ಕೋಟಾ, ರಾಜಸ್ಥಾನ: ಜೆಇಇ ಮೇನ್ಸ್ -2025ರ ಪರೀಕ್ಷೆಯಲ್ಲಿ ಕೋಟಾ ಮೂಲದ ವಿದ್ಯಾರ್ಥಿ ಅರ್ನವ್ ಸಿಂಗ್ ಗಮನಾರ್ಹ ಸಾಧನೆ ಮಾಡಿದ್ದಾರೆ. ಜನವರಿಯಲ್ಲಿ ಪ್ರಕಟವಾದ ಜಂಟಿ ಪ್ರವೇಶ ಪರೀಕ್ಷೆಯಲ್ಲಿ 100ಕ್ಕೆ 100 ಅಂಕ ಗಳಿಸುವ ಮೂಲಕ ಮೇರು ಸಾಧನೆ ಮಾಡಿದ್ದಾರೆ. ತಮ್ಮ ಈ ಸಾಧನೆಗೆ ಸಂತಸ ವ್ಯಕ್ತಪಡಿಸಿರುವ ಅರ್ನವ್, ತಮ್ಮ ಅಧ್ಯಯನದ ಸಿದ್ಧತೆ ಮತ್ತು ತಂದೆಯ ಬೆಂಬಲದಿಂದ ಈ ಸಾಧನೆ ಮಾಡಲು ಸಹಾಯ ಮಾಡಿತು ಎಂದಿದ್ದಾರೆ.
ಈಟಿವಿ ಭಾರತ್ ಸಂದರ್ಶನದಲ್ಲಿ ಮಾತನಾಡಿದ ಅರ್ನವ್ ತಂದೆ ಅಜಿತ್ ಸಿಂಗ್, ತಮ್ಮ ಮಗನಿಗೆ ತಾವು ಇಂತಹದ್ದೇ ಫಲಿತಾಂಶ ಬರಬೇಕು ಎಂದು ಒತ್ತಡ ಹಾಕಲಿಲ್ಲ. ಆದರೆ, ಸರಿಯಾದ ರೀತಿಯಲ್ಲಿ ಸಿದ್ಧತೆ ನಡೆಸುವಂತೆ ಸಲಹೆ ನೀಡಿದೆ. ಆತ ಶೇ 100ರಷ್ಟು ಅಂಕ ಪಡೆದವರ ಕ್ಲಬ್ ಸೇರದಿದ್ದರೂ ನಾನು ದುಃಖಿಸುತ್ತಿರಲಿಲ್ಲ. ಕಾರಣ ಅರ್ನವ್ ಫಲಿತಾಂಶದ ಚಿಂತೆಬಿಟ್ಟು ಉತ್ತಮ ಓದಿನ ಕಡೆ ಗಮನ ಹರಿಸಿದ್ದ. ಯಾವುದೇ ಒತ್ತಡ ಇಲ್ಲದೇ ವಿಷಯವನ್ನು ಮನನ ಮಾಡಿಕೊಳ್ಳುವತ್ತ ಚಿತ್ತ ಹರಿಸಿದ್ದ ಎಂದು ತಿಳಿಸಿದ್ದಾರೆ.
ಅಜಿತ್ ಸಿಂಗ್ ಕೂಡ ಖಾಸಗಿ ಸಂಸ್ಥೆಯಲ್ಲಿ ಗಣಿತ ತರಬೇತುದಾರರಾಗಿದ್ದಾರೆ. ಮೂಲತಃ ಬಿಹಾರದವರಾಗಿರುವ ಅರ್ನವ್ ಹುಟ್ಟಿ ಬೆಳೆದಿದ್ದು, ಪಶ್ಚಿಮ ಬಂಗಾಳದ ದುರ್ಗಪುರದಲ್ಲಿ. ಆ ಬಳಿಕ ಅವರು ಮಹಾರಾಷ್ಟ್ರದ ನಾಗ್ಪುರ್ಗೆ ಸ್ಥಳಾಂತರಗೊಂಡರು. ಬಳಿಕ ಇವರು ಭೋಪಾಲ್ನಲ್ಲಿ ನೆಲೆಸಿದ್ದರು. 2019ರಿಂದ ಅರ್ನವ್ ಕೋಟಾದಲ್ಲಿ ಕಲಿಕೆ ಆರಂಭಿಸಿದ್ದು, ಅವರ ತಂದೆ 2019 ರಿಂದ ಶಿಕ್ಷಣ ವೃತ್ತಿಯಲ್ಲಿ ತೊಡಗಿದ್ದಾರೆ. ತಾಯಿ ನೇಹಾ ಭಾರತಿ ಗೃಹಿಣಿಯಾಗಿದ್ದಾರೆ.
