ಮುಂಬೈ: ಪ್ರೋ ಕಬಡ್ಡಿ ಲೀಗ್ 7ನೇ ಆವೃತ್ತಿಯ 15ನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ 30-25ರಲ್ಲಿ ಬಲಿಷ್ಠ ಯು ಮುಂಬಾ ತಂಡವನ್ನು ಮಣಿಸಿದೆ.
ಭಾನುವಾರ ನಡೆದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಪವನ್ ಶೆರಾವತ್ ಅವರ ಅದ್ಭುತ ರೈಡಿಂಗ್ ನೆರವಿನಿಂದ 30-25ರ ಅಂತರದಿಂದ ಗೆಲುವು ಸಾಧಿಸಿ ಲೀಗ್ನಲ್ಲಿ ತನ್ನ ಎರಡನೇ ಜಯ ಸಾಧಿಸಿತು. ಪವನ್ 11 ಅಂಕ ಪಡೆದು ಮಿಂಚಿದರು.
ಮೊದಲಾರ್ಧದಲ್ಲಿ ಎರಡೂ ತಂಡಗಳಿಂದಲೂ ಉತ್ತಮ ಪೈಪೋಟಿ ಕಂಡರೂ, ಬೆಂಗಳೂರು ಬುಲ್ಸ್ 13-11ರಲ್ಲಿ ಮುನ್ನಡೆ ಕಾಯ್ದುಕೊಂಡಿತು. ದ್ವಿತೀಯಾರ್ಧದಲ್ಲಿ 37ನೇ ನಿಮಿಷದಲ್ಲಿ ಪವನ್ ರೈಡಿಂಗ್ ಹೋಗುವ ಮುನ್ನ ಮುಂಬೈ 23-22ರಲ್ಲಿ ಮುನ್ನಡೆ ಸಾಧಿಸಿತ್ತು. ಆದರೆ, ಪವನ್ ಚಾಣಾಕ್ಷ ರೈಡಿಂಗ್ನಿಂದ ಬುಲ್ಸ್ ಮುಂಬೈ ತಂಡವನ್ನು ಆಲ್ಔಟ್ ಮಾಡುವ ಮೂಲಕ ಮುನ್ನಡೆ ಸಾಧಿಸಿದ್ದಲ್ಲದೆ, ಕೊನೆಯವರೆಗೂ ಪ್ರದರ್ಶನ ಮಟ್ಟವನ್ನು ಉತ್ತಮಪಡಿಸಿಕೊಂಡು ಗೆಲುವಿನ ನಗೆ ಬೀರಿತು.
ಬೆಂಗಳೂರು ಬುಲ್ಸ್ ಪರ ಪವನ್ 11,ಮಹೇಂದ್ರ ಸಿಂಗ್ 4, ಸೌರಭ್ ನಂದಲ್ 2, ಮೋಹಿತ್ ಶೆರಾವತ್ 3 ಅಂಕ ಪಡೆದರು. ಅರ್ಜುನ್ ದೆಶ್ವಾಲ್ 6 ಅಂಕ, ಅಭಿಶೇಕ್ ಸಿಂಗ್ 5, ರೋಹಿತ್ ಬಲಿಯಾನ್ 3, ಫಜಲ್ ಅಟ್ರಾಚಲಿ 3 ಹಾಗೂ ಸುರಿಂದರ್ ಸಿಂಗ್ 2 ಅಂಕ ಪಡೆದರು.
