ಬಾಗಲಕೋಟೆ: ನಾನು ಯಾವ ಕ್ಷೇತ್ರದಿಂದ ಸ್ಪರ್ಧೆ ಮಾಡಬೇಕು ಅಂತ ಈಶ್ವರಪ್ಪನನ್ನು ಕೇಳಬೇಕಾ?. ಯಾರವ ಈಶ್ವರಪ್ಪ ನಮಗೆ ಹೇಳೋಕೆ?. ನನಗೆ ಎಲ್ಲಿ ಜನ ಪ್ರೀತಿಯಿಂದ ಕರೀತಾರೆ, ಅಲ್ಲಿ ನಿಲ್ಲುತ್ತೇನೆ ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ತಿರುಗೇಟು ನೀಡಿದರು.
'ಈಶ್ವರಪ್ಪಗೆ ಪಾರ್ಲಿಮಂಟರಿ ಭಾಷೆ ಗೊತ್ತಿಲ್ಲ':
ನಾವು ಯಾವುದೇ ಭಾಷೆ ಬಳಸಬೇಕಾದರೆ ಪಾರ್ಲಿಮೆಂಟರಿ ಭಾಷೆ ಬಳಸಬೇಕು. ಅದು ಗೊತ್ತಿಲ್ಲದವರಿಗೆ ಏನ್ ಮಾಡೋಕಾಗುತ್ತೆ?. ಅವರಿಗೆ ಸಂವಿಧಾನ ಗೊತ್ತಾ? ಸಂವಿಧಾನ ಓದಿದ್ದಾರಾ? ಅವರಿಗೆ ಸಂವಿಧಾನ ಗೊತ್ತಿದ್ದರೆ ಮುಸಲ್ಮಾನ್, ಕ್ರಿಶ್ಚಿಯನ್ನರ ವಿರುದ್ಧ ಮಾತನಾಡುತ್ತಿರಲಿಲ್ಲ. ಇಂತಹವರ ಕೈಯಲ್ಲಿ ಅಧಿಕಾರ ಸಿಕ್ಕರೆ ಈ ಪರಿಸ್ಥಿತಿ ನಿರ್ಮಾಣವಾಗುತ್ತೆ ಎಂದರು.
ಜೆಡಿಎಸ್ ಬಗ್ಗೆ ಮಾತನಾಡಿದ ಸಿದ್ದರಾಮಯ್ಯ, ಜೆಡಿಎಸ್ನವರು ಎಲ್ಲೋ ನಾಲ್ಕೈದು ಜಿಲ್ಲೆಯಲ್ಲಿದ್ದಾರೆ. ಅವರ ಬಗ್ಗೆ ಯಾಕೆ ಮಾತನಾಡಬೇಕು ಪಾಪ ಎಂದು ವ್ಯಂಗ್ಯವಾಡಿದರು.
