ಮುಂದಿನ ವರ್ಷಾರಂಭದಲ್ಲಿ ಕ್ರೀಡಾ ಸ್ಪರ್ಧೆಗಳ ಪುನಾರಂಭ; ಕ್ರೀಡಾ ಸಚಿವ ರಿಜಿಜು ಭರವಸೆ

ಸಾಂಕ್ರಾಮಿಕ ರೋಗದಿಂದಾಗಿ ಶಿಬಿರಗಳನ್ನು ಮುಚ್ಚಿದಾಗ ಭಾರತದಲ್ಲಿ ಕ್ರೀಡಾ ಕ್ರಮವನ್ನು ಮಾರ್ಚ್‌ನಲ್ಲಿ ನಿಲ್ಲಿಸಲಾಯಿತು. ಕಳೆದ ಕೆಲವು ತಿಂಗಳುಗಳಲ್ಲಿ ಕ್ರೀಡಾಪಟುಗಳು ಕ್ರಮೇಣ ತರಬೇತಿಯನ್ನು ಪುನರಾರಂಭಿಸಿದ್ದಾರೆ.

ನವದೆಹಲಿ: ಕೋವಿಡ್​ -19 ನಿಂದ ಸ್ಥಗಿತಗೊಂಡಿರುವ ಕ್ರೀಡಾ ಸ್ಪರ್ಧೆಗಳನ್ನು 2021ರ ಆರಂಭದ ವೇಳೆಗೆ ನಡೆಸಲು ಸಾಧ್ಯವಾಗುತ್ತದೆ ಎಂದು ಕೇಂದ್ರ ಕ್ರೀಡಾ ಸಚಿವ ಕಿರಣ್​ ರಿಜಿಜು ಭರವಸೆ ನೀಡಿದ್ದಾರೆ.

ಸಾಂಕ್ರಾಮಿಕ ರೋಗದಿಂದಾಗಿ ಶಿಬಿರಗಳನ್ನು ಮುಚ್ಚಿದಾಗ ಭಾರತದಲ್ಲಿ ಕ್ರೀಡಾ ಕ್ರಮವನ್ನು ಮಾರ್ಚ್‌ನಲ್ಲಿ ನಿಲ್ಲಿಸಲಾಯಿತು. ಕಳೆದ ಕೆಲವು ತಿಂಗಳುಗಳಲ್ಲಿ, ಕ್ರೀಡಾಪಟುಗಳು ಕ್ರಮೇಣ ತರಬೇತಿಯನ್ನು ಪುನರಾರಂಭಿಸಿದ್ದಾರೆ.

"ಮಾರ್ಚ್​ನಲ್ಲಿ ಸಾಂಕ್ರಾಮಿಕ ರೋಗದ ಹರಡುವಿಕೆ ಹೆಚ್ಚಾದಾಗ ಎಲ್ಲಾ ಕ್ರೀಡಾ ಶಿಬಿರಗಳನ್ನು ಮುಚ್ಚಲಾಗಿತ್ತು. ಆದರೆ ಕಳೆದ ಕೆಲವು ತಿಂಗಳುಗಳಿಂದ ಕ್ರೀಡಾಪಟುಗಳು ಕ್ರಮೇಣ ತರಬೇತಿಯನ್ನು ಪುನರಾರಂಭಿಸಿದ್ದು, ಮುಂದಿನ ವರ್ಷ ಆರಂಭದಲ್ಲೇ ಕ್ರೀಡಾ ಸ್ಪರ್ಧೆಗಳನ್ನು ಆಯೋಜಿಸಲು ಎದುರು ನೋಡುತ್ತಿದ್ದೇವೆ" ಎಂದು ಕಿರಣ್ ರಿಜಿಜು ಹೇಳಿದ್ದಾರೆ.

"ಆಕ್ಟೋಬರ್​ ತಿಂಗಳಲ್ಲೇ ಕೆಲವು ಕ್ರೀಡಾ ಚಟುವಟಿಕೆಗಳು ನಡೆಯಬಹುದೆಂದು ಭಾವಿಸಿದ್ದೆ. ಆದರೆ ಕೋವಿಡ್ ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಅದು ಸಾಧ್ಯವಾಗಲಿಲ್ಲ" ಎಂದು ಸ್ಪೋರ್ಟ್ಸ್​ಕಾಮ್​ನ ವಾರ್ಷಿಕ ಸಭೆಯಲ್ಲಿ ಹೇಳಿದರು.

ಪ್ರಸ್ತುತ ನಾವು ಯಾವುದೇ ಕ್ರೀಡಾ ಸ್ಪರ್ಧೆಗಳನ್ನು ಹೊಂದಿಲ್ಲವಾದರೂ, ಶೀಘ್ರದಲ್ಲೇ ಕೋವಿಡ್​ಗೆ ಲಸಿಕೆ ಹೊರಬರತ್ತದೆ ಎಂಬ ವಿಶ್ವಾಸದಲ್ಲಿದ್ದೇವೆ. ಹಾಗಾಗಿ ಮುಂದಿನ ವರ್ಷದ ಆರಂಭದಲ್ಲಿ ಕ್ರೀಡಾ ಕ್ಷೇತ್ರದಲ್ಲಿ ಕೆಲವು ಆಕರ್ಷಕ ಘಟನೆಗಳನ್ನು ನೋಡಲಿದ್ದೇವೆ ಎಂದು ಹೇಳಿದ್ದಾರೆ.