ಚಂಡೀಗಢ(ಪಂಜಾಬ್): ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿರುವ ನೀರಜ್ ಚೋಪ್ರಾ ಐತಿಹಾಸಿಕ ಸಾಧನೆ ಮಾಡಿದ್ದು, ಭಾರತದ ಯಾವುದೇ ಅಥ್ಲೀಟ್ಸ್ ಮಾಡದಂತಹ ದಾಖಲೆ ಬರೆದಿದ್ದಾರೆ. ಅವರ ಸಾಧನೆಗೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ಅನೇಕ ಯುವ ಪೀಳಿಗೆ ಅವರ ಪ್ರದರ್ಶನದಿಂದ ಫುಲ್ ಖುಷ್ ಆಗಿದ್ದಾರೆ.
ಜಾವಲಿನ್ ಥ್ರೋದಲ್ಲಿ ಅದ್ಭುತ ಸಾಧನೆ ಮಾಡಿರುವ 23 ವರ್ಷದ ನೀರಜ್ ಚೋಪ್ರಾ ಮೇಲೆ ಇದೀಗ ಸಾವಿರಾರು ಹುಡುಗಿಯರಿಗೆ ಕ್ರಸ್ ಆಗಿದ್ದು, ಚಂಡೀಗಢ ಹುಡುಗಿಯೊಬ್ಬಳು ಇದೇ ವಿಚಾರವಾಗಿ ಮಾತನಾಡಿದ್ದು, "ಐ ಲವ್ ಯೂ ನೀರಜ್" ಎಂದಿದ್ದಾಳೆ. ನೀರಜ್ ಚೋಪ್ರಾ ಪ್ರದರ್ಶನದಿಂದ ಸಂತಸಗೊಂಡಿರುವ ಚಂಡೀಗಢ ಯುವತಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಅವರಿಗೆ ಅಭಿನಂದನೆ ಸಲ್ಲಿಕೆ ಮಾಡಿದ್ದಾಳೆ. ಲಕ್ಷಾಂತರ ಯುವಕರಿಗೆ ಯವ ಪ್ರತಿಭಾವಂತ ಕ್ರೀಡಾಪಟು ನೀರಜ್ ಚೋಪ್ರಾ ಮಾದರಿಯಾಗಿದ್ದು, ಅವರ ಕಠಿಣ ಪರಿಶ್ರಮದಿಂದಲೇ ಈ ಫಲ ಸಿಕ್ಕಿದೆ ಎಂದು ಹೇಳಿದ್ದಾಳೆ.
ನೀರಜ್ ಚೋಪ್ರಾ ಅತಿ ಕಡಿಮೆ ವಯಸ್ಸಿನಲ್ಲೇ ಅದ್ಭುತ ಸಾಧನೆ ಮಾಡುತ್ತಿದ್ದಂತೆ ಅನೇಕ ಯುವತಿಯರು ಸಾಮಾಜಿಕ ಜಾಲತಾಣಗಳಲ್ಲಿ ನೀರಜ್ ಚೋಪ್ರಾಗೆ ಅಭಿನಂದನೆ ಸಲ್ಲಿಸುತ್ತಿದ್ದು, ಅವರೊಬ್ಬ 'ನ್ಯಾಷನಲ್ ಕ್ರಷ್' ಎಂದಿದ್ದಾರೆ. ದೇಶಕ್ಕೆ ಗೌರವ ತಂದಿರುವ ನೀರಜ್ ಚೋಪ್ರಾ ನೋಡಲು ಸುಂದರವಾಗಿರುವ ಕಾರಣ ಅನೇಕ ಹುಡುಗಿಯರಿಗೆ ಇಷ್ಟವಾಗಿದ್ದಾರೆ.
ಇದನ್ನೂ ಓದಿರಿ: ಚಿನ್ನಪ್ರಿಯರಿಗೆ ಗುಡ್ನ್ಯೂಸ್: ಬಂಗಾರದ ಬೆಲೆಯಲ್ಲಿ 317ರೂ ಕುಸಿತ, ಬೆಳ್ಳಿಯಲ್ಲೂ ದಾಖಲೆ ಇಳಿಕೆ
120 ವರ್ಷಗಳ ಒಲಿಂಪಿಕ್ಸ್ ಇತಿಹಾಸದಲ್ಲಿ ಭಾರತಕ್ಕೆ ಅಥ್ಲೀಟ್ಸ್ನಲ್ಲಿ ಮೊದಲ ಚಿನ್ನದ ಪದಕ ಗೆದ್ದುಕೊಡುವಲ್ಲಿ ನೀರಜ್ ಯಶಸ್ವಿಯಾಗಿದ್ದು, ಅದಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಬಾಲಿವುಡ್ ಸ್ಟಾರ್ಸ್ ಸೇರಿದಂತೆ ಅನೇಕರು ಅಭಿನಂದನೆ ಸಲ್ಲಿಸಿದ್ದಾರೆ. ಇದರ ಜೊತೆಗೆ ಹರಿಯಾಣ ಸರ್ಕಾರ 6 ಕೋಟಿ ರೂ. ಬಹುಮಾನ, ಪಂಜಾಬ್ ಸರ್ಕಾರ 2 ಕೋಟಿ ರೂ. ನಗದು ಘೋಷಣೆ ಮಾಡಿವೆ. ಇದಲ್ಲದೇ ಬಿಸಿಸಿಐ, ಸಿಎಸ್ಕೆ, ಮಣಿಪುರ ಸೇರಿದಂತೆ ವಿವಿಧ ರಾಜ್ಯಗಳು, ಸಂಘ-ಸಂಸ್ಥೆಗಳು ಅವರಿಗೆ ಬಹುಮಾನದ ಸುರಿಮಳೆಯನ್ನೇ ಹರಿಸಿವೆ .
2020ನೇ ಸಾಲಿನ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಏಳು ಪದಕಗಳು ಬಂದಿದ್ದು, ನೀರಜ್ ಚೋಪ್ರಾ ಚಿನ್ನದ ಪದಕ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಕಳೆದ 13 ವರ್ಷಗಳ ಬಳಿಕ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಬಂದಿರುವ ಮೊದಲ ಚಿನ್ನ ಇದಾಗಿದೆ.
