ಆನೇಕಲ್ : ಕೋವಿಡ್-19 ಎರಡನೇ ಅಲೆಯ ರೂಪಾಂತರಕ್ಕೆ ಸೋಂಕಿತರಿಗೆ ಆಮ್ಲಜನಕಯುಕ್ತ ಹಾಸಿಗೆ ಸಿಗದ ಕಾರಣ ಇಂದು ಆನೇಕಲ್ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಎಂಟು ವೆಂಟಿಲೇಟರ್ ಹಾಸಿಗೆಗಳನ್ನು ಲೋಕಾರ್ಪಣೆಗೊಳಿಸಲಾಯಿತು.
ಸಂಸದ ಡಿ ಕೆ ಸುರೇಶ್ ಹಾಗೂ ಜಿಲ್ಲಾಧಿಕಾರಿ ಜೆ. ಮಂಜುನಾಥ್‌ರಿಂದ ವೆಂಟಿಲೇಟರ್ ಬೆಡ್ಗಳ ಉದ್ಘಾಟನೆ ಮಾಡಲಾಗಿದ್ದು, ಬಿಐಎ ಸಹಯೋಗದಲ್ಲಿ 13 ಪಿಹೆಚ್‌ಸಿಗಳಿಗೆ 2000 ಮೆಡಿಕಲ್ ಕಿಟ್ಗಳ ಹಂಚಿಕೆ ಜೊತೆಗೆ ಆನೇಕಲ್‌ನಲ್ಲಿ ನೂತನ ಕೋವಿಡ್ ಕೇರ್ ಸೆಂಟರ್ಗೂ ಚಾಲನೆ ಸಿಕ್ಕಿತು.
ಆನೇಕಲ್ನ ಸರ್ಕಾರಿ ವಸತಿ ಗೃಹ ಕೋವಿಡ್ ಕೇರ್ ಸೆಂಟರ್ ಆಗಿ ಮಾರ್ಪಾಡು ಮಾಡಲಾಗಿದೆ. ಸುಮಾರು 50 ಬೆಡ್ಗಳ ವ್ಯವಸ್ಥೆ ಮಾಡಿ ಕೊರೊನಾ ಪಾಸಿಟಿವ್ ರೋಗಿಗಳಿಗೆ ಐಸೋಲೆಷನ್ ವ್ಯವಸ್ಥೆಗೆ ಅನುವು ಮಾಡಿಕೊಡಲಾಯಿತು. ತುರ್ತು ಅಧಿಕಾರಿಗಳ ಸಭೆ ಕರೆದು ಅಧಿಕಾರಿಗಳ ಜೊತೆಗೆ ಚರ್ಚೆ ನಡೆಸಿದ ಸಂಸದರು ಮುಂದಿನ ನಡೆಗಳ ಬಗ್ಗೆ ಚರ್ಚಿಸಿದರು.
ಈಗಾಗಲೇ 43 ಹಾಸಿಗೆಗಳು ಕೋವಿಡ್ಗಾಗಿ ಮೀಸಲಿಡಲಾಗಿದೆ. ಇದೀಗ ಎಂಟು ವೆಂಟಿಲೇಟರ್ ಹಾಸಿಗೆಗಳು ಅವುಗಳೊಂದಿಗೆ ಸೇರ್ಪಡೆಗೊಂಡಿವೆ. ಆನೇಕಲ್ ಭಾಗದಲ್ಲಿ ಸೋಂಕಿತರಿಗೆ ಆಮ್ಲಜನಕ ಹಾಸಿಗೆಗಳ ಕೊರತೆ ಹೆಚ್ಚಾಗಿರುವ ಕಾರಣ ಒತ್ತಡದ ಮೇರೆಗೆ ಸರ್ಕಾರ ಇದೀಗ ಕಣ್ಣು ತೆರೆದಿದೆ ಎಂಬ ಮಾತು ಕೇಳಿ ಬಂದಿವೆ.
ಓದಿ: ನಿಯಮಾವಳಿ ಪಾಲಿಸದ ಸೋಂಕಿತರು ಕೋವಿಡ್ ಕೇರ್ ಸೆಂಟರ್ಗೆ ಶಿಫ್ಟ್ : ಸಚಿವ ಆನಂದಸಿಂಗ್
