104 ಬಾರಿ ಸಂಚಾರಿ ನಿಯಮ‌ ಉಲ್ಲಂಘನೆ: ಕೊನೆಗೂ ದಂಡ ಕಟ್ಟಿದ ಬೈಕ್​​​ ಸವಾರ!

ಸಂಚಾರಿ ನಿಯಮ ಉಲ್ಲಂಘಿಸಿದ ಬೈಕ್ ಸವಾರನೊಬ್ಬ ಬರೋಬ್ಬರಿ 10 ಸಾವಿರ ರೂ. ದಂಡ ಕಟ್ಟಿದ್ದಾನೆ. ಬೈಕ್ ಸವಾರನಿಂದ ಹಳೆಯ ಎಲ್ಲಾ 104 ಕೇಸ್​ಗ​ಳಿಂದ ಒಟ್ಟು 10 ಸಾವಿರ ರೂ. ದಂಡವನ್ನು ಜಾಲಹಳ್ಳಿ ಸಂಚಾರ ಪೊಲೀಸರು ವಸೂಲಿ ಮಾಡಿದ್ದಾರೆ.

ಬೆಂಗಳೂರು: ಸಂಚಾರಿ ನಿಯಮ ಉಲ್ಲಂಘಿಸಿದ ಬೈಕ್ ಸವಾರನೊಬ್ಬ ಬರೋಬ್ಬರಿ 10 ಸಾವಿರ ರೂ. ದಂಡ ಕಟ್ಟಿದ್ದಾನೆ. ಸಂಚಾರಿ ನಿಯಮ‌ ಉಲ್ಲಂಘನೆ ಮಾಡಿದ್ದ ಬೈಕ್ ಸವಾರನಿಂದ ಹಳೆಯ ಎಲ್ಲಾ104 ಕೇಸ್​ಗ​ಳಿಂದ ಒಟ್ಟು 10 ಸಾವಿರ ರೂ. ದಂಡವನ್ನು ಜಾಲಹಳ್ಳಿ ಸಂಚಾರ ಪೊಲೀಸರು ವಸೂಲಿ ಮಾಡಿದ್ದಾರೆ.

ಜಾಲಹಳ್ಳಿ ಸಂಚಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಮೊಹಮ್ಮದ್ ಶಬ್ಬೀರ್ ಎಂಬ ವ್ಯಕ್ತಿ ಬೈಕ್ ಸವಾರಿ ಮಾಡುತ್ತಿರುವಾಗ ಟ್ರಾಫಿಕ್ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದ. ಈ ವೇಳೆ ಪೊಲೀಸರು ಬೈಕ್ ರಿಜಿಸ್ಟಾರ್ ನಂಬರ್ ಪರಿಶೀಲಿಸಿದಾಗ ಹೆಲ್ಮೆಟ್ ರಹಿತ ಚಾಲನೆ, ಸಿಗ್ನಲ್ ಜಂಪ್, ಮೊಬೈಲ್ ಬಳಕೆ ಸೇರಿದಂತೆ ಬರೋಬ್ಬರಿ 104 ಪ್ರಕರಣಗಳು ಆ ನಂಬರ್​ನಲ್ಲಿ ದಾಖಲಾಗಿದ್ದವು. ಇದನ್ನು ನೋಡಿ ಶಾಕ್ ಆದ ಪೊಲೀಸರು, ದಂಡದ ಪ್ರಕರಣಗಳ‌‌ ಒಟ್ಟು ಮೊತ್ತವನ್ನು ಒಗ್ಗೂಡಿಸಿ ಶಬ್ಬೀರ್​​ನಿಂದ 10 ಸಾವಿರ ದಂಡವನ್ನು ಸಂಗ್ರಹಿಸಿದ್ದಾರೆ.

ಇನ್ನು ಈ ಮೂಲಕ ತನ್ನೆಲ್ಲಾ ಕೇಸ್​ಗಳ ದಂಡವನ್ನು ಕಟ್ಟಿ ವಾಹನ ಸವಾರ ಮುಕ್ತಿ ಹೊಂದಿದ್ದು, ಸಂಚಾರಿ ನಿಯಮಗಳ ಬಗ್ಗೆ ಅರಿವು ಮೂಡಿಸಿಕೊಂಡಿದ್ದಾನೆ.