ಅಂತಾರಾಜ್ಯ ಮಾದಕ ವಸ್ತು ಮಾರಾಟ ಜಾಲ ಪತ್ತೆ; ಸಿಸಿಬಿಯಿಂದ ಆರೋಪಿಗಳ ಬಂಧನ

ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದ ಅಂತಾರಾಜ್ಯ ಡ್ರಗ್​ ಪೆಡ್ಲರ್ಗಳನ್ನು ಸಿಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ. ಆರೋಪಿಗಳಿಂದ 2 ಕೆ.ಜಿ ತೂಕದ ಗಾಂಜಾ, 20 ಗ್ರಾಂ ಎಂಡಿಎಂಎ, 50ಎಕ್ಟೆಸಿ ಮಾತ್ರೆ, 20 ಎಲ್​ಎಸ್​ಡಿ ಪಿಲ್ಸ್​ ಮೊಬೈಲ್ ಪೋನ್ ವಶಪಡಿಸಿಕೊಂಡಿದ್ದಾರೆ.

ಬೆಂಗಳೂರು: ಲಾಕ್‌ಡೌನ್ ಸಡಿಲಿಕೆಯಾಗ್ತಿದ್ದ ಹಾಗೆ ಸದ್ಯ ಡ್ರಗ್ ಪೆಡ್ಲರ್‍ಗಳ ಹಾವಳಿ ಮತ್ತೆ ಶುರುವಾಗಿದೆ. ನಗರದಲ್ಲಿ ವಿವಿಧ ರೀತಿಯ ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದ ಅಂತಾರಾಜ್ಯ ಡ್ರಗ್​ ಪೆಡ್ಲರ್ಗಳ ಬಂಧನ ಮಾಡುವಲ್ಲಿ ಸಿಸಿಬಿ ಮಾದಕದ್ರವ್ಯ ನಿಗ್ರಹದಳ ಯಶಸ್ವಿಯಾಗಿದೆ.

ತಸ್ಲೀಮ್​, ಮಹಮ್ಮದ್ ಅಮೀರ್, ಮನು ಥಾಮಸ್, ಹಸೀಬ್, ರಾಜೀಕ್, ಜೋಮನ್ ಬಂಧಿತ ಆರೋಪಿಗಳು. ಮೂಲತಃ ಕೇರಳದವರಾದ ಈ ಆರೋಪಿಗಳು ನಗರದ ಹುಳಿಮಾವು ಪೊಲೀಸ್ ಠಾಣಾ ವ್ಯಾಪ್ತಿಯ ಬಳಿ 6 ಜನ ಆರೋಪಿಗಳು ಸೇರಿಕೊಂಡು ಗಾಂಜಾ, ಎಂಡಿಎಂಎ, ಎಕ್ಟೆಸಿ ಮಾತ್ರೆಗಳು, ಎಲ್ಎಸ್​ಡಿ ಪಿಲ್ಸ್​ಗಳನ್ನು ಮನೆಯಲ್ಲಿಟ್ಟುಕೊಂಡು ವಿದ್ಯಾರ್ಥಿಗಳು, ಯುವಕರು, ಉದ್ಯೊಗಿಗಳಿಗೆ ಮಾರಾಟ ಮಾಡುತ್ತಿದ್ದರು.