ಥಾಯ್ಲೆಂಡ್ ಓಪನ್ 2023: ಸೆಮಿಫೈನಲ್​ನಲ್ಲಿ ಸೋಲು ಕಂಡ ಲಕ್ಷ್ಯ ಸೇನ್

ಥಾಯ್ಲೆಂಡ್ ಓಪನ್ 2023 ಸೆಮಿಫೈನಲ್​ನಲ್ಲಿ ಲಕ್ಷ್ಯ ಸೇನ್ ಸೋಲು ಕಂಡಿದ್ದಾರೆ. ಇದರಿಂದ ಥಾಯ್ಲೆಂಡ್ ಓಪನ್ ಪದಕ ನಿರೀಕ್ಷೆಯಲ್ಲಿದ್ದ ಭಾರತಕ್ಕೆ ನಿರಾಸೆಯಾಗಿದೆ.

ಬ್ಯಾಂಕಾಕ್ (ಥಾಯ್ಲೆಂಡ್): ಥಾಯ್ಲೆಂಡ್ ಓಪನ್ 2023 ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಒಂದು ಪದಕದ ನಿರೀಕ್ಷೆಯಲ್ಲಿದ್ದ ಭಾರತಕ್ಕೆ ನಿರಾಸೆಯಾಗಿದೆ. ಶನಿವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗಕ್ಕೆ ನಡೆದ ಸೆಮೀಸ್​ ಪಂದ್ಯದಲ್ಲಿ ಲಕ್ಷ್ಯ ಸೇನ್ ಥಾಯ್ಲೆಂಡ್ ಓಪನ್ 2023 ಬ್ಯಾಡ್ಮಿಂಟನ್ ಟೂರ್ನಿಯ ಹೋರಾಟವನ್ನು ಕೊನೆಗೊಳಿಸಿದರು. ಕಾಮನ್‌ವೆಲ್ತ್ ಗೇಮ್ಸ್ 2022 ರ ಚಾಂಪಿಯನ್ ಲಕ್ಷ್ಯ ಸೇನ್ 21-13, 17-21, 13-21 ರಿಂದ ವಿಶ್ವದ 5ನೇ ಶ್ರೇಯಾಂಕದ ಥಾಯ್ಲೆಂಡ್​ನ ಕುನ್ಲವುಟ್ ವಿಟಿಡ್ಸರ್ನ್ ವಿರುದ್ಧ ಸೋಲು ಕಂಡರು.

ಬ್ಯಾಡ್ಮಿಂಟನ್​ನಲ್ಲಿ 23 ನೇ ಶ್ರೇಯಾಂಕವನ್ನು ಹೊಂದಿದ್ದ ಲಕ್ಷ್ಯ ಸೇನ್​ ಅವರು ಆಲ್ ಇಂಗ್ಲೆಂಡ್ ಓಪನ್ 2022 ಪ್ರಶಸ್ತಿ ಘರ್ಷಣೆಯನ್ನು ತಲುಪಿದ ನಂತರ ತಮ್ಮ ಮೊದಲ ವಿಶ್ವ ಬ್ಯಾಡ್ಮಿಂಟನ್ ಫೆಡರೇಶನ್ (ಬಿಡಬ್ಲ್ಯೂ) ವರ್ಲ್ಡ್ ಟೂರ್ ಫೈನಲ್ ಮಾಡುವ ಗುರಿಯನ್ನು ಹೊಂದಿದ್ದರು. ಸೇನ್​ ಉತ್ತಮ ಆರಂಭವನ್ನು ಕಂಡರು ಮತ್ತು ಮೊದಲ ಸೆಟ್​ನ್ನು ಜಯಿಸಿದರು. ಆದರೆ ಮಿಕ್ಕೆರಡು ಸೆಟ್​ನಲ್ಲಿ ವಿಶ್ವದ 5ನೇ ಶ್ರೇಯಾಂಕದ ಕುನ್ಲವುಟ್ ವಿಟಿಡ್ಸರ್ನ್ ಮುನ್ನಡೆ ಸಾಧಿಸಿ ಗೆದ್ದುಕೊಂಡರು.

ಮೊದಲ ಸೆಟ್​ನಲ್ಲಿ ಗೆಲುವು: ಮೊದಲ ಸೆಟ್​ನಲ್ಲಿ ಲಕ್ಷ್ಯ ಬಲವಾದ ಹೊಡೆತಗಳಿಂದ ಲೀಡ್​ ಪಡೆದುಕೊಂಡು ಮುಂದೆ ಸಾಗಿದರು. ಆರಂಭದಲ್ಲೇ 7-4 ರಿಂದ ಮುನ್ನಡೆ ಪಡೆದುಕೊಂಡು ಅದೇ ಲಯದಲ್ಲಿ ಮೊದಲ ಸೆಟ್​ ತಮ್ಮದಾಗಿಸಿಕೊಂಡರು. ಆದರೆ ಎರಡನೇ ಸೆಟ್​ನಲ್ಲಿ ಲಕ್ಷ್ಯ ಸೇನ್​ ಅವರನ್ನು ಹಿಮ್ಮೆಟ್ಟಿಸಿದ 5ನೇ ರ್‍ಯಾಂಕ್​ನ ಥಾಯ್ಲೆಂಡ್​ನ ಆಟಗಾರ 17 - 21 ರಲ್ಲಿ ಗೆಲುವು ಕಂಡರು. ಎರಡನೇ ಸೆಟ್​ನಲ್ಲಿ ಕೇವಲ ನಾಲ್ಕು ಅಂಕಗಳ ಹಿನ್ನಡೆ ಕಂಡಿದ್ದ ಸೇನ್​ ಮೂರನೇ ಸೆಟ್​ನಲ್ಲಿ ನಿರ್ಣಾಯ ಹಂತ ತೆಗೆದುಕೊಂಡರು.