10ನೇ ತರಗತಿಯಿಂದಲೇ ಐಐಟಿ ಕನಸು: ಅರ್ನವ್ ಯಶಸ್ಸಿನಗಾಥೆ 10ನೇ ತರಗತಿಯಿಂದಲೇ ಶುರುವಾಗಿದೆ. ಆತ ಆಗಿನಿಂದಲೇ, ಅಂದರೆ ಭೋಪಾಲ್ನಲ್ಲಿರುವಾಗಲೇ ಐಐಟಿ ಪ್ರವೇಶ ಪರೀಕ್ಷೆಗೆ ತಯಾರಿ ಆರಂಭಿಸಿದ್ದೆ. ಕೋಟಾಗೆ ಬಂದ ಬಳಿಕ ನಾನು ನನ್ನ ಶಾಲಾ ಮತ್ತು ಕೋಚಿಂಗ್ ಎರಡನ್ನು ಸರಿದೂಗಿಸಿಕೊಂಡು ಹೋಗಲು ಮುಂದಾದೆ. ಕೋಟಾದ ಕೋಚಿಂಗ್ ವೇಳೆ ಜೆಇಇ ಮತ್ತು ಬೋರ್ಡ್ ಪರೀಕ್ಷೆ ಎರಡಕ್ಕೂ ಸಮಯವನ್ನು ಮಾಡಿಕೊಂಡು ಅಭ್ಯಾಸ ಮಾಡಿದೆ ಎನ್ನುತ್ತಾರೆ ಅರ್ನವ್.
ಮಕ್ಕಳ ಕಡೆಯಿಂದ ಅಧಿಕ ನಿರೀಕ್ಷೆ ಹೊಂದುವುದು ತಪ್ಪು. ಇದರ ಬದಲಾಗಿ ಅವರು ವ್ಯವಸ್ಥಿತವಾಗಿ ತಯಾರಿ ಮಾಡಿಕೊಳ್ಳುವುದರತ್ತ ಗಮನ ಕೇಂದ್ರೀಕರಿಸಬೇಕು. ಸಿದ್ಧತೆ ಸರಿಯಾಗಿದ್ದಲಿ ಮಾತ್ರವೇ ಯಶಸ್ಸು ಸಿಗುತ್ತದೆ . ಸಿದ್ಧತೆ ಸಮಯದಲ್ಲಿ ಮಕ್ಕಳನ್ನು ಶಾಂತವಾಗಿ, ಅವರ ಮನಸ್ಥಿತಿ ಏಕಾಗ್ರತೆಯಿಂದ ಇರುವಂತೆ ನೋಡಿಕೊಳ್ಳಿ. ಬದಲಾಗಿ ಉತ್ತಮ ಫಲಿತಾಂಶ ಬರಬೇಕು ಎಂದು ನಿರೀಕ್ಷೆ ಮಾಡುವುದರಿಂದ ಅದು ಅವರ ಸಿದ್ಧತೆಗೆ ಅಡ್ಡಿಯಾಗುತ್ತದೆ. ಶೈಕ್ಷಣಿಕ ಗುರಿಗಳ ಸಾಧನೆಗೆ ಆರೋಗ್ಯಯುತ ಮತ್ತು ಉತ್ತಮ ವ್ಯಕ್ತಿತ್ವವೂ ಪ್ರಮುಖವಾಗಿದೆ ಎನ್ನುವುದು ಅರ್ನವ್ ಅವರ ಅನಿಸಿಕೆ ಆಗಿದೆ.
ವ್ಯವಸ್ಥಿತ ಸಿದ್ಧತೆ ಅತ್ಯಗತ್ಯ: ಅರ್ನವ್ ಶೇ 100ರಷ್ಟು ಅಂಕ ಪಡೆಯಲು ಯಾವುದೇ ಪೂರ್ವ ಯೋಜನೆ ಹೊಂದಿರಲಿಲ್ಲ. ಪರೀಕ್ಷೆಗೆ ಮುನ್ನ ಅರ್ನವ್ ಚೆನ್ನಾಗಿ ಸಿದ್ಧತೆ ಮಾಡಿಕೊಂಡಿದ್ದರು. ಸದಾ ಶಾಂತ ಚಿತ್ತದಿಂದ ಇದ್ದು, ಯಾವುದೇ ಫಲಿತಾಂಶ ಬಂದರೂ ಸ್ವೀಕರಿಸಲು ಸಿದ್ದನಾಗಿದ್ದ. ಪರೀಕ್ಷೆ ಬಳಿಕವೂ ಎಷ್ಟು ಅಂಕ ಬರುತ್ತದೆ ಎಂಬ ಬಗ್ಗೆ ಅರ್ನವ್ ಯೋಚನೆ ಮಾಡಿರಲಿಲ್ಲ . ಅಂತಿಮ ಕೀ ಉತ್ತರ ಬಂದಾಗ ಆತ 295 ಅಂಕ ಪಡೆದಿರುವುದು ಗೊತ್ತಾಯಿತು. ಆದರೆ, ಶೇ 100ರಷ್ಟು ಅನ್ನು ನಿರೀಕ್ಷಿಸಿರಲಿಲ್ಲ ಎಂದಿದ್ದಾರೆ ಅರ್ನವ್ ತಂದೆ ಅಜಿತ್.
