ಬೆಂಗಳೂರು: ಸಾರಿಗೆ ನೌಕರರ ಮುಷ್ಕರ 10ನೇ ದಿನಕ್ಕೆ ಕಾಲಿಟ್ಟಿದೆ. ಇಂದು ಬಿಎಂಟಿಸಿಯು ಬಲಗೈ ಸ್ವಾಧೀನ ಕಳೆದು ಕೊಂಡಿರುವ ಸಿಬ್ಬಂದಿಯಿಂದ ಬಸ್ ಚಾಲನೆ ಮಾಡಿಸಿದೆ.
ಮುಷ್ಕರದ ನಡುವೆ ಸಾರ್ವಜನಿಕರಿಗೆ ಬಸ್ ವ್ಯವಸ್ಥೆ ಕಲ್ಪಿಸಲು ಬಿಎಂಟಿಸಿ ನಿಗಮ ಹೊಸ ಹೊಸ ಪ್ರಯೋಗಗಳನ್ನ ಮಾಡುತ್ತಿದೆ. ಸಾರ್ವಜನಿಕರಿಗೆ ಪರ್ಯಾಯವಾಗಿ ಖಾಸಗಿ ಬಸ್ ಗಳನ್ನು ಓಡಿಸಲು ಅವಕಾಶ ಕೊಟ್ಟಿದೆಯಾದರೂ, ನಿಗಮದ ಬಸ್ಗಳಂತೆ ಎಲ್ಲಾ ಕಡೆ ಓಡಾಟಕ್ಕೆ ಆಗುತ್ತಿಲ್ಲ. ಚಾಲಕರು ಮತ್ತು ನಿರ್ವಾಹಕರು ಕೆಲಸಕ್ಕೆ ಗೈರಾದ ಕಾರಣ, ಇದೀಗ ಬಲಗೈ ಸ್ವಾಧೀನ ಕಳೆದುಕೊಂಡಿರುವ ಸಿಬ್ಬಂದಿಯಿಂದ ಬಸ್ ಚಾಲನೆ ಮಾಡಿಸಿದೆ.
ಇದನ್ನೂ ಓದಿ: ಕೋವಿಡ್ ನಿಯಂತ್ರಣ ಸಂಬಂಧ ಭಾನುವಾರ ಮುಂದಿನ ಕ್ರಮದ ಘೋಷಣೆ: ಸುಧಾಕರ್
ಡಿಪೋ 40ರಲ್ಲಿ ಬಲಗೈ ಸ್ವಾಧೀನ ಕಳೆದುಕೊಂಡಿರುವ ಸಿಬ್ಬಂದಿಗೆ ಬಸ್ ಓಡಿಸಲು ಬಿಟ್ಟಿದ್ದಾರೆ. ಹಲವು ವರ್ಷಗಳಿಂದ ಪಾರ್ಶ್ವವಾಯುನಿಂದಾಗಿ ಕೈ ಸ್ವಾಧೀನ ಕಳೆದುಕೊಂಡಿದ್ದು, ಈ ಚಾಲಕನಿಗೆ ಬಸ್ ಓಡಿಸಲು ಅವಕಾಳ ಕೊಟ್ಟಿದ್ದಾರೆ. ಏನಾದರೂ ಅನಾಹುತ ಸಂಭವಿಸಿದರೆ ಯಾರು ಹೊಣೆ ಅನ್ನೋದನ್ನು ನಿಗಮದ ಅಧಿಕಾರಿಗಳೇ ಹೇಳಬೇಕು.
