ಬೆಂಗಳೂರು: ಮತ್ತೆ ರೋಡಿಗಿಳಿದ ಬೈಕ್​ ವ್ಹೀಲಿಂಗ್ ಬಾಯ್ಸ್​​​... ವಿಡಿಯೋ ವೈರಲ್​​

ನಗರದಲ್ಲಿ ಯುವಕರ ಗುಂಪೊಂದು ಫ್ಲೈಓವರ್ ಮೇಲೆ ವ್ಹೀಲಿಂಗ್ ಮಾಡುತ್ತಿರುವ ದೃಶ್ಯಾವಳಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಬೆಂಗಳೂರು: ನಗರದಲ್ಲಿ ಮತ್ತೆ ಬೈಕ್​ ವ್ಹೀಲಿಂಗ್​ ಬಾಯ್ಸ್​ ರೋಡಿಗಿಳಿದಿದ್ದಾರೆ. 4 ಡಿಯೋ ಬೈಕ್​​ಗಳಲ್ಲಿ ಬಂದ ಹುಡುಗರು ಫ್ಲೈಓವರ್ ಮೇಲೆ ವ್ಹೀಲಿಂಗ್ ಮಾಡುತ್ತಿರುವ ದೃಶ್ಯಾವಳಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ವ್ಹೀಲಿಂಗ್ ಮಾಡುತ್ತಿರುವ ದೃಶ್ಯದ ವಿಡಿಯೋ ಈಟಿವಿ ಭಾರತಕ್ಕೆ ಲಭ್ಯವಾಗಿದ್ದು, ಯಾವುದೇ ಸೇಫ್ಟಿ ಇಲ್ಲದೆ ದ್ವಿಚಕ್ರ ವಾಹನ ಚಲಾವಣೆ ಮಾಡಿದ ಪೋಲಿಗಳನ್ನು ಜನ ಸಾಮಾಜಿಕ ಜಾಲತಾಣಗಳಲ್ಲಿ ಬೈಯುತ್ತಿದ್ದಾರೆ.

ಫ್ಲೈಓವರ್​ ಮೇಲೆ ಒಂದೇ ವ್ಹೀಲ್​​​​ನಲ್ಲಿ ಬೈಕ್ ರೈಡ್ ಮಾಡಿ, ನಾ ಮುಂದು ತಾ ಮುಂದು ಎಂಬ ಜಿದ್ದಾಜಿದ್ದಿ ಮೇಲೆ ಬೈಕ್ ವ್ಹೀಲೀಂಗ್​ ನಡೆಸಿದ್ದಾರೆ. ನಂಬರ್ ಪ್ಲೇಟ್ ಇಲ್ಲದ ದ್ವಿಚಕ್ರ ವಾಹನಗಳಲ್ಲಿ ವ್ಹೀಲಿಂಗ್​ ಮಾಡಿದ್ದಾರೆ.

ಹೆಲ್ಮೆಟ್ ಇಲ್ಲದೆ ತ್ರಿಬಲ್ ರೈಡಿಂಗ್ ಮಾಡಿರುವ ಯುವಕರ ಗುಂಪು, ನವಯುಗ ಟೋಲ್​​ನಿಂದ ಗೊರಗುಂಟೆಪಾಳ್ಯ ಫ್ಲೇವರ್ ಮೇಲೆ ಫುಲ್ ವ್ಹೀಲಿಂಗ್​ ಮಾಡಿದೆ.