ನ್ಯೂಯಾರ್ಕ್: ಜಪಾನ್ ಯದಯೋನ್ಮುಖ ಆಟಗಾರ್ತಿ ನವೋಮಿ ಒಸಾಕ ಯುಎಸ್ ಓಪನ್ನ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.
ಮಂಗಳವಾರ ನಡೆದ ಪಂದ್ಯದಲ್ಲಿ ಟೂರ್ನಿಯಲ್ಲಿ ನಾಲ್ಕನೇ ಶ್ರೇಯಾಂಕ ಪಡೆದಿರುವ ಒಸಾಕ ಕ್ವಾರ್ಟರ್ ಫೈನಲ್ನಲ್ಲಿ ಶ್ರೇಯಾಂಕರಹಿತ ಆಟಗಾರ್ತಿ ಅಮೆರಿಕದ ಶೆಲ್ಬಿ ರೋಜರ್ಸ್ ವಿರುದ್ಧ 6-3, 6-4ರ ನೇರ ಸೆಟ್ಗಳ ಅಂತರದಲ್ಲಿ ಜಯ ಸಾಧಿಸಿ ಸಿಮಿಗೆ ಎಂಟ್ರಿಕೊಟ್ಟಿದ್ದಾರೆ.
22 ವರ್ಷದ ಒಸಾಕ ಕೇವಲ ಒಂದು ಗಂಟೆ 20 ನಿಮಿಷಗಳಲ್ಲಿ 27 ವರ್ಷದ ಎದುರಾಳಿಯನ್ನು ಮಣಿಸಿದರು. ಅವರು ಸೆಮಿಫೈನಲ್ನಲ್ಲಿ 41 ಶ್ರೇಯಾಂಕಿತೆಯಾಗಿರುವ ಅಮೆರಿಕಾದ ಜೆನ್ನಿಫರ್ ಬ್ರಾಡಿ ಅವರನ್ನು ಎದುರಿಸಲಿದ್ದಾರೆ.
ಪುರುಷರ ಕ್ವಾರ್ಟರ್ ಫೈನಲ್ನಲ್ಲಿ ನಾಲ್ಕುಗಂಟೆಗೂ ಹೆಚ್ಚು ಕಾಲ ನಡೆದ ಜಿದ್ದಾಜಿದ್ದಿಯ ಹೋರಾಟದ ಪಂದ್ಯದಲ್ಲಿ ಪ್ಯಾಬ್ಲೊ ಕರೆನೊ ಬೂಸ್ಟಾ ಕೆನಡಾದ ಢೇನಿಸ್ ಶಪೊವಲೊವ್ ಅವರನ್ನು 3-6, 7-6(5), 7-6 (4), 0-6, 6-3ರಲ್ಲಿ ಮಣಿಸಿ ಸೆಮಿಫೈನಲ್ಗೆ ಎಂಟ್ರಿಕೊಟ್ಟಿದ್ದಾರೆ.
ಸೆಮಿಫೈನಲ್ನಲ್ಲಿ ಅವರು ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೆವ್ ಅವರನ್ನು ಎದುರಿಸಲಿದ್ದಾರೆ. ಜರ್ಮನಿಯ ಜ್ವೆರೆವ್ ಕ್ರೊಯೇಷಿಯಾದ ಬೋರ್ನಾ ಕೋರಿಕ್ ವಿರುದ್ಧ 1-6, 7-6 (7/5), 7-6 (7/1), 6-3ರಲ್ಲಿ ಗೆಲುವು ಸಾಧಿಸಿದರು.
ಇಂದು ನಡೆಯುವ ಮತ್ತರೆಡು ಕ್ವಾರ್ಟರ್ ಫೈನಲ್ನಲ್ಲಿ ಡೊಮೆನಿಕ್ ಥೀಮ್- ಅಲೆಕ್ಸ್ ಡಿ ಮಿನೌರ್, ಮಡ್ವದೆವ್-ರುಬ್ಲೆವ್ ಸೆಣಸಾಡಲಿದ್ದಾರೆ. ಮಹಿಳೆಯರ ಸಿಂಗಲ್ಸ್ ಕ್ವಾರ್ಟರ್ ಫೈನಲ್ನಲ್ಲಿ ಸೆರೆನಾ ವಿಲಿಯಮ್ಸ್ ಹಾಗೂ ಸ್ವೆಟಾನ ಪಿರಂಕೋವಾ ಕಾದಾಡಲಿದ್ದಾರೆ.
