ನೆಲಮಂಗಲ : ಸ್ನೇಹಿತರಿಂದ ಕೊಡಿಸಿದ ಹಣ ವಾಪಸ್ ಕೊಡುವಂತೆ ಕೇಳಲು ಬಂದಾಗ, ಜಗಳ ನಡೆದು ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ. ನಂತರ ಚಾಕುವಿನಿಂದ ಹಲ್ಲೆ ನಡೆಸಲು ಮುಂದಾದಾಗ ಸ್ಥಳೀಯರ ಸಹಾಯದಿಂದ ಎದುರಾಳಿ ಪಾರಾಗಿದ್ದಾನೆ. ಈ ದೃಶ್ಯ ಮೊಬೈಲ್ ನಲ್ಲಿ ಸೆರೆಯಾಗಿದೆ.
ನೆಲಮಂಗಲ ತಾಲೂಕಿನ ಕೆಂಗಲ್ ಕೆಂಪೋಹಳ್ಳಿಯ ರಾಷ್ಟ್ರೀಯ ಹೆದ್ದಾರಿ 4 ಬಳಿ ಘಟನೆ ನಡೆದಿದೆ. ಮಂಜು ಮತ್ತು ಸ್ವಾಮಿ ಸ್ನೇಹಿತರು. ಮಂಜನ ಸ್ನೇಹಿತನ ಬಳಿ ಸ್ವಾಮಿ 3 ಸಾವಿರ ಹಣ ಪಡೆದಿದ್ದ, ಹಣವನ್ನ ವಾಪಸ್ ಪಡೆಯಲು ಮಂಜ ಆಟೋದಲ್ಲಿ ಬಂದಿದ್ದ, ಈ ಸಮಯದಲ್ಲಿ ಸ್ವಾಮಿ ಮತ್ತು ಮಂಜನ ನಡುವೆ ಜಗಳವಾಗಿದೆ. ಜಗಳ ತಾರಕ್ಕಕ್ಕೇರಿ ರಸ್ತೆ ಮಧ್ಯದಲ್ಲಿಯೇ ಇಬ್ಬರು ಬಡಿದಾಡಿಕೊಂಡಿದ್ದಾರೆ.
ಮಂಜ ತನ್ನ ಜೇಬಿನಲ್ಲಿದ್ದ ಚಾಕು ತೆಗೆದು ಹಲ್ಲೆ ಮಾಡಲು ಯತ್ನಿಸುತ್ತಿದ್ದಾನೆ. ಈ ವೇಳೆ, ಸ್ಥಳೀಯರು ಮಧ್ಯ ಪ್ರವೇಶಿಸಿ ಮುಂದಾಗುತ್ತಿದ್ದ ಅನಾಹುತ ತಪ್ಪಿಸಿದ್ದಾರೆ. ದಾಬಸ್ ಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ಜರುಗಿದೆ.
ಇದನ್ನೂ ಓದಿ: ಸೋರುತ್ತಿರುವ ಶಾಲೆ : ಮಳೆಯಲ್ಲಿ ಒದ್ದೆಯಾದ ಪುಸ್ತಕಗಳನ್ನು ಬಿಸಿಲಲ್ಲಿ ಒಣಗಿಸುತ್ತಿರುವ ಪುಟ್ಟ ಮಕ್ಕಳು
