ನವದೆಹಲಿ: ಆರು ಬಾರಿಯ ವಿಶ್ವಚಾಂಪಿಯನ್ ಮೇರಿಕೋಮ್ರನ್ನು ಯುವ ಬಾಕ್ಸರ್ ನಿಖಾತ್ ಝರೀನ್ ಇಂದು ಒಲಿಂಪಿಕ್ ಕ್ವಾಲಿಫೈಯರ್ಗೆ ನಡೆಯಲಿರುವ ಟ್ರಯಲ್ಸ್ ಫೈನಲ್ ಪಂದ್ಯದಲ್ಲಿ ಎದುರಿಸಲಿದ್ದಾರೆ.
ಚೀನಾದಲ್ಲಿ ನಡೆಯಲಿರುವ ಒಲಿಂಪಿಕ್ ಕ್ವಾಲಿಫೈಯರ್ಗೆ ಪಂದ್ಯಕ್ಕೆ 51 ಕೆಜಿ ವಿಭಾಗದಿಂದ ಪಾಲ್ಗೊಳ್ಳುವ ಮುನ್ನ ಟ್ರಯಲ್ ಪಂದ್ಯದಲ್ಲಿ 6 ಬಾರಿಯ ವಿಶ್ವ ಚಾಂಪಿಯನ್ ಮೇರಿಕೋಮ್ ವಿರುದ್ಧ ಯುವ ಬಾಕ್ಸರ್ ಝರೀನ್ ಪೈಪೋಟಿ ನಡೆಸಲಿದ್ದಾರೆ. ಈ ಪಂದ್ಯದಲ್ಲಿ ಗೆದ್ದವರು ಒಲಿಂಪಿಕ್ ಅರ್ಹತಾ ಟೂರ್ನಿಗೆ ತೇರ್ಗಡೆಯಾಗಲಿದ್ದಾರೆ.
51 ಕೆಜಿ ವಿಭಾಗದಿಂದ ವಿಶ್ವಚಾಂಪಿಯನ್ಶಿಪ್ನಲ್ಲಿ ಪಾಲ್ಗೊಂಡಿದ್ದ ಮೇರಿಕೋಮ್ ಕಂಚಿನ ಪದಕ ಗೆದ್ದಿದ್ದರು. ಆದರೆ ಅದೇ ವಿಭಾಗದಿಂದ ಟೋಕಿಯೋ ಒಲಿಂಪಿಕ್ ಅರ್ಹತಾ ಸುತ್ತಿಗೆ ನೇರ ಅರ್ಹತೆ ಪಡೆದಿದ್ದರು. ಇದನ್ನು ಪ್ರಶ್ನಿಸಿದ 51 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿದ್ದ ನಿಖತ್, ಟ್ರಯಲ್ ಪಂದ್ಯವಿಲ್ಲದೆ ನೇರವಾಗಿ ಆಯ್ಕೆ ಮಾಡಿದ್ದನ್ನು ಪ್ರಶ್ನಿಸಿ ಕ್ರೀಡಾಸಚಿವರಿಗೆ ಪತ್ರ ಬರೆದಿದ್ದರು. ನಂತರ ಬಾಕ್ಸಿಂಗ್ ಫೆಡರೇಷನ್ ಇಬ್ಬರಿಗೂ ಟ್ರಯಲ್ಸ್ನಲ್ಲಿ ಪಾಲ್ಗೊಳ್ಳುವಂತೆ ಸೂಚಿಸಿತ್ತು
ಇದೀಗ ಮಾಜಿ ಜೂನಿಯರ್ ಚಾಂಪಿಯನ್ ಝರೀನ್ ರಾಷ್ಟ್ರೀಯ ಚಾಂಪಿಯನ್ ಜ್ಯೋತಿ ಗುಲಿಯಾರನ್ನು ಮಣಿಸಿದ್ದರೆ, ರಿತು ಗ್ರವಾಲ್ರನ್ನು ಮಣಿಸಿ ಮೇರಿ ಕೋಮ್ ಫೈನಲ್ ತಲುಪಿದ್ದಾರೆ. ಇಂದು ಈ ಇಬ್ಬರಲ್ಲಿ ಯಾರು ಗೆಲ್ಲುತ್ತಾರೋ ಅವರು ಚೀನಾದಲ್ಲಿ ನಡೆಯಲಿರುವ ಒಲಿಂಪಿಕ್ಸ್ ಕ್ವಾಲಿಫಯರ್ ಟೂರ್ನಿಗೆ ಅರ್ಹತೆಗಿಟ್ಟಿಸಿಕೊಳ್ಳಲಿದ್ದಾರೆ.
