ಗಾಂಜಾ ಆರೋಪಿಯಿಂದ ಸಿಪಿಐ ಮೇಲೆ ಹಲ್ಲೆ, ಪೊಲೀಸರಿಂದಲೂ ಫೈರಿಂಗ್‌

ಆರೋಪಿ ಬಳಿ ಏಳು ಕಿಲೋ ಗಾಂಜಾ ದೊರೆತಿದೆ. ಬಂಧಿತರು ಸರ್ಜಾಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಅಡಿಗಾರಕಲ್ಲಹಳ್ಳಿಯವರೆಂದು ತಿಳಿದು ಬಂದಿದೆ. ಉಳಿದ ಆರೋಪಿಗಳಿಗಾಗಿ ಶೋಧ ಮುಂದುವರಿದಿದೆ..

ಆನೇಕಲ್ : ಗಾಂಜಾ ಆರೋಪಿಗಳನ್ನು ಬಂಧಿಸಲು ತೆರಳುತ್ತಿದ್ದ ವೇಳೆ ಅತ್ತಿಬೆಲೆ ವೃತ್ತ ನಿರೀಕ್ಷಕ ಸತೀಶ್ ಅವರ ಮೇಲೆ ಚಾಕುವಿನಿಂದ ಹಲ್ಲೆ ಮಾಡಲಾಗಿದೆ.

ತಮ್ಮ ಮೇಲೆ ಚಾಕುವಿನಿಂದ ಹಲ್ಲೆ ಮಾಡುವ ವೇಳೆ ವೃತ್ತ ನಿರೀಕ್ಷಕ ಸತೀಶ್​​ ಆರೋಪಿಯ ಕಾಲಿಗೆ ಗುಂಡು ಹಾರಿಸಿದ್ದಾರೆ. ಅತ್ತಿಬೆಲೆ-ಸರ್ಜಾಪುರ ಮುಖ್ಯರಸ್ತೆಯ ಬಿದರಗುಪ್ಪೆ ಬಳಿ ಫೈರಿಂಗ್ ನಡೆದಿದೆ. ಅಡಿಗಾರಕಲ್ಲಹಳ್ಳಿಯ ಅಯೂಬ್ ಖಾನ್ ಎಂಬುವನ ಕಾಲಿಗೆ ಗುಂಡು ಹಾರಿಸಲಾಗಿದೆ. ಆರೋಪಿ ಈವರೆಗೆ 8 ಗಾಂಜಾ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾನೆ. ಈ ಹಿನ್ನೆಲೆ ಗಾಂಜಾ ಪೆಡ್ಲಿಂಗ್‌ನಲ್ಲಿದ್ದ ಆರೋಪಿಗಳನ್ನ ಬಂಧಿಸಲು ಈತನನ್ನು ಕರೆತರುವ ವೇಳೆ ಈ ಘಟನೆ ನಡೆದಿದೆ ಎನ್ನಲಾಗಿದೆ.

ಆರೋಪಿ ಬಳಿ ಏಳು ಕಿಲೋ ಗಾಂಜಾ ದೊರೆತಿದೆ. ಬಂಧಿತರು ಸರ್ಜಾಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಅಡಿಗಾರಕಲ್ಲಹಳ್ಳಿಯವರೆಂದು ತಿಳಿದು ಬಂದಿದೆ. ಉಳಿದ ಆರೋಪಿಗಳಿಗಾಗಿ ಶೋಧ ಮುಂದುವರಿದಿದೆ.

ಘಟನೆಯಲ್ಲಿ ಸರ್ಜಾಪುರ ಠಾಣಾ ಎಸ್ಐ ಹರೀಶ್ ಹಾಗೂ ಕ್ರೈಂ ಪಿಸಿ ರವಿ ಅವರ ಕೈಗೂ ಗಾಯವಾಗಿದೆ. ಸಿಪಿಐ ಸತೀಶ್ ಸೇರಿ ಗಾಯಾಳುಗಳು ಆನೇಕಲ್ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.