ಬೆಂಗಳೂರು: ಬಿಜೆಪಿ ಶಾಸಕರು ವಾಸ್ತವ್ಯ ಹೂಡಿರುವ ರಮಡ ರೆಸಾರ್ಟ್ಗೆ ಅಭಿಮಾನಿಗಳ ದಂಡೇ ಆಗಮಿಸಿ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಮುಂದಾಗಿತ್ತು. ಈ ವೇಳೆ ಅಭಿಮಾನಿಯೊಬ್ಬ ಈಶ್ವರಪ್ಪರ ಕೆನ್ನೆ ಚಿವುಟಿ ಮುತ್ತು ನೀಡಿದ್ದಾರೆ. ಅಭಿಮಾನಿ ಮುತ್ತು ಕೊಟ್ಟಿದ್ದಕ್ಕೆ ಈಶ್ವರಪ್ಪ ಪುಲ್ ಖುಷಿಯಾದರು.
ಕಿಸ್ ಕೊಟ್ಟ ಅಭಿಮಾನಿ
ರೆಸಾರ್ಟ್‌ನ ಗೇಟ್ ಬಳಿಯೇ ಸೆಲ್ಫಿಗೆ ಮುಗಿಬಿದ್ದಾಗ ಒಳಹೋಗಿ ಸ್ವಲ್ಪ ಹೊತ್ತಿನ ಬಳಿಕ ಹೊರ ಬಂದ ಕೆ.ಎಸ್.ಈಶ್ವರಪ್ಪ, ರಾಮದಾಸ್ ಹಾಗೂ ರಾಜುಗೌಡ ಸೆಲ್ಫಿಗೆ ಪೋಸು ನೀಡಿದರು. ಈ ವೇಳೆ ಶಾಸಕ ರಾಮದಾಸ್ ಚಿಕ್ಕ ಮಗುವನ್ನು ಎತ್ತಿಕೊಂಡು ಮುದ್ದಾಡಿದರು.
ರಮಡಾ ರೆಸಾರ್ಟ್ ಮುಂದೆ ಸಂಜೆ 5 ಗಂಟೆಗೆ ಬಂದು ಜಮಾಯಿಸಿ, ಸುಮಾರು ಎರಡು ಗಂಟೆಗಳ ಕಾಲ ಕಾದು ತಮ್ಮ ನೆಚ್ಚಿನ ನಾಯಕರ ಜೊತೆಗೆ ಸೆಲ್ಫಿ ತೆಗೆದುಕೊಂಡು ಅಭಿಮಾನಿಗಳು ಖುಷ್ ಆದರು.
