ಭೀಕರ ಕಾರು ಅಪಘಾತ: ಮೂವರು ಮಹಿಳೆಯರು ಸಾವು

ಕಾರು ಅಪಘಾತದಲ್ಲಿ ಮೂವರು‌ ಮಹಿಳೆಯರು ಸ್ಥಳದಲ್ಲಿಯೇ ಮೃತಪಟ್ಟು, ಕಾರು ಚಾಲಕ ಗಂಭೀರ ಗಾಯಗೊಂಡಿರುವ ಘಟನೆ ಧರ್ಮಪುರಿ ಜಿಲ್ಲೆಯ ಡೆಂಕಣಿಕೋಟೆ ತಾಲೂಕಿನ ಬಳಿ ನಡೆದಿದೆ.

ಆನೇಕಲ್​: ಕಾರು ಅಪಘಾತದಲ್ಲಿ ಮೂವರು‌ ಮಹಿಳೆಯರು ಸ್ಥಳದಲ್ಲಿಯೇ ಮೃತಪಟ್ಟು, ಕಾರು ಚಾಲಕ ಗಂಭೀರ ಗಾಯಗೊಂಡಿರುವ ಘಟನೆ ಧರ್ಮಪುರಿ ಜಿಲ್ಲೆಯ ಡೆಂಕಣಿಕೋಟೆ ತಾಲೂಕಿನ ಬಳಿ ನಡೆದಿದೆ.

ತಿರುಪ್ಪತ್ತೂರ್ ಜಿಲ್ಲೆಯ ಕಾಕ್ಕನಪಾಳ್ಯಂ ಗ್ರಾಮದ ಸತ್ಯವಾಣಿ(70), ಅನ್ಬು(50) ಮತ್ತು ಕವಿತಾ(40) ಎಂಬುವರು ಕಾರಿನಲ್ಲಿಯೇ ಸಾವನ್ನಪ್ಪಿದ್ದಾರೆ. ಸೇಲಂನಿಂದ ಧರ್ಮಪುರಿಗೆ ತೆರಳುವ ಹೆದ್ದಾರಿಯಲ್ಲಿ ಈ ದುರ್ಘಟನೆ ಜರುಗಿದೆ. ಉಳಿದಂತೆ ಕಾರು ಚಾಲಕ ರಮೇಶ್(40) ಗಾಯಗಳಿಂದ ತೊಪ್ಪೂರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಸದ್ಯ ತೊಪ್ಪೂರ್​ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.