ಟೋಕಿಯೋ ಒಲಿಂಪಿಕ್ಸ್‌: ಕುಸ್ತಿಯಲ್ಲಿ ಸೋನಮ್​ ಮಲಿಕ್​ಗೆ ನಿರಾಸೆ

ಬೊಲೊರ್ಟುಯಾ ಖುರೆಲ್ಖು ವಿರುದ್ಧ ನಡೆದ ಪಂದ್ಯದ ಆರಂಭದಿಂದಲೂ ಸೋನಮ್​ ಮಲಿಕ್​​ ಬಹುಪಾಲು ಹಿಡಿತ ಸಾಧಿಸಿದ್ದರು. ಆದರೆ ಕೊನೆಯಲ್ಲಿ ಬೊಲೊರ್ಟುಯಾ ಖುರೆಲ್ಖು ಡಬಲ್​ ಪಾಯಿಂಟ್​​ ಪಡೆಯುವ ಮೂಲಕ ಗೆಲುವಿನ ನಗೆ ಬೀರಿದರು.

ಟೋಕಿಯೋ: ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮತ್ತೊಂದು ನಿರಾಸೆಯಾಗಿದೆ. ಮಹಿಳೆಯರ ಫ್ರೀಸ್ಟೈಲ್ 62 ಕೆ.ಜಿ ಕುಸ್ತಿ ಪಂದ್ಯದಲ್ಲಿ ಸೋನಮ್​ ಮಲಿಕ್​​ ಸೋಲು ಕಂಡಿದ್ದಾರೆ.

ಇಂದು ಮಂಗೋಲಿಯಾದ ಬೊಲೊರ್ಟುಯಾ ಖುರೆಲ್ಖು ವಿರುದ್ಧ ನಡೆದ ಪಂದ್ಯದ ಆರಂಭದಿಂದಲೂ ಸೋನಮ್​ ಮಲಿಕ್​​ ಬಹುಪಾಲು ಹಿಡಿತ ಸಾಧಿಸಿದ್ದರು. ಆದರೆ ಕೊನೆಯಲ್ಲಿ ಬೊಲೊರ್ಟುಯಾ ಡಬಲ್​ ಪಾಯಿಂಟ್​​ ಪಡೆಯುವ ಮೂಲಕ ಗೆಲುವಿನ ನಗೆ ಬೀರಿದರು. ಈ ಪಂದ್ಯ 2-2ರಿಂದ ಅಂತ್ಯವಾಯಿತು.