• Thailand Open Badminton: Indian shuttler Lakshya Sen lost in semi finals to K. Vitidsarn of Thailand by 21-17, 17-21, 13-21 at Bangkok.#ThailandOpen2023🏸 pic.twitter.com/COIFTj6ln7

  — All India Radio News (@airnewsalerts) June 3, 2023 " class="align-text-top noRightClick twitterSection" data="

  Thailand Open Badminton: Indian shuttler Lakshya Sen lost in semi finals to K. Vitidsarn of Thailand by 21-17, 17-21, 13-21 at Bangkok.#ThailandOpen2023🏸 pic.twitter.com/COIFTj6ln7

  — All India Radio News (@airnewsalerts) June 3, 2023

  ">

  Thailand Open Badminton: Indian shuttler Lakshya Sen lost in semi finals to K. Vitidsarn of Thailand by 21-17, 17-21, 13-21 at Bangkok.#ThailandOpen2023🏸 pic.twitter.com/COIFTj6ln7

  — All India Radio News (@airnewsalerts) June 3, 2023

ಎರಡು ಮತ್ತು ಮೂರನೇ ಸೆಟ್​ನಲ್ಲಿ ಲಕ್ಷ್ಯ ಕಳೆದುಕೊಂಡ ಸೇನ್​: ಒಂದು ವಿರಾಮದ ವರೆಗೆ 11-10 ರಿಂದ ಒಂದು ಅಂಕದ ಮುನ್ನಡೆಯಲ್ಲಿದ್ದ ಲಕ್ಷ್ಯ ದಿಢೀರ್​ ಕುಸಿತ ಕಂಡು ಮೂರನೇ ಸೆಟ್​ನಲ್ಲಿ ಸೋಲುಂಡರು. ಸೇನ್ 11 ರಿಂದ 13 ಅಂಕ ಗಳಿಸುವಷ್ಟರಲ್ಲಿ ಎದುರಾಳಿ 10 ರಿಂದ 21 ಕ್ಕೆ ಸುಲಭವಾಗಿ ಹೋಗಿದ್ದರು. ಇದರಿಂದ ಎರಡು ಸೆಟ್​ಗಳನ್ನು ಕಳೆದುಕೊಂಡ ಸೇನ್​ ಸೆಮಿಸ್​ನಿಂದ ಹೊರಬರಬೇಕಾಯಿತು. ಆದರೆ ಥಾಯ್ಲೆಂಡ್​ನ ಕುನ್ಲವುಟ್ ವಿಟಿಡ್ಸರ್ನ್ ಅವರ ವಿರುದ್ಧ ಹೆಡ್-ಟು-ಹೆಡ್​ನಲ್ಲಿ ಸೇನ್​ 5-3 ರಿಂದ ಮುಂದಿದ್ದಾರೆ.

ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಕಂಚಿನ ಪದಕ ವಿಜೇತರಾದ ಲಕ್ಷ್ಯ ಅವರು 2023 ರ ಕಠಿಣ ಋತುವನ್ನು ಹೊಂದಿದ್ದಾರೆ. ಇದು ವರ್ಷದ ಅವರ ಮೊದಲ ಸೆಮಿಫೈನಲ್ ಪ್ರದರ್ಶನವಾಗಿದೆ. ಇಂಡೋನೇಷ್ಯಾ ಮಾಸ್ಟರ್ಸ್‌ನ ಕ್ವಾರ್ಟರ್‌ಫೈನಲ್‌ಗೆ ಪ್ರವೇಶಿಸಿದ್ದು, ಅವರ ಈ ಹಿಂದಿನ ಅತ್ಯುತ್ತಮ ಪ್ರದರ್ಶನವಾಗಿತ್ತು. ಇದಕ್ಕೂ ಮೊದಲು, ಮಹಿಳೆಯರ ಸಿಂಗಲ್ಸ್ ಸ್ಪರ್ಧೆಯಲ್ಲಿ ಭಾರತದ ಸವಾಲು ಸೈನಾ ನೆಹ್ವಾಲ್ 16 ರ ಸುತ್ತಿನಲ್ಲಿ ನಿರ್ಗಮಿಸುವುದರೊಂದಿಗೆ ಕೊನೆಗೊಂಡಿತು ಮತ್ತು ಪಿವಿ ಸಿಂಧು ಮೊದಲ ಸುತ್ತಿನಲ್ಲಿ ಸೋಲನುಭವಿಸಿದ್ದರು.

ಇದನ್ನೂ ಓದಿ: ಐಪಿಎಲ್​ ಮತ್ತು ದೇಶೀಯ ಪಂದ್ಯಗಳ ಫಾರ್ಮ್​ನ್ನು ಇಲ್ಲಿಯೂ ಮುಂದುವರೆಸುತ್ತೇನೆ: ಅಜಿಂಕ್ಯಾ ರಹಾನೆ