10ನೇ ತರಗತಿಯಲ್ಲಿ ಅರ್ನವ್ 97ರಷ್ಟು ಅಂಕ ಗಳಿಸಿದ್ದು, ಭವಿಷ್ಯದ ಗುರಿ ಬಗ್ಗೆ ಏಕಚಿತ್ತ ಹೊಂದಿದ್ದ. ನಿರ್ದಿಷ್ಟ ಸಿದ್ಧತೆ ಹೊಂದಿರಲಿಲ್ಲ. ಆದರೆ, ಗಣಿತದಲ್ಲಿ ಆತ ಆಸಕ್ತಿ ಹೊಂದಿದ್ದು, ಓಲಂಪಿಯಾಡ್ನಲ್ಲಿ ಕ್ಯಾಪ್ ಮಟ್ಟದಲ್ಲಿ ಭಾಗಿಯಾಗಿದ್ದ. ಆತನ ಪ್ರಮುಖ ಗುರಿ ಐಐಟಿ ಬಾಂಬೆಯಲ್ಲಿ ಬಿಟೆಕ್ ಕಂಪ್ಯೂಟರ್ ಸೈನ್ ಓದುವುದಾಗಿದೆ. ಅದಕ್ಕೆ ಜೆಇಇ ಅಡ್ವಾನ್ಸ್ ಪಾಸಾಗಬೇಕಿದೆ ಎಂದು ಆತನ ಕನಸಿನ ಕುರಿತು ತಂದೆ ಮಾಹಿತಿ ಹಂಚಿಕೊಂಡರು.
ನಿತ್ಯದ ಓದು: ನಾನು ಪ್ರತಿನಿತ್ಯ ಸಂತಸದಿಂದ ನನ್ನ ಹೋಮ್ವರ್ಕ್ ಮುಗಿಸುತ್ತಿದ್ದೆ . ಇದರ ಜೊತೆಗೆ ಅಭ್ಯಾಸ ಹಾಗೂ ಅಭ್ಯಾಸದ ವೇಳೆ ಬಂದ ಅನುಮಾನಗಳನ್ನು ಪರಿಹರಿಸಿಕೊಳ್ಳುತ್ತಿದ್ದರಿಂದ ವಿಷಯವನ್ನು ಸ್ಪಷ್ಟವಾಗಿ ಅರ್ಥೈಸಿಕೊಳ್ಳಲು ಸಾಧ್ಯವಾಯಿತು. ನಾನು ದಿನಕ್ಕೆ 10- 12 ಗಂಟೆ ಓದುತ್ತಿದ್ದೆ. ನನ್ನ ಅನುಮಾನಗಳನ್ನು ಪರಿಹರಿಸುವಲ್ಲಿ ತಂದೆ ಸಹಾಯ ಮಾಡುತ್ತಿದ್ದರು.
ಕೋಟಾದಲ್ಲಿರುವ ವಿಶಿಷ್ಟ ಓದಿನ ಪರಿಸರ ಕುರಿತು ಕೂಡ ಅಜಿತ್ ಅವರು ಮಾತನಾಡಿದ್ದು, ಇಲ್ಲಿ ವಿದ್ಯಾರ್ಥಿಗಳ ಮಧ್ಯೆ ತೀವ್ರ ಸ್ಪರ್ಧೆ ಇಲ್ಲ. ವಿದ್ಯಾರ್ಥಿಗಳು ಕೂಡ ಪ್ರೋತ್ಸಾಹದಾಯಕ ಗುಂಪೊಂದನ್ನು ಸೃಷ್ಟಿಸಿದ್ದಾರೆ. ಅರ್ನವ್ ಸ್ನೇಹಿತರಾದ ರಜಿತ್, ಸಕ್ಷಮ್ ಮತ್ತು ಓಂ ಕೂಡ ಶೇ 100 ಅಂಕ ಗಳಿಸಿದ್ದಾರೆ. ಈ ರೀತಿಯ ಸಮಾನ ಮನಸ್ಕರ ವಿಶಿಷ್ಟ ಗುಂಪು ಕೋಟಾದಲ್ಲಿದೆ. ಇಲ್ಲಿ ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡುವುದು ಪ್ರಮುಖ ಆದ್ಯತೆಯಾಗಿದೆ ಎಂದು ಅಜಿತ್ ಹೇಳಿದ್ದಾರೆ.
ಇದನ್ನೂ ಓದಿ: JEE ಮೇನ್ಸ್ ಫಲಿತಾಂಶ:100ಕ್ಕೆ 100ರಷ್ಟು ಅಂಕ ಪಡೆದ 14 ವಿದ್ಯಾರ್ಥಿಗಳು: ಕರ್ನಾಟಕದ ಕುಶಾಗ್ರ ಗುಪ್ತಾನೂ ಟಾಪರ್
ಇದನ್ನೂ ಓದಿ: ಒತ್ತಡದ ಕುರಿತು ಪೋಷಕರಲ್ಲಿ ಮನಬಿಚ್ಚಿ ಮಾತನಾಡಿ: ವಿದ್ಯಾರ್ಥಿಗಳಿಗೆ ದೀಪಿಕಾ ಪಡುಕೋಣೆ ಸಲಹೆ
