ಟೋಕಿಯೋ: ಭಾರತದ ಅಂಗದ್ ವೀರ್ ಸಿಂಗ್ ಬಜ್ವಾ ಪುರುಷರ ಸ್ಕೀಟ್ ವಿಭಾಗದಲ್ಲಿ 3 ಸಿರೀಸ್ಗಳ ನಂತರ 73 ಅಂಕ ಪಡೆದು 11ನೇ ಸ್ಥಾನದಲ್ಲಿದ್ದಾರೆ. ಫೈನಲ್ಗೆ ಕೇವಲ 6 ಮಂದಿಗೆ ಮಾತ್ರ ಅವಕಾಶ ಇರುವುದರಿಂದ ಸೋಮವಾರ ನಡೆಯಲಿರುವ ಮತ್ತೆರಡು ಸುತ್ತಿನಲ್ಲಿ ಉತ್ತಮ ಪ್ರದರ್ಶನ ತೋರಿ ಫೈನಲ್ ಪ್ರವೇಶಿಸಲು ಭಾರತೀಯ ಶೂಟರ್ ಎದುರು ನೋಡುತ್ತಿದ್ದಾರೆ.
ಅಸಾಕ ಶೂಟಿಂಗ್ ರೇಂಜ್ನಲ್ಲಿ ನಡೆದ ಮೂರು ಸಿರೀಸ್ಗಳಿಂದ ಭಾರತೀಯ ಶೂಟರ್ ಕ್ರಮವಾಗಿ 25, 24, 24 ಅಂಕ ಪಡೆದು 11ನೇ ಸ್ಥಾನ ಪಡೆದಿದ್ದಾರೆ. ಫೈನಲ್ ಅರ್ಹತೆ ಪಡೆಯಲು ಇನ್ನು ಎರಡು ಸಿರೀಸ್ ಬಾಕಿಯಿದೆ.
30 ಶೂಟರ್ ನಡುವೆ ನಡೆದ ಈ ಸ್ಪರ್ಧೆಯಲ್ಲಿ ಅಂಗದ್ 11ನೇ ಸ್ಥಾನ ಪಡೆದರೆ ಮತ್ತೊಬ್ಬ ಭಾರತೀಯ ಮೈರಾಜ್ ಅಹ್ಮದ್ ಖಾನ್ 71 ಅಂಕಗಳೊಂದಿಗೆ 25ನೇ ಸ್ಥಾನ ಪಡೆದಿದ್ದಾರೆ.
ಸೋಮವಾರ ಶೂಟಿಂಗ್ನಲ್ಲಿ ಭಾರತಕ್ಕೆ ಇದೊಂದು ವಿಭಾಗ ಮಾತ್ರ ಸ್ಪರ್ಧಿಸಲಿದೆ. ಉಳಿದಿರುವ ಎರಡು ಸಿರೀಸ್ಗಳ ನಂತರ ಮಧ್ಯಾಹ್ನವೇ ಫೈನಲ್ ನಡೆಯಲಿದೆ.
ಇದನ್ನೂ ಓದಿ: Tokyo Olympics: ಟೇಬಲ್ ಟೆನ್ನಿಸ್‌ನಲ್ಲಿ 3ನೇ ಸುತ್ತು ಪ್ರವೇಶಿಸಿದ ಭಾರತದ ಮನಿಕಾ ಬಾತ್ರಾ
