ಹಾಲೆ(ಜರ್ಮನಿ): ಫ್ರೆಂಚ್ ಓಪನ್ನ ನಾಲ್ಕನೇ ಸುತ್ತಿನಿಂದ ಹೊರಬಂದಿದ್ದ ವಿಶ್ವದ 8ನೇ ಶ್ರೇಯಾಂಕದ ರೋಜರ್ ಫೆಡರರ್ ಸೋಮವಾರ ನೊವೆಂಟಿ ಓಪನ್ನ ಮೊದಲ ಸುತ್ತಿನಲ್ಲಿ ಶುಭಾರಂಭ ಮಾಡಿದ್ದಾರೆ.
20 ಗ್ರ್ಯಾಂಡ್ ಸ್ಲಾಮ್ ವಿಜೇತ ಹಾಲೆಯಲ್ಲಿ ನಡೆಯುತ್ತಿರುವ ನೊವೆಂಟಿ ಓಪನ್ ಮೊದಲ ಸುತ್ತಿನಲ್ಲಿ ಬೆಲರೂಸ್ನ 27 ವರ್ಷದ ಇಲ್ಯಾ ಇವಾಶ್ಕಾ ಅವರನ್ನು 7-6(4) 7-5ರಲ್ಲಿ ಮಣಿಸಿ ಎರಡನೇ ಸುತ್ತಿಗೆ ಪ್ರವೇಶ ಪಡೆದರು.
ವಿಂಬಲ್ಡನ್ ತಯಾರಿಯಲ್ಲಿರುವ ಟೂರ್ನಿಯಲ್ಲಿ 5ನೇ ಶ್ರೇಯಾಂಕ ಪಡೆದಿರುವ ಸ್ವಿಸ್ ಸ್ಟಾರ್ ಕೆನಡಾದ ಫೆಲಿಕ್ಸ್ ಅಗರರ್ ಮತ್ತು ಪೊಲೆಂಡ್ನ ಹರ್ಬರಟ್ಸ್ ಹರ್ಕಾಜ್ ಅವರಿಬ್ಬರಲ್ಲಿ ಗೆದ್ದವರ ಸವಾಲನ್ನು ಎದುರಿಸಲಿದ್ದಾರೆ.
ನಾನು ಗ್ರಾಸ್ ಕೋರ್ಟ್ ಅನ್ನು ತುಂಬಾ ಮಿಸ್ ಮಾಡಿಕೊಂಡಿದ್ದೆ, ಕಳೆದ ಎರಡು ವರ್ಷಗಳಲ್ಲಿ ಈ ಕೋರ್ಟ್ಗಳಲ್ಲಿ ಆಡಿರಲಿಲ್ಲ. ನಾನು ಹಾರ್ಡ್ ಕೋರ್ಟ್ನಲ್ಲಿ ಆಡಿದ್ದೆ, ಕ್ಲೇ ಕೋರ್ಟ್ನಲ್ಲಿ ಆಡಿದ್ದೆ ಇದೀಗ ಗ್ರಾಸ್ ಕೋರ್ಟ್ನಲ್ಲೂ ಭಾಗವಹಿಸಿದ್ದೇನೆ. ಹಾಲೆಗೆ ಮರಳಿ ಬಂದಿರುವುದು ತುಂಬಾ ಅದ್ಭುತವೆನಿಸುತ್ತಿದೆ. ಇಲ್ಲಿ ಆಡುವುದಕ್ಕೆ ನಾನು ತುಂಬಾ ಇಷ್ಟಪಡುತ್ತೇನೆ ಎಂದು ಹಾಲಿ ಚಾಂಪಿಯನ್ ಫೆಡರರ್ ಹೇಳಿದ್ದಾರೆ.
ಇದನ್ನು ಓದಿ: WATCH: 2 ಸೆಟ್ ಸೋತರು ತಮ್ಮನ್ನು ಬೆಂಬಲಿಸುತ್ತಿದ್ದ ಪುಟ್ಟ ಅಭಿಮಾನಿಗೆ ಜೋಕೊವಿಕ್ ಉಡುಗೊರೆ
