ಬೆಂಗಳೂರಲ್ಲಿ ಮದವೇರಿದ ಗೂಳಿಯ ರಂಪಾಟ: ಇಬ್ಬರಿಗೆ ಗಂಭೀರ ಗಾಯ - ವಿಡಿಯೋ

ಬೆಂಗಳೂರಲ್ಲಿ ಕೊಬ್ಬಿದ ಗೂಳಿವೊಂದು ಅಟ್ಟಹಾಸ ಮೆರೆದಿದೆ. ಅನ್ನಸಂದ್ರಪಾಳ್ಯದಲ್ಲಿ ಓಡಾಡುತ್ತಿದ್ದ ಗೂಳಿ ಇಬ್ಬರ ಮೇಲೆ ಮಾರಣಾಂತಿಕ ದಾಳಿ ಮಾಡಿದೆ.

ಬೆಂಗಳೂರು: ಮದವೇರಿದ ಗೂಳಿಯ ತಿವಿತದಿಂದ ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಹೆಚ್​​ಎಎಲ್ ಠಾಣಾ ವ್ಯಾಪ್ತಿಯ ಅನ್ನಸಂದ್ರಪಾಳ್ಯದಲ್ಲಿ ನಡೆದಿದೆ.

ಘಟನೆಯಲ್ಲಿ ಗುರಪ್ಪಾ, ಸೆಲ್ವಕುಮಾರ್ ಎಂಬವರು ಗಂಭೀರವಾಗಿ ಗಾಯಗೊಂಡಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶನಿವಾರ ಬೆಳಗ್ಗೆಯಿಂದಲೂ ಅನ್ನಸಂದ್ರಪಾಳ್ಯದಲ್ಲಿ ಬೆದರಿಸಿದ ಸ್ಥಿತಿಯಲ್ಲಿ ಗೂಳಿ ಓಡಾಡುತ್ತಿತ್ತು.‌ ಹಲವು ಅಂಗಡಿ ಮುಂಗಟ್ಟು ಹಾಗೂ ವಾಹನಗಳನ್ನು ಜಖಂಗೊಳಿಸಿತ್ತು. ಈ ವೇಳೆ ಅಂಗಡಿಯೊಂದರ ಬಳಿ ಕುಳಿತಿದ್ದ ಗುರಪ್ಪ ಹಾಗೂ ಸೆಲ್ವಕುಮಾರ್ ಅವರಿಗೆ ಕೊಂಬಿನಿಂದ ತಿವಿದು ಗಾಯಗೊಳಿಸಿದೆ.