ಬಾಗಲಕೋಟೆ : ಮಾನಸಿಕ ಅಸ್ವಸ್ಥ ವ್ಯಕ್ತಿಯೊಬ್ಬ ಗ್ರಾಮಕ್ಕೆ ಬಂದಿರುವುದನ್ನು ಕಂಡು ಗ್ರಾಮಸ್ಥರು ಭಯಭೀತರಾಗಿರುವ ಘಟನೆ ಬಾಗಲಕೋಟೆ ನಗರ ಸಮೀಪದ ಹಳೇ ಮುರನಾಳದಲ್ಲಿ ನಡೆದಿದೆ.
ಒಮ್ಮೆ ದೆಹಲಿಯಿಂದ ಬಂದಿರುವುದಾಗಿ, ಮತ್ತೊಮ್ಮೆ ಜಾರ್ಖಂಡ್ನಿಂದ ಬಂದಿರುವುದಾಗಿ ಆತ ಹೇಳಿದ ಹಿನ್ನೆಲೆಯಲ್ಲಿ, ಆತನಿಗೆ ಕೊರೊನಾ ವೈರಸ್ ತಗುಲಿರುವ ಶಂಕೆಯಿಂದ ಗ್ರಾಮಸ್ಥರು ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ.
ಗ್ರಾಮದಲ್ಲಿ ಧಿಡೀರ್ ಪ್ರತ್ಯಕ್ಷನಾದ ಮಾನಸಿಕ ಅಸ್ವಸ್ಥ
ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್ಐ ಸಿಬ್ಬಂದಿಯೊಂದಿಗೆ ಆಗಮಿಸಿ ವಿಚಾರಿಸಿದಾಗ ವ್ಯಕ್ತಿ ಸರಿಯಾದ ಮಾಹಿತಿ ನೀಡಲಿಲ್ಲ. ಹೀಗಾಗಿ ಪೊಲೀಸರು ಆಂಬುಲೆನ್ಸ್ ಮೂಲಕ ಆತನನ್ನು ಚಿಕಿತ್ಸೆಗಾಗಿ ಕರೆದುಕೊಂಡು ಹೋದರು.
