ಬೆಂಗಳೂರು: ಐಎಂಎ ಬಹುಕೋಟಿ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐಎಂಎ ಸಂಸ್ಥೆಗೆ ಸೇರಿದ ಗೋಲ್ಡ್ ಬಿಸ್ಕೀಟ್ಗಳನ್ನ ಜಪ್ತಿ ಮಾಡುವಲ್ಲಿ ಎಸ್ಐಟಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಎಸ್ಐಟಿ ವಶದಲ್ಲಿರುವ ಮನ್ಸೂರ್ ತನಿಖೆ ವೇಳೆ ಎಲ್ಲೆಲ್ಲಿ ಆಭರಣಗಳನ್ನ ಬಚ್ಚಿಟ್ಟಿದ್ದ ಅನ್ನೋದರ ಮಾಹಿತಿಯನ್ನ ಈ ಹಿಂದೆ ಬಾಯ್ಬಿಟ್ಟಿದ್ದ. ಅದರಲ್ಲೂ ಐಎಂಎ ಸಂಸ್ಥೆಗೆ ಸೇರಿರುವ ರಿಚ್ಮಂಡ್ ಟೌನ್ ಬಳಿಯಿರುವ ಅಪಾರ್ಟ್ಮೆಂಟ್ನಲ್ಲಿ ಸುಮಾರು ಮೂರು ಸಾವಿರ ಕೋಟಿ ಬೆಲೆ ಬಾಳುವ 5880 ಗೋಲ್ಡ್ ಬಿಸ್ಕೀಟ್ಗಳನ್ನ ಮನ್ಸೂರ್ ಆಪ್ತ ನಿಜಾಮುದ್ದೀನ್ ಬಚ್ಚಿಟ್ಟಿರುವ ವಿಚಾರವನ್ನು ಕೂಡ ತಿಳಿಸಿದ್ದ ಎನ್ನಲಾಗ್ತಿದೆ.
ಹೀಗಾಗಿ ಎಸ್ಐಟಿ ರಿಚ್ಮಂಡ್ ಟೌನ್ ಬಳಿ ಇರುವ ಅಪಾರ್ಟ್ಮೆಂಟ್ ಮೇಲೆ ದಾಳಿ ಮಾಡಿ ಬಿಲ್ಡಿಂಗ್ ಮೇಲಿರುವ ಸ್ವಿಮ್ಮಿಂಗ್ ಪೂಲ್ನ ವಾಟರ್ ಪಂಪ್ ಒಳಗಡೆ ಇಟ್ಟಿದ್ದ ಬಿಸ್ಕೀಟ್ಗಳನ್ನ ಸೀಜ್ ಮಾಡಿದ್ದಾರೆ.
ಇನ್ನು, ಈ ಬಿಸ್ಕೀಟ್ಸ್ ನಕಲಿನಾ..? ಅಸಲಿನಾ...? ಅನ್ನೋದರ ಬಗ್ಗೆ ಎಸ್ಐಟಿ ತನಿಖೆ ಮುಂದುವರಿಸಿದೆ. ಮನ್ಸೂರ್ ಮತ್ತು ನಿಜಾಮುದ್ದೀನ್ ಜನರಿಗೆ ಈ ಬಿಸ್ಕೀಟ್ಸ್ ತೋರಿಸಿ ಸೆಳೆಯುತ್ತಿದ್ರು. ಗೋಲ್ಡ್ ಬಿಸ್ಕೀಟ್ಗಳನ್ನು ಯಾಕಾಗಿ ಅಲ್ಲಿಟ್ಟಿದ್ರು. ಈ ಬಿಸ್ಕೀಟ್ಸ್ ಅಸಲಿಯತ್ತು ಏನು ಎಂಬುದು ತನಿಖೆಯಿಂದ ಹೊರಬರಬೇಕಿದೆ.
