ತಾಯಿಯಾದ ಮಾಜಿ ಟೆನಿಸ್​ ಚೆಲುವೆ ಮರಿಯಾ ಶರಪೋವಾ.. ಗಂಡು ಮಗುವಿಗೆ ಜನ್ಮ

ರಷ್ಯಾದ ಮಾಜಿ ಟೆನಿಸ್​ ಆಟಗಾರ್ತಿ ಮರಿಯಾ ಶರಪೋವಾಗೆ ಮಗು ಜನನ- ಪುತ್ರನಿಗೆ ತಾಯಿಯಾದ ಶರಪೋವಾ- ಇನ್​ಸ್ಟಾಗ್ರಾಮ್​ನಲ್ಲಿ ಫೋಟೊ ಹರಿಬಿಟ್ಟ ಚೆಲುವೆ.

ವಾಷಿಂಗ್ಟನ್: ಮಾಜಿ ಟೆನಿಸ್ ಆಟಗಾರ್ತಿ, ರಷ್ಯಾದ ಚೆಲುವೆ ಮರಿಯಾ ಶರಪೋವಾ ತಾಯಿಯಾಗಿದ್ದಾರೆ. ಪ್ರಿಯಕರ ಅಲೆಕ್ಸಾಂಡರ್ ಗಿಲ್ಕ್ಸ್ ಮತ್ತು ಮರಿಯಾ ಅವರು ಪುತ್ರ ಸಂತಾನ ಪಡೆದಿದ್ದಾರೆ.

ಈ ಖುಷಿಯ ವಿಚಾರವನ್ನು ಮರಿಯಾ ತನ್ನ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ತನಗೆ ಗಂಡು ಮಗು ಜನಿಸಿದೆ ಎಂದು ಫೋಟೋ ಪೋಸ್ಟ್​ ಮಾಡಿದ್ದಾರೆ. ಇದಕ್ಕೆ ಅವರ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿ ಅಭಿನಂದನೆಗಳ ಮಹಾಪೂರವೇ ಹರಿಸಿದ್ದಾರೆ.

ತಾಯಿಯಾದ ಮಾಜಿ ಟೆನಿಸ್​ ಚೆಲುವೆ ಮರಿಯಾ ಶರಪೋವಾ

ನವಜಾತ ಶಿಶುವಿನೊಂದಿಗೆ ದಂಪತಿ ಇರುವ ಫೋಟೋ ಹರಿಬಿಟ್ಟಿರುವ ಶರಪೋವಾ, "ನಮ್ಮ ಪುಟ್ಟ ಕುಟುಂಬದ ಅತ್ಯಂತ ಸುಂದರವಾದ, ಸವಾಲಿನ ಮತ್ತು ಲಾಭದಾಯಕ ಉಡುಗೊರೆ ಇದಾಗಿದೆ" ಎಂದು ಶೀರ್ಷಿಕೆ ನೀಡಿದ್ದಾರೆ. ಅಲ್ಲದೇ, ಮಗುವಿಗೆ 'ಥಿಯೋಡೋರ್' ಎಂದು ನಾಮಕರಣ ಮಾಡಲಾಗಿದ್ದು, 1 ಜುಲೈ 2022 ರಂದು ಜನಿಸಿದ್ದಾನೆ ಎಂದು ರೋಮನ್​ ಅಂಕಿಯಲ್ಲಿ ದಿನಾಂಕವನ್ನು ನಮೂದಿಸಿದ್ದಾರೆ.

ಶರಪೋವಾ ಅವರ ಈ ಶುಭ ಸುದ್ದಿಗೆ ಅವರ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿ, ಅಭಿನಂದನೆ ಸಲ್ಲಿಸಿದ್ದರೆ. ರಷ್ಯಾದ ಮಾಜಿ ಟೆನಿಸ್ ಆಟಗಾರ್ತಿ ಏಪ್ರಿಲ್‌ನಲ್ಲಿ ತನ್ನ 35ನೇ ಹುಟ್ಟುಹಬ್ಬದ ದಿನದಂದು ಮೊದಲ ಮಗುವಿನ ನಿರೀಕ್ಷಿಯಲ್ಲಿದ್ದೇನೆ ಎಂದು ಫೋಟೋ ಸಮೇತ ಘೋಷಿಸಿದ್ದರು.

ರಷ್ಯಾ- ಬ್ರಿಟಿಷ್ ದಂಪತಿಗೆ ಇದು ಮೊದಲ ಮಗುವಾಗಿದ್ದು, 2 ವರ್ಷಗಳ ಡೇಟಿಂಗ್ ನಂತರ 2020 ರಲ್ಲಿ ಮರಿಯಾ ಶರಪೋವಾ ಮತ್ತು ಅಲೆಕ್ಸಾಂಡರ್ ಗಿಲ್ಕ್ಸ್ ನಿಶ್ಚಿತಾರ್ಥ ಮಾಡಿಕೊಂಡರು.

ಓದಿ: 'ವಿರಾಟ್​​ ಕೊಹ್ಲಿ ಕೈಬಿಡುವ ಯಾವುದೇ ಸೆಲೆಕ್ಟರ್​ ಭಾರತದಲ್ಲಿ ಹುಟ್ಟಿಲ್ಲ': ಪಾಕ್ ಮಾಜಿ ಕ್ಯಾಪ್ಟನ್​