ನವದೆಹಲಿ: ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಭಾರತದ ಸ್ಟಾರ್ ಕುಸ್ತಿಪಟು ಬಜರಂಗ್ ಪೂನಿಯಾ ಗಾಯದ ಕಾರಣ ಮುಂಬರುವ ವಿಶ್ವಚಾಂಪಿಯನ್ಶಿಪ್ನಿಂದ ಹೊರಗುಳಿಯುವುದಾಗಿ ಸೋಮವಾರ ತಿಳಿಸಿದ್ದಾರೆ.
ಒಲಿಂಪಿಕ್ಸ್ಗೂ ಮುನ್ನ ರಷ್ಯಾದಲ್ಲಿ ನಡೆದ ಸ್ಪರ್ಧೆಯ ವೇಳೆ ಮಂಡಿ ಗಾಯಕ್ಕೆ ಒಳಗಾಗಿದ್ದರು. ನಂತರ ಸಂಪೂರ್ಣ ಚೇತರಿಕೆಯಾಗದಿದ್ದರೂ ಒಲಿಂಪಿಕ್ಸ್ನಲ್ಲಿ ಹೋರಾಡಿ ದೇಶಕ್ಕೆ ಕಂಚಿನ ಪದಕ ತಂದುಕೊಟ್ಟಿದ್ದರು. ಇದೀಗ ಗಾಯ ಮತ್ತೆ ಉಲ್ಬಣಗೊಂಡಿದ್ದು, 6 ವಾರಗಳ ಕಾಲ ಪುನಶ್ಚೇತನದಲ್ಲಿರಬೇಕೆಂದು ವೈದ್ಯರು ಸಲಹೆ ನೀಡಿದ್ದಾರೆ.
ಹಾಗಾಗಿ ಅಕ್ಟೋಬರ್ 2ರಿಂದ 10ರವರೆಗೆ ನಾರ್ವೆಯ ಒಲ್ಸಾದಲ್ಲಿ ನಡೆಯಲಿರುವ ವಿಶ್ವ ಕುಸ್ತಿ ಚಾಂಪಿಯನ್ಶಿಪ್ ನಡೆಯಲಿದೆ. ಬಜರಂಗ್ ಪೂನಿಯಾ ಪುನಶ್ಚೇತನ ಮುಗಿಯುವವರೆಗೆ ಯಾವುದೇ ತರಬೇತಿ ನಡೆಸಲು ಸಾಧ್ಯ ಇಲ್ಲದೇ ಇರುವುದರಿಂದ ಚಾಂಪಿಯನ್ಶಿಪ್ನಿಂದ ಅನಿವಾರ್ಯವಾಗಿ ಹೊರ ಬಂದಿದ್ದಾರೆ.
ಇದು ಮಂಡಿ ಮೂಳೆಗೆ ಸಂಬಂಧಿಸಿದ ಗಾಯವಾಗಿದ್ದು, ನನಗೆ 6 ವಾರಗಳ ವಿಶ್ರಾಂತಿ ತೆಗೆದುಕೊಳ್ಳಲು ಡಾ ದಿನ್ಶಾ ಅವರು ಸೂಚಿಸಿದ್ದಾರೆ. ಹಾಗಾಗಿ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ನಾನು ಸ್ಪರ್ಧಿಸಲು ಸಾಧ್ಯವಿಲ್ಲ ಎಂದಿದ್ದಾರೆ.
ಇನ್ನು ಈ ವರ್ಷ ಯಾವುದೇ ರ‍್ಯಾಂಕಿಂಗ್ ಸ್ಪರ್ಧೆ ಇಲ್ಲದಿರುವುದರಿಂದ ತಮ್ಮ ವರ್ಷದ ಆವೃತ್ತಿ ಕೂಡ ಮುಗಿದಿದೆ . " ವಿಶ್ವಚಾಂಪಿಯನ್ಶಿಪ್ ಮಾತ್ರ ಈ ವರ್ಷದ ಪ್ರಮುಖ ಈವೆಂಟ್. ಆದ್ದರಿಂದ ನಾನು ಮುಂದಿನ ಯಾವುದೇ ಟೂರ್ನಮೆಂಟ್ಗಳಲ್ಲಿ ಸ್ಪರ್ಧಿಸುವುದಿಲ್ಲ ಎಂದು ಬಜರಂಗ್ ಹೇಳಿದ್ದಾರೆ.
ಇದನ್ನು ಓದಿ: ಪ್ಯಾರಾ ಅಥ್ಲೀಟ್ಗಳು ನಿಜ ಜೀವನದ ಹೀರೋಗಳು, ದಯವಿಟ್ಟು ಬೆಂಬಲಿಸಿ: ತೆಂಡೂಲ್ಕರ್
