ನವದೆಹಲಿ: ಬಿಎನ್‌ಪಿ ಪರಿಬಾಸ್‌ ಓಪನ್ ಟೆನಿಸ್ ಟೂರ್ನಿಯಲ್ಲಿ ಆಸ್ಟ್ರೇಲಿಯನ್‌ ಜೊತೆಗಾರ ಮ್ಯಾಟ್‌ ಎಬ್ಡೆನ್ ಅವರೊಂದಿಗೆ ಪುರುಷರ ಡಬಲ್ಸ್ ಪ್ರಶಸ್ತಿ ಗೆಲ್ಲುವ ಮೂಲಕ ಭಾರತದ 43 ವರ್ಷ ವಯಸ್ಸಿನ ರೋಹನ್ ಬೋಪಣ್ಣ ಎಟಿಪಿ ಮಾಸ್ಟರ್ಸ್ 1000 ಈವೆಂಟ್‌ ಗೆದ್ದ ಅತ್ಯಂತ ಹಿರಿಯ ಆಟಗಾರ ಎನಿಸಿಕೊಂಡಿದ್ದಾರೆ. ರೋಹನ್ ಬೋಪಣ್ಣ ಮತ್ತು 35 ವರ್ಷದ ಎಬ್ಡೆನ್ ಶನಿವಾರ ನಡೆದ ಫೈನಲ್‌ನಲ್ಲಿ ಅಗ್ರ ಶ್ರೇಯಾಂಕದ ಡಚ್ ಜೋಡಿ ವೆಸ್ಲಿ ಕೂಲ್‌ಹಾಫ್ ಮತ್ತು ಬ್ರಿಟನ್‌ನ ನೀಲ್ ಸ್ಕುಪ್ಸ್ಕಿ ಅವರನ್ನು 6-3, 2-6, 10-8 ಸೆಟ್‌ಗಳಿಂದ ಸೋಲಿಸಿದರು.
10ನೇ ಎಟಿಪಿ ಮಾಸ್ಟರ್ಸ್ 1000 ಫೈನಲ್‌ನಲ್ಲಿ ಆಡಿದ ನಂತರ ಬೋಪಣ್ಣ ಮಾತನಾಡಿ, 'ನಾನು ವರ್ಷಗಳಿಂದ ಇಲ್ಲಿ ಭಾಗವಹಿಸುತ್ತಿದ್ದೇನೆ. ಇಲ್ಲಿ ಬೇರೆಯವರು ಪ್ರಶಸ್ತಿ ಗೆಲ್ಲುವುದನ್ನು ನಾನು ಕಂಡಿದ್ದೇನೆ. ಆದರೆ ಇಲ್ಲಿ ನಾನು ಮತ್ತು ಮ್ಯಾಟ್‌ ಎಬ್ಡೆನ್ ಪ್ರಶಸ್ತಿಯನ್ನು ಗೆದ್ದಿರುವುದು ನನಗೆ ತುಂಬಾ ಸಂತೋಷವಾಗಿದೆ. ನಾವು ಕಠಿಣ ಮತ್ತು ನಿಕಟ ಪಂದ್ಯಗಳನ್ನು ಆಡಿದ್ದೇವೆ. ಇಂದು ನಾವು ಇಲ್ಲಿ ಅತ್ಯುತ್ತಮ ತಂಡವನ್ನು ಎದುರಿಸಿ ಟ್ರೋಫಿಯನ್ನು ಗೆದ್ದುಕೊಂಡಿರುವುದರ ಬಗ್ಗೆ ನನಗೆ ತುಂಬಾ ಸಂತೋಷವಾಗಿದೆ" ಎಂದಿದ್ದಾರೆ.
43 ವರ್ಷದ ರೋಹನ್ ಬೋಪಣ್ಣ ಅವರು ಕೆನಡಾದ ಡೇನಿಯಲ್ ನೆಸ್ಟರ್ ಅವರ ದಾಖಲೆಯನ್ನು ಹಿಂದಿಕ್ಕಿದರು. ಡೇನಿಯಲ್ ನೆಸ್ಟರ್ 42ನೇ ವಯಸ್ಸಿನಲ್ಲಿ (2015 ರಲ್ಲಿ) ಸಿನ್ಸಿನಾಟಿ ಮಾಸ್ಟರ್ಸ್ ಗೆದ್ದಿದ್ದರು. ಇದರಿಂದ ಅವರು ಪ್ರಶಸ್ತಿ ಗೆದ್ದ ಅತ್ಯಂತ ಹಿರಿಯ ಆಟಗಾರ ಎಂಬ ಖ್ಯಾತಿಯನ್ನು ಹೊಂದಿದ್ದರು. ಈ ಬಗ್ಗೆ ತಮಾಷೆಯಾಗಿ ಮಾತನಾಡಿದ ಬೋಪಣ್ಣ,'ನಾನು ಡೇನಿಯಲ್ ನೆಸ್ಟರ್ ಅವರೊಂದಿಗೆ ಮಾತನಾಡಿದ್ದೇನೆ ಮತ್ತು ನಾನು ಅವರ ದಾಖಲೆಯನ್ನು ಮುರಿದಿದ್ದಕ್ಕಾಗಿ ಕ್ಷಮಿಸಿ ಎಂದು ಹೇಳಿದೆ. ಈ ಟೈಟಲ್ ಯಾವಾಗಲೂ ನನ್ನೊಂದಿಗೆ ಇರುತ್ತದೆ. ನಾನು ಈ ಟೈಟಲ್ಗಾಗಿ ನಿಜವಾಗಿಯೂ ಸಂತೋಷಪಡುತ್ತೇನೆ" ಎಂದು ಹೇಳಿದ್ದಾರೆ.
