ಬೆಂಗಳೂರು: ಉದ್ಯಾನ ನಗರಿಯಲ್ಲಿ ಆ್ಯಂಬುಲೆನ್ಸ್ ಸಮಸ್ಯೆ ಇರುವುದು ತಿಳಿದಿರುವ ವಿಷಯ. ಇದೀಗ ಆ ಸಮಸ್ಯೆಯೇ ಜನರಿಗೆ ಕಂಟಕವಾಗುತ್ತಿದೆ. ಯಾಕೆಂದರೆ ಗಂಟೆಗಟ್ಟಲೇ ಕಾದರೂ ಆ್ಯಂಬುಲೆನ್ಸ್ ಇನ್ನೂ ಬಂದಿಲ್ಲ. ಇದರಿಂದ ಸ್ಥಳೀಯರಲ್ಲಿ ಆತಂಕ ಹೆಚ್ಚಾಗಿದೆ.
ಬಸವೇಶ್ವರ ನಗರದ ನೇತಾಜಿ ಸುಭಾಷ್ ಚಂದ್ರ ಗ್ರೌಂಡ್ ಬಳಿ ಮಹಿಳೆಯೊಬ್ಬರಿಗೆ ಕೊರೊನಾ ಸೋಂಕು ದೃಢವಾಗಿದೆ. ಹೀಗಾಗಿ ಬೆಳಗ್ಗೆ 8 ಗಂಟೆಗೆ ಆ್ಯಂಬುಲೆನ್ಸ್ಗೆ ಕರೆ ಮಾಡಿ, ಕಾದು ಕಾದು ಸುಸ್ತಾದರೆ ವಿನಃ ಆ್ಯಂಬುಲೆನ್ಸ್ ಸದ್ದು ಮಾತ್ರ ಕೇಳಿಸಿಲ್ಲ.
ಗಂಟೆಗಟ್ಟಲೇ ಕಾದರೂ ಬಾರದ ಆ್ಯಂಬುಲೆನ್ಸ್
ಇತ್ತ ಕೊರೊನಾ ಪಾಸಿಟಿವ್ ಇರುವುದು ತಿಳಿದ ಸ್ಥಳೀಯ ನಿವಾಸಿಗಳಲ್ಲಿ ಭೀತಿ ಶುರುವಾಗಿದೆ ಎಂದು ಸೋಂಕಿತ ಮಹಿಳೆಯೇ ನೋವು ತೋಡಿಕೊಂಡಿದ್ದಾರೆ. ಬಿಬಿಎಂಪಿ ಹಾಗೂ ಆರೋಗ್ಯ ಇಲಾಖೆಯ ನಿರ್ಲಕ್ಷ್ಯಕ್ಕೆ ಜನರು ಹೈರಾಣಾಗಿದ್ದಾರೆ.
