ನಿಮ್ಮ ಅಕೌಂಟ್ ಬಗ್ಗೆ ನಿಗಾ ಇರಲಿ: ಸಿಮ್​ನಿಂದ ಡೇಟಾ‌ ಕದ್ದು ಹಣ ಲಪಾಟಯಿಸ್ತಾರೆ ಖದೀಮರು!

ಸಿಲಿಕಾನ್ ಸಿಟಿಯಲ್ಲಿ ಸೈಬರ್ ಖದೀಮರ ಹಾವಳಿ ದಿನೇ ದಿನೇ ಹೆಚ್ಚಾಗ್ತಿದೆ. ಇದೀಗ ಸಿಮ್ ಹ್ಯಾಕ್ ಮಾಡಿ ಅಕೌಂಟ್​ನಿಂದ 45.7 ಲಕ್ಷ ರೂಪಾಯಿ ಡ್ರಾ ಮಾಡಿರುವ ಘಟನೆ ಬೆಂಗಳೂರಿನ ವಿಜಯನಗರದಲ್ಲಿ ನಡೆದಿದೆ. ಜಗದೀಶ್ ಹಾಗೂ ಪತ್ನಿ ಮಂಗಳ ಮೋಸ ಹೋಗಿರುವ ದಂಪತಿ.

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಸಿಮ್ ಹ್ಯಾಕ್ ಮಾಡಿ ಅಕೌಂಟ್​ನಿಂದ 45.7 ಲಕ್ಷ ಹಣ ಡ್ರಾ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ. ಜಗದೀಶ್ ಹಾಗು ಪತ್ನಿ ಮಂಗಳ ಮೋಸ ಹೋಗಿರುವ ದಂಪತಿ.

ಕಳೆದ ಶನಿವಾರ ಜಗದೀಶ್ ಸಿಮ್ ವರ್ಕ್ ಆಗುತ್ತಿರಲಿಲ್ಲ. ಹೀಗಾಗಿ ಏರ್​ಟೆಲ್ ಸಂಸ್ಥೆಗೆ ಕರೆ ಮಾಡಿದ್ದರು. ಕರೆ ಮಾಡಿ ಮಾತಾನಾಡಿದ ನಂತ್ರ ಕರೆ ಕಟ್ ಆಗಿ ಕರೆಂಟ್ ಅಕೌಂಟ್​ನಿಂದ 45.7 ಲಕ್ಷ ಹಣ ಹಂತ ಹಂತವಾಗಿ ಮೂರು ಬಾರಿ ಟ್ರಾನ್ಸ್ಯಾಕ್ಷನ್​ ಆಗಿದೆ. ಕೂಡಲೇ ದಂಪತಿ ಎಚ್ಚೆತ್ತುಕೊಂಡಿದ್ದಾರೆ.

ಅಸಲಿಗೆ ಸಿಮ್ ಹ್ಯಾಕ್ ಆಗಿದ್ದು ಹೇಗೆ..

ಕಳೆದ ಶನಿವಾರ ಜಗದೀಶ್ ಸಿಮ್ ವರ್ಕ್ ಆಗದ ಕಾರಣ ಕಸ್ಟಮರ್ ಕೇರ್​ಗೆ ಕರೆ ಮಾಡಿ ವಿಚಾರ ತಿಳಿಸಿದ್ದರು. ಈ ವೇಳೆ ಹೊಸ ಸಿಮ್ ತೆಗೆದುಕೊಳ್ಳಲು ಕಸ್ಟಮರ್ ಕೇರ್ ಅವರು ತಿಳಿಸಿದ್ದಾರೆ. ಆದರೆ ಜಗದೀಶ್ ವ್ಯಾಪಾರಸ್ಥರಾಗಿದ್ದು, ಕಂಪನಿಗೆ ಸಂಬಂಧಪಟ್ಟ ದಾಖಲೆ ಇದ್ದ ಕಾರಣ ಅದೇ ನಂಬರ್​ನ ಸಿಮ್ ಕೇಳಿದ್ದರು..

ನಂತ್ರ ಸಿಮ್ ತೆಗೆದುಕೊಂಡ 6 ಗಂಟೆಯಾದರೂ ಆ್ಯಕ್ಟಿವೇಟ್ ಆಗಿರಲಿಲ್ಲ. ಮತ್ತೆ ಕರೆ ಮಾಡಿ ಕಸ್ಟಮರ್ ಕೇರ್​ಗೆ ತಿಳಿಸಿದ್ದರು. ಬಳಿಕ ಸಿಮ್ ಆ್ಯಕ್ಟಿವೇಟ್ ಆಗಿತ್ತು. ಸಿಮ್ ಆ್ಯಕ್ಟಿವ್ ಆದ ಕೂಡಲೇ ಬ್ಯಾಂಕ್ ನಂಬರ್ ಸಿಂಕ್ ಮಾಡಲು ಹೋದಾಗ ಪಾಸ್​ವರ್ಡ್ ಮತ್ತು ಐಡಿ ಚೇಂಜ್ ಆಗಿದ್ದು, ಆ ಪಾಸ್​ವರ್ಡ್ ಕೇವಲ ಮಂಗಳ ಹಾಗೂ ಜಗದೀಶ್​ಗೆ ಮಾತ್ರ ತಿಳಿದಿತ್ತು.

ಆದರೆ ಸೈಬರ್ ಖದೀಮರು ಸಿಸ್ಟಮ್ ಮೂಲಕ ಈ ಮೇಲ್ ಹ್ಯಾಕ್ ಮಾಡಿ ಕೆಲ ದಾಖಲೆಗಳನ್ನ ತೆಗೆದುಕೊಂಡು ಹಣ ಲಪಾಟಯಿಸಿದ್ದಾರೆ. ಸದ್ಯ ಸೈಬರ್ ಫ್ರಾಡ್ ಆಧಾರದ ಮೇಲೆ ‌ವಿಜಯನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.