ಚಿಲ್ಲರೆ ಕೇಳಿದಕ್ಕೆ ಬಿಎಂಟಿಸಿ ಕಂಡಕ್ಟರ್ ಕೆಂಡಾಮಂಡಲ... ಪರಸ್ಪರ ಕಿತ್ತಾಟ, ವಿಡಿಯೋ ವೈರಲ್​​

ಚಿಲ್ಲರೆ ಕೇಳಿದಕ್ಕೆ ಸಿಡಿಮಿಡಿಗೊಂಡ ಬಿಎಂಟಿಸಿ ಕಂಡಕ್ಟರ್, ಮಹಿಳಾ ಪ್ರಯಾಣಿಕಳೊಬ್ಬರ ಜತೆ ಕಿರಿಕ್​ ಮಾಡಿಕೊಂಡ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು: ಚಿಲ್ಲರೆ ಹಣ ಕೇಳಿದಕ್ಕೆ‌ ಬಸ್ ಕಂಡಕ್ಟರ್ ಮಹಿಳಾ ಪ್ರಯಾಣಿಕಳೊಬ್ಬರ ಜತೆ ಜಗಳ ಮಾಡಿಕೊಂಡಿರುವ ಘಟನೆ ಬೆಂಗಳೂರಿನ ಬಿಎಂಟಿಸಿ ಬಸ್ ನಲ್ಲಿ ನಡೆದಿದೆ.

ಗೊರಗುಂಟೆಪಾಳ್ಯದಿಂದ ಬನಶಂಕರಿ ಮಾರ್ಗದಲ್ಲಿ ಚಲಿಸುತ್ತಿದ್ದ ಬಿಎಂಟಿಸಿ ಬಸ್​ನಲ್ಲಿ ಈ ಘಟನೆ ನಡೆದಿದ್ದು ನಾಗರಬಾವಿ ಬಸ್ ನಿಲ್ದಾಣ ಬಳಿ ಇಳಿಯಬೇಕಾದರೆ ಚಿಲ್ಲರೆ ಕೊಡುವಂತೆ ಮಹಿಳೆ ಕಂಡಕ್ಟರ್​ಗೆ ಕೇಳಿದ್ದಾರೆ. ಟಿಕೆಟ್ ಮೇಲೆ ಚಿಲ್ಲರೆ ಬಾಕಿ ಬರೆದುಕೊಟ್ಟಿದ್ದ ಕಂಡಕ್ಟರ್ ಚಿಲ್ಲರೆ ಕೊಡದೇ ಮಹಿಳೆ ಜತೆ ವಾಗ್ವಾದಕ್ಕಿಳಿದಿದ್ದಾನೆ ಎನ್ನಲಾಗಿದೆ. ಇದೇ ವೇಳೆ ಮಹಿಳೆಯ ಕುತ್ತಿಗೆ ಹಿಡಿದು ಹಲ್ಲೆ ನಡೆಸಿದ್ದಾನೆಂದು ಮಹಿಳೆ ಕಂಡಕ್ಟರ್ ಮೇಲೆ ಆರೋಪಿಸಿದ್ದಾರೆ.

ಮೊಬೈಲ್ ವಿಡಿಯೋದಲ್ಲಿ ಇಬ್ಬರು ಬೈದಾಡಿಕೊಂಡಿರುವುದು ಸೆರೆಯಾಗಿದ್ದು,ಬಸ್​​ನಲ್ಲಿ ಸಹ ಪ್ರಯಾಣಿಕರು ಹಾಗೂ ಡ್ರೈವರ್ ಇಬ್ಬರ ಜಗಳ ಬಿಡಿಸಿ ಸಮಾಧಾನಪಡಿಸಿದ್ದಾರೆ.