ತವರು ರಾಜ್ಯಕ್ಕೆ ಮರಳಿದ ಮೀರಾಬಾಯಿ: ಒಲಿಂಪಿಕ್ಸ್‌ ಸಾಧಕಿಯ ನೋಡಲು ಜನವೋ ಜನ..

ಭಾರತದ ವೇಟ್​ ಲಿಫ್ಟರ್​​ ಮೀರಾಬಾಯಿ ಚನು ಇತ್ತು ತವರು ರಾಜ್ಯ ಮಣಿಪುರಕ್ಕೆ ಆಗಮಿಸಿದರು. ಈ ವೇಳೆ ಅವರನ್ನು ಸ್ವಾಗತಿಸಲು ವಿಮಾನ ನಿಲ್ದಾಣಕ್ಕೆ ಸಿಎಂ ಬಿರೆನ್​ ಸಿಂಗ್​ ಆಗಮಿಸಿದ್ದರು. ಜೊತೆಗೆ ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳು ನೆರೆದಿದ್ದರು.

ಮಣಿಪುರ: ಟೋಕಿಯೋ ಒಲಿಂಪಿಕ್ಸ್​​ನಲ್ಲಿ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ ಭಾರತದ ವೇಟ್​ ಲಿಫ್ಟರ್​​ ಮೀರಾಬಾಯಿ ಚನು ಇಂದು ತವರಿಗೆ ಮರಳಿದ್ದಾರೆ. ಈ ವೇಳೆ ತಮ್ಮೂರಿನ ಸಾಧಕಿಯನ್ನು ನೋಡಲು ಜನರು ಇಂಫಾಲ್​ನ ಬೀದಿಗಳಲ್ಲಿ ನೆರೆದಿದ್ದರು. ಈ ವೇಳೆ ಅವರು ಚನು ಹೆಸರಲ್ಲಿ ಘೋಷಣೆಗಳನ್ನು ಮೊಳಗಿಸಿದರು.

ಮಣಿಪುರ ಮುಖ್ಯಮಂತ್ರಿ ಎನ್.ಬಿರೆನ್ ಸಿಂಗ್ ಈಗಾಗಲೇ 1 ಕೋಟಿ ರೂ.ಗಳ ಬಹುಮಾನ ಘೋಷಿಸಿದ್ದಾರೆ. ಜತೆಗೆ ರಾಜ್ಯ ಸರ್ಕಾರದಲ್ಲಿ ಪೊಲೀಸ್‌ ಇಲಾಖೆಯಲ್ಲಿ ವಿಶೇಷ ಉದ್ಯೋಗವನ್ನೂ ನೀಡಲಾಗಿದೆ. 'ಯಾವುದೇ ಸಾಧನೆಗೂ ಹಲವು ತ್ಯಾಗಗಳನ್ನು ಮಾಡಬೇಕು. ಅಂತಹ ಅನೇಕ ತ್ಯಾಗಗಳನ್ನು ನಾನು ಮಾಡಿದ್ದೇನೆ' ಎಂದು ಚನು ಇದೇ ವೇಳೆ ಪ್ರತಿಕ್ರಿಯೆ ನೀಡಿದ್ದಾರೆ.

ಇದನ್ನೂ ಓದಿ: Tokyo Olympics: ಮೀರಾಬಾಯಿ ಚನುಗೆ ಬೆಳ್ಳಿ ಬದಲು ಚಿನ್ನದ ಪದಕ? ಕಾರಣ..