ಯುಜೀನ್ (ಅಮೆರಿಕ): ಲಾಂಗ್‌ಜಂಪ್‌ ಪಟು ಮುರಳಿ ಶ್ರೀಶಂಕರ್ ಅವರು ವಿಶ್ವ ಅಥ್ಲೆಟಿಕ್ಸ್‌ ಚಾಂಪಿಯನ್ಶಿಪ್ನ ಎರಡನೇ ದಿನವಾದ ನಿನ್ನೆ 7.96 ಮೀಟರ್‌ಗಳ ಅತ್ಯುತ್ತಮ ಪ್ರಯತ್ನದಿಂದ ಫೈನಲ್‌ನಲ್ಲಿ ಏಳನೇ ಸ್ಥಾನ ಗಳಿಸಿದರಾದರೂ ನಿರೀಕ್ಷಿತ ಮಟ್ಟ ತಲುಪುವಲ್ಲಿ ವಿಫಲರಾಗಿದ್ದಾರೆ. ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಲಾಂಗ್ ಜಂಪ್ ಫೈನಲ್‌ಗೆ ಅರ್ಹತೆ ಪಡೆದ ಮೊದಲ ಭಾರತೀಯ ಪುರುಷ ಅಥ್ಲೀಟ್ ಆಗಿರುವ ಶ್ರೀಶಂಕರ್, ಶೋಪೀಸ್‌ನಲ್ಲಿ ಐತಿಹಾಸಿಕ ಪದಕದ ಭರವಸೆ ಮೂಡಿಸಿದ್ದರು. ಆದರೆ, ಫೈನಲ್‌ನಲ್ಲಿ ಯಶಸ್ಸು ಗಳಿಸಲು ಸಾಧ್ಯವಾಗಲಿಲ್ಲ.
ಅವರು 7.96m ನ ಆರಂಭಿಕ ಜಿಗಿತ, 7.89m ನ ನಾಲ್ಕನೇ ಸುತ್ತಿನ ಪ್ರಯತ್ನ ಮತ್ತು 7.83m ನ ಕೊನೆಯ ಪ್ರಯತ್ನವನ್ನು ಮಾಡಿದ್ದರು. ಉಳಿದ ಮೂರು ಪ್ರಯತ್ನಗಳು ಫೌಲ್ ಆಗಿದ್ದವು. 23ರ ಹರೆಯದ ಆಟಗಾರ ಆರು ಪ್ರಯತ್ನಗಳಲ್ಲಿ 8 ಮೀಟರ್ ದಾಟಲು ಸಾಧ್ಯವಾಗದೇ ನಿರಾಸೆ ಅನುಭವಿಸಿದ್ದಾರೆ. ಮಾರ್ಚ್‌ನಿಂದ 8.17ಮೀ, 8.36ಮೀ, 8.31ಮೀ ಮತ್ತು 8.23ಮೀ ಜಿಗಿದು ವಿಶ್ವ ಚಾಂಪಿಯನ್‌ಶಿಪ್‌ಗೆ ಹೋಗುವ ಕನಸ್ಸನ್ನು ನನಸು ಮಾಡಿಕೊಂಡಿದ್ದರಾದರೂ ಇಲ್ಲಿ ಮುಗ್ಗರಿಸಿದ್ದಾರೆ.
ಶನಿವಾರ ನಡೆದ ಅರ್ಹತಾ ಸುತ್ತಿನಲ್ಲಿ ನಿಖರವಾಗಿ 8 ಮೀಟರ್‌ಗಳ ಅತ್ಯುತ್ತಮ ಜಿಗಿತದೊಂದಿಗೆ ಅವರು ಫೈನಲ್‌ಗೆ ಅರ್ಹತೆ ಪಡೆದಿದ್ದರು. ಬಿ ಗುಂಪಿನಲ್ಲಿ ಎರಡನೇ ಮತ್ತು ಒಟ್ಟಾರೆ ಏಳನೇ ಸ್ಥಾನ ಪಡೆದಿದ್ದರು.
ಇವರು ಈ ಹಿಂದೆ ಚೀನಾದ ಜಿಯಾನನ್ ವಾಂಗ್ 8.36 ಮೀಟರ್‌ಗಳ ಅಂತಿಮ ಸುತ್ತಿನ ಜಿಗಿತದೊಂದಿಗೆ ಚಿನ್ನ ಗೆದ್ದರೆ, ಒಲಿಂಪಿಕ್ ಚಾಂಪಿಯನ್ ಗ್ರೀಸ್‌ನ ಮಿಲ್ಟಿಯಾಡಿಸ್ ಟೆಂಟೊಗ್ಲೋ ಅಂತಿಮ ಸುತ್ತಿನವರೆಗೆ ಮುನ್ನಡೆ ಸಾಧಿಸಿ 8.30 ಮೀಟರ್‌ಗಳ ಅತ್ಯುತ್ತಮ ಪ್ರಯತ್ನದಿಂದ ಬೆಳ್ಳಿ ಪದಕ ಗೆದ್ದಿದ್ದರು ಹಾಗೂ ಸೀಸನ್ ಲೀಡರ್ ಸ್ವಿಟ್ಜರ್ಲೆಂಡ್‌ನ ಸೈಮನ್ ಎಹಮ್ಮರ್ (8.16 ಮೀ) ಕಂಚು ಪಡೆದುಕೊಂಡಿದ್ದರು.
ಭಾರತೀಯರನ್ನು ಒಳಗೊಂಡ ಇತರ ಈವೆಂಟ್‌ಗಳಲ್ಲಿ, ಪಾರುಲ್ ಚೌಧರಿ ಮಹಿಳೆಯರ 3000 ಮೀಟರ್ ಸ್ಟೀಪಲ್‌ಚೇಸ್‌ನಲ್ಲಿ 9:38.09 ರ ಸಮಯದ ವೈಯಕ್ತಿಕ ಅತ್ಯುತ್ತಮ ಓಟವನ್ನು ಪೂರ್ಣಗೊಳಿಸಿ ಹೀಟ್ ನಂಬರ್ ಎರಡರಲ್ಲಿ 12 ನೇ ಸ್ಥಾನ ಪಡೆದುಕೊಂಡರು. ಆದರೆ, ಫೈನಲ್‌ಗೆ ಅರ್ಹತೆ ಪಡೆಯಲಿಲ್ಲ. 27 ವರ್ಷದ ಪಾರುಲ್ ತಮ್ಮ ಹೀಟ್‌ನಲ್ಲಿ 14 ಸ್ಪರ್ಧಿಗಳಲ್ಲಿ 12 ನೇ ಸ್ಥಾನ ಪಡೆದಿದ್ದಾರೆ.
ಇದನ್ನೂ ಓದಿ: 'ಶತಕ ರಹಿತ ಸಹಸ್ರ ದಿನ'ಗಳತ್ತ ಕೊಹ್ಲಿ: ಕೆಟ್ಟ ರೆಕಾರ್ಡ್ನಿಂದ ಪಾರಾಗಲು ಇಂದೇ ಕೊನೆಯ ಅವಕಾಶ!
