ಪ್ಯಾರಿಸ್ ಮಾಸ್ಟರ್ಸ್​ನಲ್ಲಿ ಮಿಂಚಿನ ಆಟ: ನಡಾಲ್ ಈಗ ಸಾವಿರ ಪಂದ್ಯ ಗೆಲುವಿನ ಸರದಾರ

ಸ್ಪ್ಯಾನಿಷ್ ಆಟಗಾರ ಫೆಲಿಸಿಯಾನೊ ಲೋಪೆಜ್ ಅವರನ್ನು ಸೋಲಿಸಿದ ರಾಫೆಲ್ ನಡಾಲ್ ಸಿಂಗಲ್ಸ್ ವಿಭಾಗದಲ್ಲಿ ಸಾವಿರ ಪಂದ್ಯ ಗೆದ್ದ ವಿಶ್ವದ ನಾಲ್ಕನೇ ಆಟಗಾರ ಎಂಬ ದಾಖಲೆ ಬರೆದಿದ್ದಾರೆ.

ಪ್ಯಾರಿಸ್: ಪ್ಯಾರಿಸ್ ಮಾಸ್ಟರ್ಸ್‌ನ ಎರಡನೇ ಸುತ್ತಿನಲ್ಲಿ ಸ್ಪ್ಯಾನಿಷ್ ಆಟಗಾರ ಫೆಲಿಸಿಯಾನೊ ಲೋಪೆಜ್ ಅವರನ್ನು ಸೋಲಿಸಿದ ರಾಫೆಲ್ ನಡಾಲ್ ಸಿಂಗಲ್ಸ್ ವಿಭಾಗದಲ್ಲಿ ಒಂದು ಸಾವಿರ ಪಂದ್ಯ ಗೆದ್ದ ದಾಖಲೆ ಬರೆದಿದ್ದಾರೆ.

ಫೆಲಿಸಿಯಾನೊ ಲೋಪೆಜ್ ಅವರನ್ನು 4-6, 7-6 (5), 6-4 ಸೆಟ್‌ಗಳಿಂದ ಸೋಲಿಸಿದಾಗ ನಡಾಲ್ 1,000 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ ವಿಶ್ವದ ನಾಲ್ಕನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

1968ರಲ್ಲಿ ಓಪನ್ಸ್​ ಯುಗ ಪ್ರಾರಂಭವಾದಾಗಿನಿಂದ, 20 ಬಾರಿ ಗ್ರ್ಯಾಂಡ್​ ಸ್ಲಾಮ್​ ಚಾಂಪಿಯನ್ ಜಿಮ್ಮಿ ಕಾನರ್ಸ್ (1,274), ರೋಜರ್ ಫೆಡರರ್ (1,242) ಮತ್ತು ಇವಾನ್ ಲೆಂಡ್ಲ್ (1,068) ಸಾವಿರ ಪಂದ್ಯ ಗೆದ್ದ ದಾಖಲೆ ಬರೆದಿದ್ದರು. ಇದೀಗ ನಡಾಲ್ ಕೂಡ ಸಾವಿರ ಪಂದ್ಯ ಗೆದ್ದು ದಾಖಲೆ ಬರೆದಿದ್ದಾರೆ.