ವಿಚಾರಣೆ ಮುಂದುವರಿಯಲಿದೆ.