-
🏆 Kings of the desert 🏆
— BNP Paribas Open (@BNPPARIBASOPEN) March 19, 2023 " class="align-text-top noRightClick twitterSection" data="
Matt Ebden and Rohan Bopanna capture a first Indian Wells title!#TennisParadise pic.twitter.com/P96xd7qh6r
">🏆 Kings of the desert 🏆
— BNP Paribas Open (@BNPPARIBASOPEN) March 19, 2023
Matt Ebden and Rohan Bopanna capture a first Indian Wells title!#TennisParadise pic.twitter.com/P96xd7qh6r🏆 Kings of the desert 🏆
— BNP Paribas Open (@BNPPARIBASOPEN) March 19, 2023
Matt Ebden and Rohan Bopanna capture a first Indian Wells title!#TennisParadise pic.twitter.com/P96xd7qh6r
ಇದು 2017 ರಲ್ಲಿ ಮಾಂಟೆಕಾರ್ಲೊ ಓಪನ್ ನಂತರ ಬೋಪಣ್ಣ ಅವರ ಒಟ್ಟಾರೆ ಐದನೇ ಮತ್ತು ಮೊದಲ ಮಾಸ್ಟರ್ಸ್ 1000 ಡಬಲ್ಸ್ ಪ್ರಶಸ್ತಿಯಾಗಿದೆ. ಈ ವರ್ಷ ಭಾರತ ಮತ್ತು ಆಸ್ಟ್ರೇಲಿಯಾ ಜೋಡಿಯ ಮೂರನೇ ಫೈನಲ್ ಆಡಿದ್ದಾರೆ. ಬೋಪಣ್ಣ ಇದುವರೆಗೆ ಪ್ರವಾಸ ಮಟ್ಟದಲ್ಲಿ ಒಟ್ಟು 24 ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಬೋಪಣ್ಣ ಮತ್ತು ಎಬ್ಡೆನ್ ಜೋಡಿಯು ಸೆಮಿಫೈನಲ್‌ನಲ್ಲಿ ಹಾಲಿ ಚಾಂಪಿಯನ್‌ಗಳು ಮತ್ತು ಎರಡು ಬಾರಿ ಪ್ರಶಸ್ತಿ ವಿಜೇತರಾದ ಜಾನ್ ಇಸ್ನರ್ ಮತ್ತು ಜಾಕ್ ಸಾಕ್ ಅವರನ್ನು ಸೋಲಿಸಿದ್ದರು.
ಇದಕ್ಕೂ ಮುನ್ನ ನಡೆದ ಕ್ವಾರ್ಟರ್‌ಫೈನಲ್‌ನಲ್ಲಿ ಅವರು ಕೆನಡಾದ ಫೆಲಿಕ್ಸ್ ಆಗರ್ ಅಲಿಸ್ಸಿಮ್ ಮತ್ತು ಡೆನಿಸ್ ಶಪೊವಾಲೊವ್ ಅವರನ್ನು ಸೋಲಿಸಿದ್ದರು. ಭಾರತ ಮತ್ತು ಆಸ್ಟ್ರೇಲಿಯಾದ ಈ ಜೋಡಿ ತಮ್ಮ ಆರಂಭಿಕ ಪಂದ್ಯದಲ್ಲಿ ರಾಫೆಲ್ ಮ್ಯಾಟೋಸ್ ಮತ್ತು ಡೇವಿಡ್ ವೇಗಾ ಹೆರ್ನಾಂಡೆಜ್ ಅವರನ್ನು ಸೋಲಿಸಿದರು. ವಿಶ್ವದ ಮಾಜಿ ಮೂರನೇ ಶ್ರೇಯಾಂಕದ ಆಟಗಾರ ಬೋಪಣ್ಣ ಈ ಗೆಲುವಿನೊಂದಿಗೆ ಎಟಿಪಿ ಡಬಲ್ಸ್ ಶ್ರೇಯಾಂಕದಲ್ಲಿ ನಾಲ್ಕು ಸ್ಥಾನ ಮೇಲೇರಿ 11ನೇ ಸ್ಥಾನಕ್ಕೆ ತಲುಪಿದ್ದಾರೆ.
ಇದನ್ನೂ ಓದಿ: ಬೆಂಗಳೂರಿಗೆ ಶೂಟೌಟ್ನಲ್ಲಿ ಕೈ ತಪ್ಪಿದ ಪ್ರಶಸ್ತಿ: ಎಟಿಕೆ ಮೊಹನ್ ಬಗಾನ್ಗೆ ಐಎಸ್ಎಲ್ ಗರಿ
