ಸ್ವದೇಶಿ ನಿರ್ಮಿತ ತೇಜಸ್​ ವಿಮಾನ ಏರಿದ ಸೇನಾ ಮುಖ್ಯಸ್ಥ ರಾವತ್​

ಬೆಂಗಳೂರಿನ ಪ್ರತಿಷ್ಟಿತ ಏರ್ ಶೋನಲ್ಲಿ ಸೇನಾ ಮುಖ್ಯಸ್ಥ ಬಿಪಿನ್ ರಾವತ್ ಸ್ವದೇಶಿ ನಿರ್ಮಿತ ತೇಜಸ್ ವಿಮಾನದಲ್ಲಿ ಸಂಚರಿಸಿ ಸಂತಸ ಪಟ್ಟರು.

ಬೆಂಗಳೂರು: ಇಲ್ಲಿನ ಯಲಹಂಕ ವಾಯುನೆಲೆಯಲ್ಲಿ ನಡೆಯುತ್ತಿರುವ ವೈಮಾನಿಕ ಪ್ರದರ್ಶನದ ವೇಳೆ ಭಾರತೀಯ ಸೇನಾಪಡೆ ಮುಖ್ಯಸ್ಥ ಬಿಪಿನ್​ ರಾವತ್​ ಅವರು ಸ್ವದೇಶಿ ನಿರ್ಮಿತ ತೇಜಸ್​ ವಿಮಾನದಲ್ಲಿ ಸಂಚರಿಸಿದರು.

ತೇಜಸ್ ಹಗುರ ಯುದ್ಧ ವಿಮಾನ ಏರಿದ ಸೇನಾಪಡೆಯ ಮುಖ್ಯಸ್ಥರ ಜೊತೆಯಲ್ಲಿ ರಕ್ಷಣಾ ಇಲಾಖೆಯ ಪ್ರಧಾನ ಸಲಹೆಗಾರ ಪ್ರೊ.ವಿಜಯ್ ರಾಘವನ್ ಇದ್ದರು.

ಬಿಪಿನ್ ರಾವತ್ ಅವರು ತೇಜಸ್​​ನಲ್ಲಿ ಕೋ-ಪೈಲಟ್ ಆಗಿ ಪ್ರಯಾಣ ಮಾಡಿದರು.

ಯುದ್ಧ ವಿಮಾನ ಹಾರಾಟದ ಅನುಭವ ಹಂಚಿಕೊಂಡ ರಾವತ್​ ಅವರು ತೇಜಸ್​ ವಿಮಾನದ ಟಾರ್ಗೆಟ್​ ಚೆನ್ನಾಗಿದೆ. ಇದು ಸ್ವದೇಶಿ ನಿರ್ಮಿತ ಎಂಬುದು ಹೆಮ್ಮೆಯ ವಿಷಯ. ಭಾರತೀಯ ವಾಯುಪಡೆಯ ಶಕ್ತಿಯನ್ನು ಇದು ಇಮ್ಮಡಿಗೊಳಿಸಿದೆ ಎಂದು ತಿಳಿಸಿದ್ದಾರೆ.