ಟೋಕಿಯೋ: ಒಲಿಂಪಿಕ್ಸ್ ಮಹಿಳೆಯರ 400 ಮೀಟರ್ ಹರ್ಡಲ್ಸ್ನಲ್ಲಿ ಗೆಲುವು ಸಾಧಿಸುವ ಮೂಲಕ ಅಮೆರಿಕದ ಸಿಡ್ನಿ ಮೆಕ್ಲಾಫ್ಲಿನ್ ತನ್ನದೇ ವಿಶ್ವದಾಖಲೆಯನ್ನು ಮುರಿದರು. ಮೆಕ್ಲಾಫ್ಲಿನ್ ಕೇವಲ 51.46 ಸೆಕೆಂಡುಗಳಲ್ಲಿ ತನ್ನ ಗುರಿ ಮುಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ.
ಮೆಕ್ಲಾಫ್ಲಿನ್ ಯುಎಸ್ನ ದಾಲಿಯಾ ಮುಹಮ್ಮದ್ ಅವರನ್ನು 1-2 ಅಂಕಗಳ ಅಂತರದಿಂದ ಸೋಲಿಸಿದ್ದಾರೆ. ಮಾಜಿ ವಿಶ್ವ ಚಾಂಪಿಯನ್ ದಾಲಿಯಾ ಮುಹಮ್ಮದ್ ಬೆಳ್ಳಿ ಪದಕಕ್ಕೆ ತೃಪ್ತಿ ಪಡೆದುಕೊಂಡಿದ್ದಾರೆ.
ಇದನ್ನೂ ಓದಿ: ಚಿನ್ನಕ್ಕಾಗಿ ಇಂದು ಲವ್ಲಿನಾ ಪೈಪೋಟಿ: ಪಂದ್ಯ ವೀಕ್ಷಿಸಲು ಅಸ್ಸೋಂ ಕಲಾಪ ಮುಂದೂಡಿಕೆ, ರೆಡಿಯಾಗ್ತಿದೆ ರಸ್ತೆ!
ಕಳೆದ ಜೂನ್ನಲ್ಲಿ ನಡೆದ ಒಲಿಂಪಿಕ್ಸ್ ಕ್ವಾಲಿಫೈರ್ ಪಂದ್ಯದಲ್ಲಿ 51.90 ಸೆಕೆಂಡುಗಳಲ್ಲಿ ಗುರಿ ಮುಟ್ಟುವ ಮೂಲಕ ಮೆಕ್ಲಾಫ್ಲಿನ್ ವಿಶ್ವದಾಖಲೆ ಮಾಡಿದ್ದರು.
ಮುಹಮ್ಮದ್ 2019ರಲ್ಲಿ ಎರಡು ಬಾರಿ ವಿಶ್ವ ದಾಖಲೆಯನ್ನು ಮಾಡಿದ್ದರು ಮತ್ತು ಅದೇ ವರ್ಷ ವಿಶ್ವ ಚಾಂಪಿಯನ್ಶಿಪ್ನಲ್ಲಿ 51.58 ಸೆಕೆಂಡುಗಳಲ್ಲಿ ಗುರಿ ಮುಟ್ಟುವ ಮೂಲಕ ಚಿನ್ನದ ಪದಕ ತನ್ನದಾಗಿಸಿಕೊಂಡಿದ್ದರು.
ಬುಧವಾರ ನಡೆದ ಒಲಿಂಪಿಕ್ಸ್ ಹರ್ಡಲ್ಸ್ನಲ್ಲಿ 52.03 ಸೆಕೆಂಡುಗಳಲ್ಲಿ ಗುರಿಮುಟ್ಟುವ ಮೂಲಕ ನೆದರ್ಲ್ಯಾಂಡ್ನ ಫೆಮ್ಕ್ ಬೋಲ್ ಕಂಚಿನ ಪದಕ ಪಡೆದಿದ್ದಾರೆ.
